حساس سرعه اوبل كورسا 1999 - 1000 سى سى

[amir_ezzat]

السلام عليكم
عندى مشكله فجاءه مؤشر السرعه بطل يستغل ولمبه التشك نورت المهم روحت كشفت قالى ده حساس السرعه عايز يتغير فى نفس الوقت العربيه بقت لما بجرى عند سرعه معينه الباور بيقطع ومش بيرجع غير لما ابطل العربيه واشغلها تانى قولت ممكن كل ده يتحل لما اغير حساس السرعه - المهم دورت عليه لحد ما لقيته ب 100 جنيه فى السلام استيراد وبعد التغير لمبه التشك طفيت بس مؤشر السرعه لسه زى ما هو - هو فى حاجه المفروض اعملها بعد ما ا غير الحساس ولا كده هو بايظ
شكرا مقدما للمساعده واسف للطاله

[amir_ezzat]

هى المشكله صعبه قوى كده - انا مشكلتى انى مش مقيم فى القاهره علشان كده بحاول اصلح كل حاجه بنفسى

[احمد فهمى]

في حاحه غلط فى التركيب ممكن فيشه مركبتش او توصيل خطاء حاول تشيل كبل البطاريه ساعه وجرب

[amir_ezzat]

انا فعلا شيلت كابل البطاريه 2 ساعه وبردو مفيش فايده - الفيشه ليها مكان كده بتركب كبس يعنى مينفعش تكون مش راكبه كويه وانا بنفسى اتاكدت انها سليمه وراكبه - عموما انا هرجع الحساس واحاول اشوف واحد تانى لو حد يعرف ممكن الاقيه فيه جديد غير الشيماء وامريكانا ستار يريت يقولى علشان هو مش موجود هنامك
ودى صورته

[ayman hamdy]

الحساس بايظ رجعه وهات غيره على التجربة
تحياتى

[amir_ezzat]

انا بعت فعلا اجيب واحد تانى من اسكندريه هجربه وان شاء الله هعرفكم ايه اللى حصل لتعم الفائده الف شكر للحميع

[ALI SOLIMAN]

السلام عليكم
عندى مشكله فجاءه مؤشر السرعه بطل يستغل ولمبه التشك نورت المهم روحت كشفت قالى ده حساس السرعه عايز يتغير فى نفس الوقت العربيه بقت لما بجرى عند سرعه معينه الباور بيقطع ومش بيرجع غير لما ابطل العربيه واشغلها تانى قولت ممكن كل ده يتحل لما اغير حساس السرعه - المهم دورت عليه لحد ما لقيته ب 100 جنيه فى السلام استيراد وبعد التغير لمبه التشك طفيت بس مؤشر السرعه لسه زى ما هو - هو فى حاجه المفروض اعملها بعد ما ا غير الحساس ولا كده هو بايظ
شكرا مقدما للمساعده واسف للطاله

حساس السرعه ده فى العجله الشمال جرب تحط الحساس اللى فى العجله اليمين مكان الشمال و العكس كده هايبان اذا كان بايظ ولا لأ

و للعلم الحساس ده ليه وظيفتين السرعه و ال abs

واليمين والشمال زى بعض فى العجلتين اللى قدام

[amir_ezzat]

الحمد لله تم تغير حساس السرعه الموجود بالفتيس وتغير الفيوز واتحلت المشكله الحمد لله