مشكلة لمبة زيت فيكترا c

[doda16eg]

مساء الخير

لو سمحتم يا جماعة عندى مشكلة ومش لاقيلها حل ... لما بكون ماشى بسرعة واهدى فجأة علشان مطب او خلافه لمبة زيت لونها احمر فى اخر التابلوه على الشمال بتنور ولما بعدى المطب وازود بنزين بتطفى الحوار ده اتكرر كتير بعد تغيير الزيت ... انا حطيت زيت wolf تخليقى ومعاه فلتر GM اكتشفت بعد كده انه مضروب وتم تغير الفلتر مرة اخرى بماركة WIx عند الطنانى طفت اللمبة يومين ورجعت تانى ... !!!
علما بان العربية موديل 2007 مانيوال عاملة 101000 كيلو
وفى نفس الوقت بحس ان العربية تقيلة مش بتسحب كويس مع انى مغير فلتر بنزين وبوجيهات وكاتينة وسير عمومى من اسبوع
ارجو المساعة من اصحاب الخبرة
وشكرا

[askar]

ضبط مستوى الزيت بعد الفلتر الجديد, احتمالك الافضل هوا الزيت ناقص
و أسوأ الأحوال ان الموتور فيه حاجه لا قدر الله

[Abdo Taha]

احتمال ان الزيت مش كويس او طرمبة الزيت فيها حاجة و الله اعلم او ممكن يكون ناقص روح غير لشيل و خلي بالك كده خطر و العربية دي عايزة زيوت محترمة زي شل و كاسترول و فيسكو و كثافته تكون مظبوطه ، يا ريت تبص على مستوى الزيت و اللزوجة عشان موضوع الزيت ده خطر جدا على العربية خصوصا ان الموتور ده حرارته عاليه

[احمد فهمى]

معلش بس ممكن تجرب اللي هقولك عليه هتنزل الزيت وتحط شيل الاصفر 5 الاف وخلي بالك من مستوي الزيت .. المواتير بعد ال100 الف يفضل تبعد عن التخليقي

[Abdo Taha]

معلش بس ممكن تجرب اللي هقولك عليه هتنزل الزيت وتحط شيل الاصفر 5 الاف وخلي بالك من مستوي الزيت .. المواتير بعد ال100 الف يفضل تبعد عن التخليقي

ليه بلاش بعد ال 100 الف تخليقي ، انا بحط الشل الالترا و كويس جدا و عربيتي عاملة 137 الف

[احمد فهمى]

ببساطه خلوص البساتم اكيد قل وده طبيعي بالتالي كل ما خف الزيت كل ما فقد وظيفتو فى حالة المواتير القديمه وهو هيشتغل معاك بس عمر المتور هيقل يفضل زيت عادي ويتغير كل 4 الاف

[doda16eg]

مستوى الزيت دايما مظبوط والكثافة جبتها زى ال سرفس مانيوال ما بيقول مش عايز انزل الزيت على الفاضى وتطلع حاجة تانية. .. هو ايه قصدكم بمشكلة فى الموتور لا قدر الله؟؟؟

[Mohamed82]

أنا عندي نفس المشكلة دة في اوبل فيكترا 97 اوتوماتيك في البداية لمبة الزيت كانت بتظهر عندي انا بهدي علي المطبات فقط، حاليا العربية أول لما بتسخن والحرارة بتوصل ل90 وتنزل تاني تفضل اللمبة بتاعت الزيت مولعة طول ما انا مش دايس علي البنزين وفي الاخر بعد تغيير الزيوت الفلاتر والبوجيات ووشوية حاجات للمية بالمرة لأنها كانت بتنقص، المهم ربنا كرمني باحد ميكانيكي وعمل حاجة إسمها سبيكة دة قطعة بتركب في الماتور المهم انها الحمد لله دلوقتي ماشية حلو بس تقيلة في السحب مش زي زمان

[moody_687]

ببساطه خلوص البساتم اكيد قل وده طبيعي بالتالي كل ما خف الزيت كل ما فقد وظيفتو فى حالة المواتير القديمه وهو هيشتغل معاك بس عمر المتور هيقل يفضل زيت عادي ويتغير كل 4 الاف

