استفسار عن مرايات فيكترا 95

[ahmedkasem]

طبعا الكل عارف ان مشكلة مرايات الفيكترا 95 انها مش بتتقفل وبتتكسر بسرعة
وللاسف جوز المرايات بيعمل 400 جنيه
وطبعا بعد ما غيرتهم مرتين في اقل من تلات شهور اشتريت جوز مرايات ابيزا وركبتهم
بس للاسف شكلهم مش حلو خالص ومش كهربا
استفساري بقى هو ايه الموديلات التانية من المرايات اللي ممكن تركب عندي في الفيكترا 95 من غير تعديل وتكون كهربا غير الابيزا طبعا
وياريت اللي يساعدني يقوللي النوع والموديل لاني سمعت ان في نوع بتاع البي ام بيركب بس للاسف دوخت عليه عشان مش عارف الموديل بالضبط
وكل سنة وانتوا طيبين

[Mr.Lawyer]

والله نفس الحكايه معايا ولسه جاى من برا مخنوق جداً بسبب المرايه اليمين

المرايات مش بتتقفل ومعرضه لاى عجله او عربيه معديه تخبطها وتتكسر بسهوله

وحرام كل شهر نجيب جوز مرايات وترجع ريما لعادتها القديمه :(

يا ريت لو فى اى بدائل ينفع تركب عندنا بدون اى تعديل وتكون كهرباء وبتتقفل

اتمنى حد يقـــدر يفيدنا من عباقره قسم اوبل ..

[فادى محمد]

اللي اعرفه الابيزا هو ده البديل..

[buffon851]

انا مش عارف ام الخواجه ده كانت دماغه فين لما عمل المرايات كده دى حاجه تقرف وكل اما اقف فى حته لازم ولاد الحلال يوجبو ازاى يشوفو مرايه مفتوحه كده ويسيبوها وطبعا بكف الايد ودب حاجه تخنق الصراحه ياريت نلاقيلها حل

[احمد فهمى]

خليك فى بتوع الابيزا اي بديل هيكون نفس الوضع مش هيظبت فى الشكل او اطلع بور سعيد بالعربيه فى الشونه مليانه ناس فارشه بمرايات كل الانواع والاشكال جرب اللى تناسبك كهربا وهتى لو الاخرام مش فى مكانها تخرملها عادي بس المهم المثلث يظبت ويخدم عندك وارجع ﻷى كهربائى يوصلهملك وهم هناك بيجربولك المرايا الكهربا بره

[ashrafnoby]

انا معايا اوبل 95 وركبت بتاعه الاستر وشغاله زى الفل ممكن تجيبهم الستعمال ب400-450 جنيه وشكلها تحفه بجد

[Tiar]

انا معايا اوبل 95 وركبت بتاعه الاستر وشغاله زى الفل ممكن تجيبهم الستعمال ب400-450 جنيه وشكلها تحفه بجد

تشكر على المعلومة الجامده دي بس كنت عاوز اعرف استرا موديل كام؟ وكهرباء وبتقفل ؟ وجايبها منين؟




طيار

[ahmedkasem]

انا شوفت مراية النيسان الصني 2010 والموديلات اللي قبلها
تقريبا نفس المثلث بتاع الفيكترا 95
بس مش متأكد يركب عندنا ولا لأ

[Mr.Lawyer]

انا معايا اوبل 95 وركبت بتاعه الاستر وشغاله زى الفل ممكن تجيبهم الستعمال ب400-450 جنيه وشكلها تحفه بجد

ممكن بعد اذنك تصورنا مرايات الاسترا عندك وترفع الصوره هنا او توربنا صوره قريبه منها

هــى استرا موديل كاااام ؟؟؟

[احمد فهمى]

تقريبآ استرا 2001 بس هو يأكد لنا

[ashrafnoby]

استر موديل 2005 وممكن احاول انزل الصور بس النت يتصلح

[Mr.Lawyer]

استر موديل 2005 وممكن احاول انزل الصور بس النت يتصلح

يا ريت يا باشا لو امكن تنزل صورها ف اسرع وقت ممكن

[ahmedkasem]

انا معايا اوبل 95 وركبت بتاعه الاستر وشغاله زى الفل ممكن تجيبهم الستعمال ب400-450 جنيه وشكلها تحفه بجد

طيب والمثلث البلاستيك بتاع المرايا الاسترا ركب عادي في مكانه من غير اي تعديل ولا عدلت فيه حاجة؟
اصلي بشوف الدوران بتاع مثلث مراية الاسترا مختلف عن دوران مثلث مراية الفيكترا ايه
وطبعا انا اقصد الدوران اللي في زاوية المثلث

[ahmedkasem]

طيب والمثلث البلاستيك بتاع المرايا الاسترا ركب عادي في مكانه من غير اي تعديل ولا عدلت فيه حاجة؟
اصلي بشوف الدوران بتاع مثلث مراية الاسترا مختلف عن دوران مثلث مراية الفيكترا ايه
وطبعا انا اقصد الدوران اللي في زاوية المثلث

انا روحت اشتري مراية الاسترا عشان اركبها في فيكترا 95 عندي وطبعا اخدت معايا مراية الفيكترا بتاعتي القديمة عشان اشوفها هتركب ولا لأ
للاسف مثلث مراية الاسترا اكبر من مثلث مراية الفيكترا
والدوران بتاعه مختلف كمان
والكلام ده في الاسترا 2001 والاسترا 2005
ياريت تقولنا ركبتها ازاي وعدلتها ولا لأ
ولو في تعديل يا ريت تعرفنا

[ashrafnoby]

ياياشا ان عدلت مكان المسامير فقط وبالنسبه للدوران انا عملتها بقطر والموضوع محتاج شويه صبر فقط لاغير بس انا مش عارف ارفع الصور بس اما تشوف المرايه هتقول انها بتاع العربيه بنسبه 90%