بنزينه وطنيه على الاوتوستوراد تحذير

[o0Hanafi0o]

شباب الموقف الى هحكيه داه حصل معايا النهارده فى بنزينه وطنيه على الاوتوستوراد الى جمب القريه الذكيه الى فى المعادى على طول فى اول كوبرى الزهراء الى فيها check point

رايح بفول من هناك عادى العسكرى الى واقف كان فى منتهى الجليطه وقله الزوق سيبته يفول وروحت اشوف العلامه عندى لانها كانت مش ثابته فى مكانها بيقولى ممنوع باسلوب مش قارد اقولكوا فبقولوا انا مش هفتح الكبوت انا ببص على العلامه قالى مش قولتلك ممنوع ولا هنعد ونزيد فى الكلام قولتله انت بتتكلم كده ليه لقيت اتنين منهم جايين ورايا انت بتعلى صوتك ليه والولد فى منتهى السفاله وقله الادب وانا ناوى ان شاء الله اعدى اشتكيهم فى الامانه العامه وانا رايح الشغل بكره لانهم بجد حسيت انهم شويه بلطجيه وقفوا جمب العربيه وبيحاموا على بعض وكلهم بيتكلموا باسلوب زباله لذلك لزم التنويه من البنزينه الزباله ديه ودمتم

[mr_green]

على فكرة ده تقريبا بقى سلوك متكرر فى أكثر من محطة لوطنية من بعد الأحداث السياسية الأخيرة

حصل معايا موقف مشابه فى وطنية العين السخنة إللى فى أول الطريق من جهة السخنة

و حصل مع كذا حد حاجات مشابهه العساكر بقوا يتنكوا تناكة فى منتهى قلة الذوق بشكل مبالغ فيه و يعلوا صوتهم بشكل مستفز بدون أى سبب

أنا كنت راجع من السخنة من كام شهر و دخلت قدرا أفول من وطنية إللى هناك

وقفنى فى مدخل المحطة عسكرى و قالى بصوت عالى بطل العربية و إفتح الشنطة و أنا كان معايا أسرتى و أطفال

وقفت و بطلت و لسوء الحظ الشنطة كانت متروسة و مقفوله بالعافية

جيت أنزل عشان أفتحله الشنطة براحة مايبهدلش الحاجة رفع السلاح عليا و ممنوع و زميله جه قولتله أنا هافتحلك إللى إنت عايزه قعد يزعق و بهدلى الحاجة بشكل مستفز

و من يومها حلفت ما أدخلهم بنزينه تانى و يشربوا بنزينهم أو حتى يسقوا فيه بسكوت يغور من وشهم هو أنا مش دافع فلوس ولا إيه

[Mohamed_abdo]

اسمحلى اقولك من غير زعل
حتى لو هو جلياط بس انت غلطان لأنه عنده اوامر ممنوع اى حد ينزل من العربية قدامه ويعمل اى حاجة

[ahmedelrayan]

اسمحلى اقولك من غير زعل
حتى لو هو جلياط بس انت غلطان لأنه عنده اوامر ممنوع اى حد ينزل من العربية قدامه ويعمل اى حاجة

اسمحلى اقول لحضرتك انه زى ما عنده اوامر ان محدش ينزل من العربية لازم يكون عنده اوامر بمعاملة الناس بأحترام

[rafeee2]

أنا بطلت أدخلها من زمان. أنا داخل أحط بنزين و لا داخل معسكر أمن مركزي عشان العربية تتفتش؟ و إفرض ده ضروري حتي، أنا إيه اللي يغصبني علي كده؟ و لا واحد مالوش لازمة ييجي يتنطط و يترسم عليا؟ ما البنزينات علي قفا من يشيل

[amdd]

اسمحلى اقولك من غير زعل
حتى لو هو جلياط بس انت غلطان لأنه عنده اوامر ممنوع اى حد ينزل من العربية قدامه ويعمل اى حاجة

يبقى يقولى وانا بنزل من العربية ممنوع تنزل من عربيتك يافندم وانا هاقوله حاضر وهقفل بابى واراقب حسابى من الشاشة وامشى
لكمن قلة الزوق من بهايم العساكر غير مقبولة

[Mohamed_abdo]

اسمحلى اقول لحضرتك انه زى ما عنده اوامر ان محدش ينزل من العربية لازم يكون عنده اوامر بمعاملة الناس بأحترام

انت طبعا صح
انا اسف

[Mohamed_abdo]

