ارتفاع درجة الحرارة مع التكييف

[a_mokhtar]

السلام عليكم يا رجالة
كل سنة و انتو طيبين

عندي الحرارة من غير تكييف في متوسط 90-92
التكييف بيرفعها ل 95 أحيانا و خصوصا مع الحر الشديد
و الأغرب لو سرعة مروحة التكييف زودتها ل 4 الحرارة بتعلى أكتر بشكل ملحوظ يمكن ل 97 !

الاستفسارين اللي عندي. .
ايه ممكن يكون سبب ارتفاع الحرارة بسرعة لو التكييف شغال؟ علما بان اول ما اطفي الكومبريسور الحرارة بتنزل ل 90 في ثواني..
تاني سؤال ايه اللي يفرق في الحرارة لو زودت مروحة التكييف ل 4 عن لو خليتها 2 ؟؟

[piezo]

شوف المروحه التانيه بتاعة التكييف ممكن تكون بايظه او مش شغاله كويس هتلاقي وانت واقف امام السياره مروحه علي اليمين ديه بتاعة الريدياتير و الي علي الشمال بتاعة التكييف لما يشتغل فا هي ديه الي ممكن يكون فيها العيب ان شاء الله

[احمد فهمى]

المروحه التانيه مش شغاله او سرعة المروحه العاليه مش شغاله

[kiroo85]

المفروض في حساسين موجودين علي شجرة التكييف واحد منهم حساس الفريون وده بيمنع عمل الكباس لو الفريون مش موجود في الدورة للحفاظ علي الكباس من التلف .. والحساس الثاني يعمل مع ضغط الفريون حيث ان الغاز يتمدد بالحرارة وبالتالي بيدي اوردر للمروحة للعمل بالسرعة الثانية .. رايي التأكد من عمل السويتش الثاني عن طريق التك2 .. لو مش بيدي قراية يبقي تالف ومحتاج تغيير .. لأن درجة حرارة الموتور بتتناسب طردي مع التكييف .. فلا يمكن ان تكون درجة حرارة الموتور تصل لل97 ودورة الفريون لم تتأثر بها.. ده رأيي وممكن جهابزة الاوبل يفتونا برضه

[ayman hamdy]

المفروض في حساسين موجودين علي شجرة التكييف واحد منهم حساس الفريون وده بيمنع عمل الكباس لو الفريون مش موجود في الدورة للحفاظ علي الكباس من التلف .. والحساس الثاني يعمل مع ضغط الفريون حيث ان الغاز يتمدد بالحرارة وبالتالي بيدي اوردر للمروحة للعمل بالسرعة الثانية .. رايي التأكد من عمل السويتش الثاني عن طريق التك2 .. لو مش بيدي قراية يبقي تالف ومحتاج تغيير .. لأن درجة حرارة الموتور بتتناسب طردي مع التكييف .. فلا يمكن ان تكون درجة حرارة الموتور تصل لل97 ودورة الفريون لم تتأثر بها.. ده رأيي وممكن جهابزة الاوبل يفتونا برضه :copy of m-s5:

+111111111111111111111

[ahmedfouad]

ما شاء الله على رجالة الاوبل
ممكن تكون دورة التبريد محتاجة تنظيف ؟

[a_mokhtar]

السرعة التانية: انا كنت جربت كتاوتات سرعات مروحة الرادييتور، كل واحد لوحده، و كان ال 3 سرعات شغالين الحمدلله
مروحة التكييف: هي اللي بين الشبكة و الرادييتور ؟ هي بتشتغل مع الكومبريسور بس معنديش فكرة هل ليها سرعات ولا لا، و ازاي أعرف لو المشكلة في سرعاتها
تنضيف دورة التبريد: منضفها قريب و الميه كويسة الحمدلله
حساسات التكييف: كشف Tech2 العادي مش بيجيب عطل فيها، هل التكييف ليه فحص مخصوص زي ال abs ?

[kiroo85]

بشمهندس مختار .. المروحة الامامية الصغيرة تعمل سرعتين .. اما بالنسبة لحساسات التكييف ليها قرايات عل تيك2 من ناحية ضغط الفريون kps و الباقي لست متذكره بشكل جيد .. عموما هبقي اخد سكرين شوت من قرايات التيك2 وهو واصل عل عربية وابقي ابعتها لحضراتكم ..

[amoora]

عندي نفس المشكلة ... متاااااااااابع

في كهربائية بيلغم ال2حساس الموجودين على شجرة التكيف ويقولم عادي مش بيئثرم على حاجة