كنترول أسترا 2005

[essawii]

السلام عليكم..
شباب انا لسه جايب استرا 2005 اتوماتيك مرفوعة بقالها 4 سنين وعدادها 93000كم
المفروض ان الكنترول بايظ وروحت لصابر قالي هيغيره بكنترول الماني هيكلفني 5000 بس لاقيته هيغير فيها حاجات تانية كتير..ف قلقني.
بصراحة دي اول عربية بالنسبة لي فياريت اللي عنده خبرة في موضوع الكونترول يفيدني فين ممكن أسأل عنه وايه الاحسن..وياترا لو مشيت بيها كده (مانيوال) ممكن تحصل اي مشكلة في الفتيس..

[Hesham256]

طب العربية بتعمل إيه أصلاً....عشان حوار تمشيها مانيوال ده يبقي ليها علاقة بالفتيس.....غالبا يا سيليكتور يا حساس سرعة.
كنترول المحرك لو باظ العربية مش هتسحب خالص ولا مانيوال ولا اوتو ومش هتعدي ال3500 لفة بأي حال من الأحوال.

[egyption2012]

اولا متركبش الكنترول الالماني لانه مش حيكون متوافق مع العربية بشكل جيد
وحيحتاج تعديلات عشان يكون متوافق بشكل مقبول نوعا ما

مشاكل الكنترول متعددة ويوجد منها ما هو شائع وما هو غير شائع
اهم شئ يكون الميكانيكي فاهم عشان يشخص صح
ومتشتريش الكنترول وتطلع المشكلة مش منه
يعني اللي حيغيرهولك يكون على مسئوليته تصليح العربية

http://www.nilemotors.net/Nile/382033-a.html

http://www.nilemotors.net/Nile/385927-2005.html

http://www.nilemotors.net/Nile/319466-a.html

[essawii]

انا الحمد لله صلحت الكونترول والمشاكل كلها تقريبا اتحلت الا انها بتبطل لما بهدي ومش بتدور على طول ولازم ادوسلها بنزين..ف يا ترى ده فعلا من ال egr وحلها ايه

[alameer81]

الف مبروك اصلاح الكنترول وان شاء الله ما تتكررش تاني
فعلا العربية لما تبطل وانت بتهدي علي مطب مثلا بيكون سببها egr
غيره ان شاء الله والمشكلة تتحل
انا كنت جايبه من الزقازيق ب 350 جنيه واعتقد في الحرفيين ارخص
يا ريت تقولنا عملت ايه