يبقى يقولى وانا بنزل من العربية ممنوع تنزل من عربيتك يافندم وانا هاقوله حاضر وهقفل بابى واراقب حسابى من الشاشة وامشى
لكمن قلة الزوق من بهايم العساكر غير مقبولة

sorry

[o0Hanafi0o]

اولا مفيش حاجه اسمها اوامر محدش ينزل من العربيه لان ديه بنزينه وفيها سوبر ماركت وفيها خدمات غسيل وتغيير زيت ومليون حاجه تانيه فاستحاله موضوع محدش ينزل من العربيه ديه هو ممنوع فتح الكبوت فى البنزينات كلها وداه معروف ومن زمااااان اوى بس فى بنزينات بتطنش ثم انا منزلتش عملت اى حاجه انا نزلت اشوف العلامه ثابته ولا لا علشان متقعش لان العلامه ديه الاصليه مش صينى وغاليه لانى حسيت انه مفارقه من مكان لقيته بيزعق وبقوله وكل ردوده فى منتهى السفاله وقله الادب وبتكلم بيقولى بتقول ايه بقوله مبقولش حاجه بيقولى بحسب وحاجه زى الزفت شويت عيال متربوش هظبطهم بكره ان شاء الله فى الامانه العامه بتاعتهم ولو متظبطوش هاخدلهم رتبه محترمه واخش اروقهم جوا وانا غيركوا الصراحه مش هبطل اخشها ومش هفول غير منها واخش واتعامل باحترام غصب عن اى ........ فيهم بجد حاجه تنرفز الواحد داخل يدفع زفت فلوس ولا داخل يتهزء من شويه ........ ماسكين سلاح

[ayman hamdy]

الادب قبل الاوامر قبل العلم الادب قبل كل شئ
للاسف ميعرفوش حاجة اسمها ثقافة ادب المعاملة [جهل ثقافى]
تحياتى

[Omar Mahmoud]

اللي سماها بنزينة غلط
وطنية اللي في ميدان الرماية معاملة زبالة كانها معسكر تمن مركزي مش عارف شايفين نفسهم علي ايه

[Mr.Lawyer]

على فكرة ده تقريبا بقى سلوك متكرر فى أكثر من محطة لوطنية من بعد الأحداث السياسية الأخيرة

اختلف معك بشده لان الامر ليس له اى علاقه باى احداث سياسيه حتى لا نحمل الامر اكثر من حجمه
الموضوع ف رأيي يندرج تحت ( التعسف فى استعمال الحق ) [size=4][color=darkgreen]وهو موجود فى دم المصريين فى كل مكان للأســـف

اولا مفيش حاجه اسمها اوامر محدش ينزل من العربيه لان ديه بنزينه وفيها سوبر ماركت وفيها خدمات غسيل وتغيير زيت ومليون حاجه تانيه فاستحاله موضوع محدش ينزل من العربيه ديه هو ممنوع فتح الكبوت فى البنزينات كلها وداه معروف ومن زمااااان اوى بس فى بنزينات بتطنش ثم انا منزلتش عملت اى حاجه انا نزلت اشوف العلامه ثابته ولا لا علشان متقعش لان العلامه ديه الاصليه مش صينى وغاليه لانى حسيت انه مفارقه من مكان لقيته بيزعق وبقوله وكل ردوده فى منتهى السفاله وقله الادب وبتكلم بيقولى بتقول ايه بقوله مبقولش حاجه بيقولى بحسب وحاجه زى الزفت شويت عيال متربوش هظبطهم بكره ان شاء الله فى الامانه العامه بتاعتهم ولو متظبطوش هاخدلهم رتبه محترمه واخش اروقهم جوا وانا غيركوا الصراحه مش هبطل اخشها ومش هفول غير منها واخش واتعامل باحترام غصب عن اى ........ فيهم بجد حاجه تنرفز الواحد داخل يدفع زفت فلوس ولا داخل يتهزء من شويه ........ ماسكين سلاح

حتــي لو فى اوامر بكده ، هو مش من حقه يتعامل بقله ذوق وقله ادب كدا ، دا عسكرى مستهتر لا يمثل الا نفسه وللاسف العسكرى ف الجيش لما يحس انه بقى له سلطه على حد سواء اقدميه او بيتعامل مع الجمهور ، تلاقيه يتنـــك ويعيش الدور ولا كأنه وزير الدفااع

انا لو مكانك اقدم شكوى فوراً فى اسرع وقت فى الامانه العامه فى العساكر دى عشان ياخدوا عقابهم ويكونوا عبره للكــل ، وع الفكره اصعب الجزاءات بتيجى من الامانه العامه ويخاف منها الظابط قبل العسكرى

