نفس المشكله في كل كورسا 1000 cc

[Shido]

من فتره بدور عل كورسا 1000cc للمدام عشان هي اللي فيها باور و شوفت اكتر من 6 عربيات كلهم نفس العيب. رجرجه علي السلانسيه وتروح مع زياده البنزين سنه بسيطه و منهم كمان عربيتين لمبه التشيك كانت منوره.......
ايه المشكله ديه و حلها ايه عشان في اكتر من ميكانيكي قالولي ان بلاش الموتور ده بالذات لو فيه اي مشكله. قول لصاحبها يصلحها الاول بعد كده خدها
في قاللي حساس شكمان وحد قاللي حساس مش فاكر اسمه
محدش يعرف اي حاجه عن الموضوع ده. و هل الموتور ال 1400 اللي بيتسقطلها كويس و حاجته موجوده و صيانته سهله ولا اصرف نظر عن العربيه دي خالص

[ah-elgendy]

نصيحه طلما العربيه للمدام هات حاجه كورى من العربيات الصغيره وتكون موديل حديث بتكيف علشان ديه هتكون لوحدها او معاها اولاد فى الطريق والاعطال بتاعت القديم كتير لما تكون العربيه تعبانه واشترى دماغك تجيب العربيه وتنساها

[Shido]

والله انا بدور في اكتر من عربيه بس السوق كله عربيات زي الزفت مافيش حالات كويسه في اي نوع. انا مش عارف الناس بتعمل ايه في العربيات عشان توصلها للحالات اللي بشوفها دي. دا انا لو قاصد ابهدل عربيتي مش هعرف اعمل اللي هما عاملينه. و مش بتكلم علي الصاج والبويه. انا اقصد الحوض والفرش والتابلوه و حاله الموتور والعفشه. و عربيات موديل لحد 2005. يلا ربنا يكرم

[haisam ali]

والله انا بدور في اكتر من عربيه بس السوق كله عربيات زي الزفت مافيش حالات كويسه في اي نوع. انا مش عارف الناس بتعمل ايه في العربيات عشان توصلها للحالات اللي بشوفها دي. دا انا لو قاصد ابهدل عربيتي مش هعرف اعمل اللي هما عاملينه. و مش بتكلم علي الصاج والبويه. انا اقصد الحوض والفرش والتابلوه و حاله الموتور والعفشه. و عربيات موديل لحد 2005. يلا ربنا يكرم

فعلا هيا دى مشكله السوق المصرى .... وانا بضم رأيي للأستاذ احمد الجن دى وبقولك انها طالما لأهل بيتك يبقى هات حاجه كور او يبانى برضه صغيره .... وعموما مشكله السلانسيه دى وعن تجربه مش هتروح اولا لان العربيه دى ٣ سلندر ثانيا بتآكل قواعد لانها اصلا بتتهز وأخيرا موضوع ال air mass ده مشكله وغالى فأنا بضم رايى وبشده للأستاذ احمد الجندى وبلاش منها لانها مش اعتماديه اوى لو ممكن تجيب ال ١٢٠٠ ممتازه بجد ... واسف للاطاله وشكرا

[Omar Mahmoud]

!

والله انا بدور في اكتر من عربيه بس السوق كله عربيات زي الزفت مافيش حالات كويسه في اي نوع. انا مش عارف الناس بتعمل ايه في العربيات عشان توصلها للحالات اللي بشوفها دي. دا انا لو قاصد ابهدل عربيتي مش هعرف اعمل اللي هما عاملينه. و مش بتكلم علي الصاج والبويه. انا اقصد الحوض والفرش والتابلوه و حاله الموتور والعفشه. و عربيات موديل لحد 2005. يلا ربنا يكرم

المشكلة هي المنطق المصري بتاع فابريكة برة و جوة و الاستبن اللي منزلش الارض من سنة 80
في ناس مستعدة تجيب عربية موتورها مفوت و مفيهاش حتة سليمة برة لمجرد إنها فابريكة برة
و دي عن تجربة شخصية لواحد قريبي معاه لانوس و عايز نوبيرا لقي واحدة اوتوماتيك فابريكة برة و جوة و سعرها اقل من العادي إقتنع لمجرد إنها فابريكة.للاسف ناس كتير وقت ما تبيع بتهتم بالدهان اكتر من اي حاجة.

