سوال بخصوص شراء فيكترا سى

[mwetsh]

السلام عليكم
احب اخد راى الاعضاء فى اوبل فكترا سى مانول معروضة للبيع بس هى فيها شوية مشاكل كدة منها:
1- الفانوس الامامى مكسور والزينون الموجود بها غير اصلى.
2-يوجد شرخ فى الاكصدام الامامى.
3- رشة برة اعتقد بالكامل ( صاحبها بيقول حزام فقط).
4-الايرباج الموجودة فى باب السائق و اللى جنبة مفتوحين و صاحبها بيقولى نتيجة خبطة فى الاكصدام الجانبى و بيقولى ب 600 جنية الواحد.
غير كدة انا سوقت العربية حسيت انها التيل بيصفر و تقيلة فى النقل سحبها مش قوى فتوقعت طقم دبرياج قالى والله مغيرة قريب و بيقولى تقريبا كفائة الموتور 80% .
ممكن اعرف رايكم و اعرف تقريبا تعمل كام ؟
جزاكم الله خيرا

[Adnfalcon]

دي شكلها عامله حادثه و لو اشترتها لازم تشدها اعتقد هتدفع 6000 - 7000
وبهدله الصنايعيه وقطع غيار تدور عليها !

[mwetsh]

هو صاحبها بيقولى انها دواخل سليمة مفهاش الهوا وانا ان شاه نواى اكشف عند ا/ محمد طنانى بس محتاج رايكم الاول فى السعر لو مفهاش حوادث

[Adnfalcon]

قالك كام السعر

[mhkorayem]

وصفك للعربيه يقلق
ياباشا ابعد عن الشر وغنيلوا

[mwetsh]

بيقولى 80000

[hilal]

بلاش منها
شكلها كانت متهانة وهتنتقم منك

[hilal]

بيقولى 80000

ولا 70 الف

[mwetsh]

انا بقول اللى انا شايفة ممكن تبقى حاجات جامدة وممكن تبقى حاجات صغيرة و الراى متروك لكم

[mwetsh]

ولا 70 الف

يااة بجد انا كنت متخيل ان سعرها مقبول

[Adnfalcon]

هتشتري عربيه الايرباجز مفتوحين ! ابعد عنها

[mwetsh]

يعنى يا باشا الايرباج الجانبى يعيب السيارة معلش انا اسف انا على ادى فى العربيات

[omar khaled]

متجبهاش احسنلك كفاية الايرباج مفتوح وهي لو خبطة عادية في الاكصدام مكنتش اتفتحت تلاقيها خبطة محترمة

[TAMER_ELBADAWY]

اكشف عليها

عندك مقار يعملك كشف شامل فى حدود 600 جنية عشان تبقى عارف محتاجة مصاريف اية بالظبط وانا كمان بدور على واحدة حاليا....ولو سمحت هوة عنوان طنانى فين وهل عندة كشف كامل؟

[ENG.MaRk]

بصراحة رخمة أوي حكاية إني أشتري عربية و أنا عارف إن فيها حاجة عايزة صيانة ... الوصف بتاع العربية يوحي بإنك هتصرف تاني ده غير إن 80 ألف كتير علي عربية شكلها متهانة و الله أعلم