لازم كل واحد مننا يشوف اى سلبيات فى اى مكان ميسكتش عن حقه ويحاول يغير السلبيات دى لان الشعب واضح ان الاغلبيه عيارها فلت ، وقله الادب اصبحت السائده للأســف

[msobhy]

ده شئ متعارف عليه جدا فى بنزينات وطنيه

[medosalah]

شباب الموقف الى هحكيه داه حصل معايا النهارده فى بنزينه وطنيه على الاوتوستوراد الى جمب القريه الذكيه الى فى المعادى على طول فى اول كوبرى الزهراء الى فيها check point

رايح بفول من هناك عادى العسكرى الى واقف كان فى منتهى الجليطه وقله الزوق سيبته يفول وروحت اشوف العلامه عندى لانها كانت مش ثابته فى مكانها بيقولى ممنوع باسلوب مش قارد اقولكوا فبقولوا انا مش هفتح الكبوت انا ببص على العلامه قالى مش قولتلك ممنوع ولا هنعد ونزيد فى الكلام قولتله انت بتتكلم كده ليه لقيت اتنين منهم جايين ورايا انت بتعلى صوتك ليه والولد فى منتهى السفاله وقله الادب وانا ناوى ان شاء الله اعدى اشتكيهم فى الامانه العامه وانا رايح الشغل بكره لانهم بجد حسيت انهم شويه بلطجيه وقفوا جمب العربيه وبيحاموا على بعض وكلهم بيتكلموا باسلوب زباله لذلك لزم التنويه من البنزينه الزباله ديه ودمتم

مع احترامي الشديد لحضرتك واراء الزملاء

بس اسمحلي اقولك انك انت اللي غلطان وغلط لا يغتفر

حضرتك المفروض تدخل من غير ما تتكلم خالص , تقف عند العسكري اللي في بدايه المحطه وتفتحله الشنطه من غير اي كلام ثم تروح تمون وتدفع الحساب وانت قاعد جوه العربيه من غير ما تفتح اي حوارات مع حد

يا باشا بكل سهوله اللي انت عملته ده كان ممكن يكون عاقبه لا قدر الله رصاصه ويقولك ارهابي تهجم علي العساكر او الحبس واحكام عسكريه نتيجه التعدي علي جندي اثناء تاديه عمله

من الاخر نصيحه لوجه الله .. لاتشتبك ولا تتكلم اصلا اي حد من الجيش والشرطه لان بصراحه كده البلد ما فيهاش قانون

[hanosh]

شباب الموقف الى هحكيه داه حصل معايا النهارده فى بنزينه وطنيه على الاوتوستوراد الى جمب القريه الذكيه الى فى المعادى على طول فى اول كوبرى الزهراء الى فيها check point

رايح بفول من هناك عادى العسكرى الى واقف كان فى منتهى الجليطه وقله الزوق سيبته يفول وروحت اشوف العلامه عندى لانها كانت مش ثابته فى مكانها بيقولى ممنوع باسلوب مش قارد اقولكوا فبقولوا انا مش هفتح الكبوت انا ببص على العلامه قالى مش قولتلك ممنوع ولا هنعد ونزيد فى الكلام قولتله انت بتتكلم كده ليه لقيت اتنين منهم جايين ورايا انت بتعلى صوتك ليه والولد فى منتهى السفاله وقله الادب وانا ناوى ان شاء الله اعدى اشتكيهم فى الامانه العامه وانا رايح الشغل بكره لانهم بجد حسيت انهم شويه بلطجيه وقفوا جمب العربيه وبيحاموا على بعض وكلهم بيتكلموا باسلوب زباله لذلك لزم التنويه من البنزينه الزباله ديه ودمتم

السلام عليكم
هى كل بنزينات وطنية كده مفيش اختلاف انا برضه فى مرة غلطت ودخلت بنزينة وطنية فى الغردقة ولقيت العسكرى ريح على جنب العربية بطريقة مستفزة رحت قلتله بكل ادب معلش بعد اذنك اصلى العربيات ديه ورق متستحملش الترييح عليها راح قال لزميله اللى معاه تصدق انى بتوع الموتسكلات انظف وناس محترمة من بتوع الملاكى وقعد يقل ادبه بكلام كتير عن بتوع الملاكى بصراحة مرضيتش اعلق لانى حسيت انى بتعامل مع ناس متخلفة وحاسبته ومرضيتش اسيبله تبس وقلتله انا وماشى ابقى خلى بتاع الموتسكل يديك تبس ودى كانت اول واخر مرة ادخل فيها بنزينةوطنية وربنا ما يحوجنا ليهم