[Shido]

فعلا هيا دى مشكله السوق المصرى .... وانا بضم رأيي للأستاذ احمد الجن دى وبقولك انها طالما لأهل بيتك يبقى هات حاجه كور او يبانى برضه صغيره .... وعموما مشكله السلانسيه دى وعن تجربه مش هتروح اولا لان العربيه دى ٣ سلندر ثانيا بتآكل قواعد لانها اصلا بتتهز وأخيرا موضوع ال air mass ده مشكله وغالى فأنا بضم رايى وبشده للأستاذ احمد الجندى وبلاش منها لانها مش اعتماديه اوى لو ممكن تجيب ال ١٢٠٠ ممتازه بجد ... واسف للاطاله وشكرا

فعلا .... انا فقدت الامل اني الاقي منها نضيف اصلا. المشكله ان اهم حاجه عندها هي الباور والتكييف طبعا. و مافيش حاجه في السعر ده غير العربيه دي, وال 1200 برده مافيهاش باور
لو في اي اقتراحات اكون متشكر جدااااااا

[Omar Mahmoud]

فعلا .... انا فقدت الامل اني الاقي منها نضيف اصلا. المشكله ان اهم حاجه عندها هي الباور والتكييف طبعا. و مافيش حاجه في السعر ده غير العربيه دي, وال 1200 برده مافيهاش باور
لو في اي اقتراحات اكون متشكر جدااااااا

ايه رأيك في الاكسيل او الاكسنت القديمة او اللانوس 1 اظن كل دول فيهم باور و قطع غيارهم رخيصة

[Shido]

!

المشكلة هي المنطق المصري بتاع فابريكة برة و جوة و الاستبن اللي منزلش الارض من سنة 80
في ناس مستعدة تجيب عربية موتورها مفوت و مفيهاش حتة سليمة برة لمجرد إنها فابريكة برة
و دي عن تجربة شخصية لواحد قريبي معاه لانوس و عايز نوبيرا لقي واحدة اوتوماتيك فابريكة برة و جوة و سعرها اقل من العادي إقتنع لمجرد إنها فابريكة.للاسف ناس كتير وقت ما تبيع بتهتم بالدهان اكتر من اي حاجة.

حضرتك صح مشكله كمان ان اكتر من نص السوق بقو تجار وحتي بقو بيبيعو لبعض. انا شفت اكتر من عربيه بتتنقل من تاجر لتاجر علي كونتاكت كارز و طبعا كل واحد بيحطلو 3000 جنيه . تلاقي صاحب العربيه الاصلي بايعها ب 35000 و بعد 2 او 3 تجار توصل 45000 و احنا نقول مال العربيات بتغلي ليه

[windofchange]

سيات ايبيزا موديل 2000 ل2002 موتور 1000 سي سي 70 حصان

[Shido]

سيات ايبيزا موديل 2000 ل2002 موتور 1000 سي سي 70 حصان

يا مسهل. انا بتعجبني و كنت بصيت عليها بس بلاقي طالبين من 45-50
هبص عليها تاني بس مش عارف لو لقيت حاجا اكشف فين في مدينه نصر
انا كنت بدور علي حاجه تانيخ ليا و هديها الكورسا السيدان هي بتسوقها كويس و عاجباها
اللي هلاقيه الاول بقي

[Shido]

ايه رأيك في الاكسيل او الاكسنت القديمة او اللانوس 1 اظن كل دول فيهم باور و قطع غيارهم رخيصة

والله بدور بس مافيش حالات والنضيف في الاكسنت واللانوس ده لو فيه اصلا بيطلبو 45000
والاكسنت ال 1300 مافيش باور برده
انا ماعنديش مشكله مع اي عربيه تكون بتمشي و سهله في قطع غيارها. علي اسا اني ولا هسافر بيها ولا هتبقي مشاويرها كتير ده حتي سعات ببص علي سبيرانزا a113 بس دي بقي الناس بتهري فيها وبرده النضيف فوق ال 45 يعني اغلي من عربيتي اصلا. ههههه
شكل ربنا مش رايد دلوقتي خصوصا مع اجراات شد الحزام الجديده والله اعلم هيعملو ايه في البنزين و الدعم. ربنا يستر