مشكله فى السنتر لوك

[Hesham.H]

الزملاء الأعزاء ... كل عام وأنتم بخير

عندى مشكله فى الباب الشمال الخلفى ... اللى خلف السائق ... مشكلته انه من فتره مابقاش يفتح ولا يقفل مع السنتر
قعد شويه فى الاول يفتح ويقفل بمزاجه مع السنتر ( مره يفتح ومره لا )
دلوقتى مابقاش يفتح ولا يقفل مع السنتر بس بيفتح ويقفل يدوى
حد قابل المشكله دى أو حلها ممكن يكون ازاى لان وقفه الصنيعيه فى رمضان مابحبهاش
تحياتى

[Omar2017]

البواب علم عليك جامد
اكيد كان بيغسلها بمية من جوة فاكرها لادا كدة السنتر بتاع الباب مش سليم روح شوفة عند كهربائي محترم

[eng.salama93]

هتجيب قربة سنتر 3 طرف تقريبا ب 20 جنيه و تركبها بنفسك او تخلي كهربائي يركبها

[hemaa_82]

الاول بس انت بتسمع صوت السنتر في الباب ده ولا لا حتي لو مبيفتحش.... ممكن يكون بس الدراع بتاعة فلت مش اكتر

روح عند بتاع كوالين و مفاتيح و هيظبطك

[andrew uwj]

متابع و عندى نفس المشكله فى نفس الباب

[ayman hamdy]

كدة مكينة السنتر باظت ولازم تتغير متفكرش تصلحها لانها متبرشمة ودة عن تجربة
ثمنها ١٠٠ جنيه وممكن تركبها بنفسك يا هشام
ولازم تقول له انها اللى ورا السواق لأنهم مختلفين كلهم عن بعض
تحياتى

[hagagatc]

انت محتاج واحد كهربائي الاول يراجع ويعرف سبب المشكله في كل باب وحده رفع وسنتر والعمومي موجود تحت درج الطبلوه ورا الفبر في جانب العربيه

[Hesham.H]

واضح ان فى اجماع على انى اروح للكهربائى ... الأمر لله بقى

[ayman hamdy]

واضح ان فى اجماع على انى اروح للكهربائى ... الأمر لله بقى

مش محتاج كهرباءى يا هشام غير المكينة زى ما قلت لك وركبها
تركيبها سهل جدا وبلغنا باللى عملته
تحياتى

[Hesham.H]

مش محتاج كهرباءى يا هشام غير المكينة زى ما قلت لك وركبها
تركيبها سهل جدا وبلغنا باللى عملته
تحياتى

اوك يا ايمن .. بس المكنه دى بتيجى استيراد ولا جديد ؟؟

[haisam ali]

اكيد طبعا الأفضل والإحسن استيراد يا h وكان الله فى العون ياريس

[Hesham.H]

اكيد طبعا الأفضل والإحسن استيراد يا h وكان الله فى العون ياريس

شكرا يا جميل .. تعرف فى حدود كام ؟؟

[مجمود فراج]

انا كان عندى نفس المشكله فى الباب الخلفى يمين وعملت زى ما الاستاذ ايمن قال جبت واحد استيراد فعلا ب 100 جنيه وركبته بنفسى الموضوع سهل

[ayman hamdy]

اوك يا ايمن .. بس المكنه دى بتيجى استيراد ولا جديد ؟؟

استيراد يا هشام ونفس المشكلة كانت عندى بالضبط وغيرتها بنفسى
توكل على الموضوع بسيط هتفك المسامير اللى ماسكة يد الباب وهم 3 وتفك 4 ماسكين فرش الباب من تحت وهتشد الفبرة الصغيرة اللى جمب المرايا بالمفك وترفع الفرش بمفك من فوق خالص وتفك مكينة السنتر وهم 3 مسامير كبار فى جنب الباب كدة اتفكت شيل فيشتها اخلع السلك الحديد بتاع السنتر منها وخرجها برة وركب المكينة الجديدة ورجع كل حاجة زى ما كانت ومبروك مقدما
تحياتى

[Hesham.H]

استيراد يا هشام ونفس المشكلة كانت عندى بالضبط وغيرتها بنفسى
توكل على الموضوع بسيط هتفك المسامير اللى ماسكة يد الباب وهم 3 وتفك 4 ماسكين فرش الباب من تحت وهتشد الفبرة الصغيرة اللى جمب المرايا بالمفك وترفع الفرش بمفك من فوق خالص وتفك مكينة السنتر وهم 3 مسامير كبار فى جنب الباب كدة اتفكت شيل فيشتها اخلع السلك الحديد بتاع السنتر منها وخرجها برة وركب المكينة الجديدة ورجع كل حاجة زى ما كانت ومبروك مقدما
تحياتى

الكلام ده للوحده الرئيسيه ولا وحده الباب البايظ يا أيمن ؟؟