التكييف تانى

[Hesham.H]

الزملاء الأعزاء ... رمضان كريم

كنت حكيت لحضراتكو مشكلتى مع التكييف فى موضوع سابق وهى انه كان تبريده ضعيف على السرعات البطيئه .. على السرعات فوق ٦٠ كم كان بيبقى كويس
المهم انى روحت فورت الشحنه وقلت اشحنها تانى بس عند نفس الراجل اللى عندى
المشكله بقت حاجه تانيه
بعد ما شحن وقالى كله تمام .. جربت العربيه فى مشوار ... التبريد مش بيبدأ غير بعد نص ساعه من تشغيل التكييف !!!!
ايوه فعلا
اول نص ساعه هو فاتر اقرب للهواء العادى ... بعد كده بدأ يبرد ... على ما وصلت القاهره كنت حسيت انى فى تلاجه

يا ترى إيه المشكله كده ؟؟ اروح أشحن عند حد تانى ؟؟ ولا كده فى مشكله لازم تتحل الأول ؟؟
كل عام وأنتم بخير

[احمد فهمى]

لو الفريون قل يبقى الكويل بيسرب وراجع سرعات مروحة التبريد

[gomgom3]

بص الفريون ناقص العربيه بتاخد كيلو
نفس الكلام حصل معايا السنه ديه وشخنته عند نفس الرجل مرتين وكل مرة اروحله بنفس المشكله
لحد مرحت عند واحد تاني قالي دة مش حاطط فريون اصلا وزودة والعربيه بئت 100 %
راجه شحنه الفريون وتقدر تتعرف عليها الصبح في عز الضهر امسك ماسورة الراجع بتاعت البارد الي هي تخينه وشوفها ساعقه متلجه ولا لا لو لئتها سخنه اعرف ان مفيش فريون وكرر الموضوع دة بالليل لو لقيتها ساعقه تلج اعرف ان الفريون 100000000000000000000 % ناقص

[Hesham.H]

لو الفريون قل يبقى الكويل بيسرب وراجع سرعات مروحة التبريد

الحمد لله مافيش تسريب بعد ما كبست الدوره كذا مره ... سرعات المروحه مظبوطه .. انا شاكك فى العداد اللى عند الراجل بيدى قرايه مش مظبوطه لكميه الفريون

[Hesham.H]

بص الفريون ناقص العربيه بتاخد كيلو
نفس الكلام حصل معايا السنه ديه وشخنته عند نفس الرجل مرتين وكل مرة اروحله بنفس المشكله
لحد مرحت عند واحد تاني قالي دة مش حاطط فريون اصلا وزودة والعربيه بئت 100 %
راجه شحنه الفريون وتقدر تتعرف عليها الصبح في عز الضهر امسك ماسورة الراجع بتاعت البارد الي هي تخينه وشوفها ساعقه متلجه ولا لا لو لئتها سخنه اعرف ان مفيش فريون وكرر الموضوع دة بالليل لو لقيتها ساعقه تلج اعرف ان الفريون 100000000000000000000 % ناقص

انا فعلا بشك فى نقص الفريون .. هاجرب طريقتك واشوف النتيجه .. تحياتى

[فادى محمد]

فريون ناقص او نوعه رديء..
جرب طريقه دكتور عبده ,معتمده ..

[Mr Rami]

افحص كمية الغاز بالمكيف
واهم شيء يكون الغاز امريكي و ليس صيني

[trise2]

للاسف الفريون غالبا بيسرب عند اماكن الوصلات… غالبا عند الكمبريسور .. ودي مش هتبان عند الكبس غير مع حركه السياره والرجرجه او ممكن تحرك الخراطيم بايدك وتشوف اللي بيتحرك حركه مش طبيعيه عند الوصلات

[Hesham.H]

فريون ناقص او نوعه رديء..
جرب طريقه دكتور عبده ,معتمده ..

ايه يا باشا الطريقه العظيمه دى

[trise2]

ليه التسريب بيبقي في الوصلات اللي عند الكباس او المجفف في حوض العربيه ?
لان الخراطيم دي عرضه للحركه كتير لما ميكانيكية او غيره بيمد ايده في حوض العربيه فبتريح عند اضعف نقطه اللي هي صواميل الوصلات… الصاموله مش هتكون مفكوكه لكن الخرطوم هتلاقيه قابل للحركه فيها… مش مبرشم مكانه
اتمني تكون الفكره وصلت

[trise2]

لو بياخد نص ساعه وانت علي الطريق علشان يبتدي يبرد يبقي نقص فريون وشوف سبب التسريب

لو ابتدي يبرد بعد ما انت طلعت علي الطريق ..يبقي الكباس شكرا. ومش بينفع تصليح فيه الافضل ساعتها تغييره

[Hesham.H]

لو بياخد نص ساعه وانت علي الطريق علشان يبتدي يبرد يبقي نقص فريون وشوف سبب التسريب

لو ابتدي يبرد بعد ما انت طلعت علي الطريق ..يبقي الكباس شكرا. ومش بينفع تصليح فيه الافضل ساعتها تغييره

تمام كده ... يعنى متفقين انه نقص فريون ... اشيك عليه تانى ان شاء الله