ماكينه الزجاج باظت ممكن مساعده

[buffon851]

بعد اذنكو يا شباب عندى مكنه الازاز باظت والتروس اتاكلت انا العربيه فيكترا 95 وقالولى لازم تجيب مكنه والمكن اسعاره هابله بصراحه اللى يقولى 250 او 300 للمكنه فانا عايز اعرف هو هل ده سعر مكن الاوبل وهل فى حاجه بديله ارخص ممكن اركبها وشكرا لحضراتكم

[Tiar]

بعد اذنكو يا شباب عندى مكنه الازاز باظت والتروس اتاكلت انا العربيه فيكترا 95 وقالولى لازم تجيب مكنه والمكن اسعاره هابله بصراحه اللى يقولى 250 او 300 للمكنه فانا عايز اعرف هو هل ده سعر مكن الاوبل وهل فى حاجه بديله ارخص ممكن اركبها وشكرا لحضراتكم

انا كنت جايبها من حوالى سنتان بـ 150 جنيه من عند احمد حسن اللي في البراجيل
أسأل عند هاني العايدي في الحرفيين ارخص من احمد حسن



طيار

[ahmedkasem]

للاسف هو ده سعر المكن حاليا
وطبعا السعر مبالغ فيه جدا عشان هو بتاع فيكترا 95 اللي المسمار فيها بمبلغ وقدره
انا غيرت المكنتين عندي ب 250 جنيه بالمصنعية والفك والتركيب عندنا في اسكندرية
بس ركبت مكنتين تانيين مش بتوع اوبل
هما تقريبا كانوا بتوع تويوتا كرولا وهو عدلهم عشان يركبوا عندي
وبتاع الابواب هو اللي ركبهم من عنده وكانت التكلفة كلها مكنتين امامي +فك وتركيب ومصنعية = 250 جنيه
على العموم روح لواحد بتاع ابواب وهو هيقولك على البدايل المتاحة وممكن تلاقي عنده مكنتين زي ما لقيت
بس ماتدفعش مليم واحد غير لما يركبهم وتجربهم عشان ممكن يديلك حاجة خليع من عنده

[Hesham.H]

لو روحت لصنيعى نضيف هايغيرلك الترس ويظبطلك المكنه زى الفل .. بس روح لواحد بيفهم
تحياتى

[مجمود فراج]

انا اشتريتها فعلا ب 250 ومركبتهاش صلحت اللى عندى