يعني اى حد ماتوره معدي 100 الف ك يستخدم زيت موبيل xhp 5000 kilo او اى زيت تاني 5000 الاف كيلو ؟؟
وسؤال تانى معلش انا بحط زيت موبيل وان ع طول وعداد عربيت 166 الف ك دلوقتي ايه الضرر اللي هحس بيه فالعربية ؟؟؟

[احمد فهمى]

يعني اى حد ماتوره معدي 100 الف ك يستخدم زيت موبيل xhp 5000 kilo او اى زيت تاني 5000 الاف كيلو ؟؟
وسؤال تانى معلش انا بحط زيت موبيل وان ع طول وعداد عربيت 166 الف ك دلوقتي ايه الضرر اللي هحس بيه فالعربية ؟؟؟

مش هتحس بضرر بس التأكل بيزيد وعمر العمره بيقرب والموضوع له علاقه بالاستخدام لكن فى المتوسط العربيات اللى بتعدى 100 الف يفضل زيت عضوى وده اتقل فبيعوض اي تأكل بسبب العمر اكيد مفيش متور بيعيش مدى الحياه ولام فى يوم من الايام يغير بساتم وممكن تحط زيت تخليقى عادي بس لو ظهر عندك اعراض مماثله غير نوع الزيت العوامل بتختلف من واحد للتانى بس بيفضل بعد ال100 الف يبقى زيت عضوي

[Abdo Taha]

يبقى كده الواحد يحط كاسترول ماجنيتك ، نصف تخليقي و بيقعد 10 الف زيه زي الشل و الموبيل 1

و للمعلومة التخليقي بالكامل في الكاسترول هو الايدج و ده بيقعد 15 الف

[doda16eg]

سؤال هى العربية دى فيها كام حساس للزيت ؟؟؟

[ashourashour]

انت متاكد انها لمبه حمرا مش صفرا ؟

الفكترا سي والاسترا اتش فيهم لمبتين زين جايين من حساسين مختلفين

1-اللمبه الصفراء ودي مستوى الزيت يعني الزيت لما ينقص تنور ومكان الحساس راكب عالكارتيره في ضهر الموتور تحت المارش كدا و تحت حساس النوك او الصفع.

2-اللمبه الحمراء ودي ضغط الزيت ودي في منتهى الخطوره يعني مينفعش تمشي وهيا منوره اطلاقا و بتيجي من حساس بين علبه البيئه بتاعه الشكمان و كمبرسور التكييف في المكان ده كداز

ممكن الحساس بايظ بس انت بتقول انه بمجرد مغيرت زيت وفلتر !!!

لو تعرف تجرب بحساس تاني ؟

[doda16eg]

انت متاكد انها لمبه حمرا مش صفرا ؟

الفكترا سي والاسترا اتش فيهم لمبتين زين جايين من حساسين مختلفين


1-اللمبه الصفراء ودي مستوى الزيت يعني الزيت لما ينقص تنور ومكان الحساس راكب عالكارتيره في ضهر الموتور تحت المارش كدا و تحت حساس النوك او الصفع.

2-اللمبه الحمراء ودي ضغط الزيت ودي في منتهى الخطوره يعني مينفعش تمشي وهيا منوره اطلاقا و بتيجي من حساس بين علبه البيئه بتاعه الشكمان و كمبرسور التكييف في المكان ده كداز

ممكن الحساس بايظ بس انت بتقول انه بمجرد مغيرت زيت وفلتر !!!

لو تعرف تجرب بحساس تاني ؟

للاسف هى الحمرة بس بتطفى لما بزود بنزين مجرد بتنور 5 ثوانى وابتدى الحوار ده مع التغيير فعلا

[moody_687]

يبقى كده الواحد يحط كاسترول ماجنيتك ، نصف تخليقي و بيقعد 10 الف زيه زي الشل و الموبيل 1

و للمعلومة التخليقي بالكامل في الكاسترول هو الايدج و ده بيقعد 15 الف

ارجو الرد ع هذا التساؤل هل نحط للماتور اللى ازيد من 100 الف ك زيت كاسترول ماجنيتك نص تخليقي ونص معدني
ولا يفضل ان الزيت يكون معدني كله عشان يكون تقيل ومش خفيف ؟؟؟