باغات فوانيس امامية فيكترا بي2

[Ahmed_Gad]

السلام عليكم كل سنة وانتم طيبين لو سمحنم انا عندي الفوانيس لونها مصفر ومغيم اوي فكيتهم وقولن اغسلهم وبالفعل غسلتهم من جوة وكمان بالمرة وانا فاكك جبت اسبراي اسود وعملتهم اسموك بس بعد التعب دا استحرمت اقفل الباغات الوحشة دي فقلت اسألكم لو حد يعرف هل باغات الفوانيس الامامية بتتباع لوحدها ولو حد اشتراها من اسكندرية ياريت بكام ومنين
والف شكر

[احمد فهمى]

الزجاج بتتغير لوحدها ب30 جنيه الواحد بس البى 2 البلاستيك معنديش فكره انها بتتباع بس بتتصب ولو سليمه فى ناس بتامعها وبترجع كويسه

[فادى محمد]

فوانيس جديده ياباشا..

[Ahmed_Gad]

استاذ احمد طب ماعندكش فكرة التلميع دا يبقي فين في اسكندرية

[Ahmed_Gad]

استاذ فادي طب ياتري بتقول فوانيس جديدة عشان مافيش ياغة ولا عشان احسن؟ وبعدين الفوانيس الجديدة انا سمعت انها مش زي الاصلي ايه رأيك انا اللي راكبين عندي نوعهم فاليو اسباني وفيهم مواتير

[hagagatc]

علي فكره التلميع بيرجع الفانوس لاصله بس بيصفر بسرعه تاني لان بيبقي في ماده علي الباغه بعد التلميع بتروح

[فادى محمد]

شفت فوانيس كتير استيراد مغششه والقليل منها كويس..
عامه كله بياخد قته وبيصفر , حتي المرسيدس فوانيسها بتغشش برده
التلميع حل مؤقت بيلمع الباغه من بره فيبان لك انها فتحت علشان ريفلكت الاضاءه
انما الواقع ان كل ده في الطبقه الخارجيه فقط .الجديد التايواني مش وحش
عدو الفوانيس الوحيد هو الجاز . ماتخليش بتاع غيار الزيت يرش جاز عليهم للتنظيف

[Hesham.H]

شفت فوانيس كتير استيراد مغششه والقليل منها كويس..
عامه كله بياخد قته وبيصفر , حتي المرسيدس فوانيسها بتغشش برده
التلميع حل مؤقت بيلمع الباغه من بره فيبان لك انها فتحت علشان ريفلكت الاضاءه
انما الواقع ان كل ده في الطبقه الخارجيه فقط .الجديد التايواني مش وحش
عدو الفوانيس الوحيد هو الجاز . ماتخليش بتاع غيار الزيت يرش جاز عليهم للتنظيف

فانوس عندى باظ بسبب الجاز واصفر وبقى شكله وحش جداا ... حذارى ثم حذارى من الجاز

[Ahmed_Gad]

الله يباركلكم يارجالة التوبل يا اجدع اخوة وكل سنة وانتم طيبين بس انا بعد كلامكم خلاص هقفل الفوانيس علي كدا بعد مانضفتها وعملتهم اسموك اهو تغيير مؤقتا لحد ان شاء الله الصيف الجاي ادخل العربية سمكرة ودوكو وبالمرة اغير الفوانيس تبقي طالعة بزهوتها

[Ahmed_Gad]

بصوا يا جماعة لنل واحد صاحبي سألي علي باغات ولقي منهم استثماري الاتنين عاملين 80 بلبل هنزل ان شاء الله بعد التراويح اشوفهم ولو كدا هجيبهم اهو يمشوني السنة دي عبال العمرة ابقي اغير الفوانيس وان شاء الله هبقي اصور كل حاجة واعملكن موضوع حلو بس حد يعلمني ازاز احط الصور في الموضوع

[hagagatc]

مركز تحميل نايل موتورز
حترفع صورك علي اللينك ده
وتنسخ رابط المنتديات وتحطه في الموضوع وشكرا

[kornclub]

صورهم و فرجنا