ايه رايكم ...ضروري .....؟؟؟؟؟ممكن؟؟؟؟

[Saddam Azmi]

استفسار يا جماعه انا معروض عليا اوبل 1000 سي سي موديل 99 ...بطاريه جديده ..رخصه ساريه لمدة سنه ونصف ..عربيه لاتحتاج اي مصاريف ..تباع للتجديد فقط...العربيه حالتها جيده جدا صاحبها كان بيتكلم ف 37 وصلنا السعر ل35 لانها عربيه صديق يعني حاجه بيتي كده ...يا تري ايه رايكم في العربيه اولا وبعدين السعر ويا ربت الرد بسرعه لان رايي هيترتب علي ردودكم وبارك الله فيكم....
احلي منتدي

[Saddam Azmi]

21 مشاهده من غير رد فين العصااااااااااااااااابه

[Omar2017]

جميلة جدا كورسا 99 ب35 الف بس دة انا لسة شايف واحدة على دوبيزل مطلوب فيها 40 الف نهائي

[فادى محمد]

الشكله بس في الموتور ال1000 سي سي بيحتاج حساسات علطول واعطاله كتير
الافضل في الكورسا الموتور ال1200 سي سي . عربيه ممتازه بالموتور ده
السعر مس هقدر افيدك بس لو لقطه مفيش مانع تاخدها ولو الموتور بدا يضايقك
شيله وسقط 1200 . مش غالي

[Saddam Azmi]

[QUOTE=Omar2017;3875640858]جميلة جدا كورسا 99 ب35 الف بس دة انا لسة شايف واحدة على دوبيزل مطلوب فيها 40 الف نهائي

شكرا علي الرد ....هو السعر ده لان السياره تبع صديق يعني

[Saddam Azmi]

الشكله بس في الموتور ال1000 سي سي بيحتاج حساسات علطول واعطاله كتير
الافضل في الكورسا الموتور ال1200 سي سي . عربيه ممتازه بالموتور ده
السعر مس هقدر افيدك بس لو لقطه مفيش مانع تاخدها ولو الموتور بدا يضايقك
شيله وسقط 1200 . مش غالي

شكرا لرد حضرتك استاذ فادي ....هو حالة الموتور كويسه جدا يعني .....ولو هسقط الموتور 1200 هيبقي تكلفته حوالي كام؟؟؟؟ويا ريت راي حضرتك في الموديل ده من حيث التسارع الثبات الاعتماديه ..وقطع الغيار ..ولا ممكن حضرتك ترشح حاجه افضل ...وشكرا لاهتمامك

[فادى محمد]

سامحني بالنسبه لاسعار الكورسا ش عارف , اسالني في الفيكترا اجاوب علطول.هاهاهاها
العربيه ممتازه , وهي اللي حببتني في الاوبل عموما , قطع غيار رخيصه ومعمره والموتور ال1200
ده بلا اعطال .

[Saddam Azmi]

سامحني بالنسبه لاسعار الكورسا ش عارف , اسالني في الفيكترا اجاوب علطول.هاهاهاها
العربيه ممتازه , وهي اللي حببتني في الاوبل عموما , قطع غيار رخيصه ومعمره والموتور ال1200
ده بلا اعطال .

ميرسي لذوق حضرتك يا استاذ فادي .....اصل انا سمعت ان العربيه خفيفه وكده ..ودي اول عربيه ليه وانا معنديش خبره فقولت اسال اهل الخبره ...ويا ريت اللي معاهم الكورسا يشاركونا الحوار

[haisam ali]

العربيه دى ياستاذ صدام قعدت معايا ٥ سنين من الزيرو والعربيه دى حالتها لو زى ما حضرتك بتقول هتتبسط منها جداً من ناحيه الثبات والراحه والباور بتاعها ممتع .... ولكن يعيبها عند تشغيل التكييف ماتحولش اصلا تعدى توتوك حيث ان السحب يكاد يكون معدوم ثانيا الموتور بتعها ٣ سلندر وبيترعش عالطول ع السلانسيه وكمان موضوع ال air mass ) حساس الهواء وده غالى جدا بحوالى ١٢٠٠ جنيه جديد وبيخلى العربيه تقطع وبيبوظ عالطول .... غير كده العربيه دى حكاااايه بجد وانا أسف للاطاله وشكرا .... واى سؤال انا فى الخدمه .... اه بالحق ياريت تاخد معاك سمكرى فاهم جداً جداً لان الكورسا دى بلا فجاوى اماميه بمعنى ان اى حد يغير فيها اى حاجه ومستحيل تبان عليها ... وشكرا

[Saddam Azmi]

العربيه دى ياستاذ صدام قعدت معايا ٥ سنين من الزيرو والعربيه دى حالتها لو زى ما حضرتك بتقول هتتبسط منها جداً من ناحيه الثبات والراحه والباور بتاعها ممتع .... ولكن يعيبها عند تشغيل التكييف ماتحولش اصلا تعدى توتوك حيث ان السحب يكاد يكون معدوم ثانيا الموتور بتعها ٣ سلندر وبيترعش عالطول ع السلانسيه وكمان موضوع ال air mass ) حساس الهواء وده غالى جدا بحوالى ١٢٠٠ جنيه جديد وبيخلى العربيه تقطع وبيبوظ عالطول .... غير كده العربيه دى حكاااايه بجد وانا أسف للاطاله وشكرا .... واى سؤال انا فى الخدمه .... اه بالحق ياريت تاخد معاك سمكرى فاهم جداً جداً لان الكورسا دى بلا فجاوى اماميه بمعنى ان اى حد يغير فيها اى حاجه ومستحيل تبان عليها ... وشكرا

اشكرك والله يا استاذ هيثم وكل سنه وحضرتك طيب ....معلش انا بقي اللي هطول عليك ...بص يا عمنا ...انا نفسي اركب الماني ومحتاج حاجه كويسه ترشح لي ايه في الرنج ده ؟؟؟

[haisam ali]

بص يامعالى الباشا لو لفيت فيكترا a حالتها حلوه هتتبسط جداً جداً من العربيه دى لانها بجد ممتازه من ناحيه كل حاجه ثبات راحه أعطال وكل حاجه فيها ممتازه ولو ماكنش شوف كورسا ١٢٠٠ برضه اعتماديه فوق الوصف لكنها طبعا ولا حاجه قصاد الفيكترا a .... وبعدين انت ليه صرفت نظر عن العربيه الكورسا بتاعت صاحبك دى ؟؟؟؟؟

[Saddam Azmi]

بص يامعالى الباشا لو لفيت فيكترا a حالتها حلوه هتتبسط جداً جداً من العربيه دى لانها بجد ممتازه من ناحيه كل حاجه ثبات راحه أعطال وكل حاجه فيها ممتازه ولو ماكنش شوف كورسا ١٢٠٠ برضه اعتماديه فوق الوصف لكنها طبعا ولا حاجه قصاد الفيكترا a .... وبعدين انت ليه صرفت نظر عن العربيه الكورسا بتاعت صاحبك دى ؟؟؟؟؟

شكرا لردك يا هيثم......انا صرفت النظر عنها لان ناس كتير حذروني من مشاكل الموتور بتاعها فقولت اشوف حاجه افضل ولو حتي هزود ل 40 الف ....هشوف فيكترا a وربنا يوفق