بنزينه وطنيه على الاوتوستوراد تحذير

[kokowasfy]

اللة يكون فى عونك وو هدوء اعصابك انا مشكلتى دمى حامى اوى لو حصل معاية موقف زى دا اقرب حاجة عندى انا اسف فى الفظ الجزمة

[م.محمد مختار]

أنا بطلت أدخلها من ساعت ما بقت ثكنة عسكرية..!! آخر مرة دخلتها كانت اللي في طريق السويس.. حاطين متاريس أكتر من اللي على قصر الاتحادية وتقف ساعة في طابووووور طوووويييييييييييل علشان تتفتش..!!!
وفي الآخر وانت بتمون في عسكري نايم فوق المبنى خلف أكياس رمل ومصوب الرشاش نحوك.!!!
هو في ايه يا ******** ؟؟؟؟!!!
لأ بناقص... أنا داخل أمون ولا داخل حرب.؟!!!

[nooor_1500]

بجد يسقط حكم العسكر

نفس الاسلوب القذر والتكبر والاستعلاء حصلي في بنزينه وطنيه اللي في مطلع الطريق الدايري بعد المطار .. اسلوب متغطرس جدااااااا من شويه عساكر لدرجة اني بقوله على فكرة انت بتكلم دكتور قالي وايه يعني احنا اسياد البلد دلوقتي ..

[nooor_1500]

حمله لمقاطعه بنزينه وطنيه

انا قررت انا واصحابي مقاطعه بنزينه وطنيه بسبب الاسلوب المتدني في المعامله واللي اصبح ممنهج في كل بنزينات وطنيه

[a7medsh3rawi]

بنزينه وطنيه .. المفروض اسمها بنزينه البلطجيه
كنت ماشى مره على طريق سريع القنطره - العريش
وانا داخل عادى كان فى 2 عساكر قاعدين على كراسى
والبوابه مفتوحه على الآخر والمكان فاضى
كانت سرعتى تقريبا 40 كم لانى ملحقتش اهدى على الآخر او حتى اقف
وعديت من البوابه لاقيتهم قاموا ويندهوا عليا
انت يا اسطى احنا مش عاجبينك ما تقول السلام عليكم
رجعت بضهرى ووقفت عندهم بيقول لى افتح الشنطه واطفى الموتور
وانت ازاى تدخل كدا هى وكاله من غير بواب وانت مش عارف ايه وحوارات كتيره
قولتله معلش انا معرفش ان لازم اقف واستأذن علشان امون بنزين
وسرعتى كانت عاليه وملحقتش افرمل وحصل خير يعنى
بيقول لى لا انت شايفنا واتعمدت انك تدخل بسرعه وبيتكلموا
بطريقه مش حلوه
قولتله شكرا .. انا غلطان ان جيت هنا ومش عايز امون خالص
بيعاملونا على انهم اصحاب البلد واحنا عبيد عندهم

[Omar Mahmoud]

انا قررت انا واصحابي مقاطعه بنزينه وطنيه بسبب الاسلوب المتدني في المعامله واللي اصبح ممنهج في كل بنزينات وطنيه

هو ده الكلام المظبوط
لو اخر بنزينة في مصر مش هحط بنزين منها
اسياد بلد علي نفسهم مش علينا مش شوية عساكر هيطنتطوا و يشوفوا نفسهم

[dr_hady4447]

انا عمرى مدخلتها وكدة ان شاء الله عمرة مهدخلها :)

[amdd]

انا عمرى مادخلتها ومش هدخلها خالص يعنى هى من قلة البنزينات

[ameros]

انا من فتره دخلت وطنيه اللي عند كوبري المشير طنطاوي وخرجت عادي والعربيه والعسكري بيمون ووقفت اتكلمت معاه وحاسبته وكان فمنتهي الادب

[hugan]

ماشفتش الكلام ده في محطات وطنيه
كنت مسافر السخنه ومفيش بنزين عندهم
الناس ضيفونا في المحطه انا والعمال اللي معايا
لحد مايجي بنزين من السويس بعت اشتريه

[Mahmoud88888]

اولا مفيش حاجه اسمها اوامر محدش ينزل من العربيه لان ديه بنزينه وفيها سوبر ماركت وفيها خدمات غسيل وتغيير زيت ومليون حاجه تانيه فاستحاله موضوع محدش ينزل من العربيه ديه هو ممنوع فتح الكبوت فى البنزينات كلها وداه معروف ومن زمااااان اوى بس فى بنزينات بتطنش ثم انا منزلتش عملت اى حاجه انا نزلت اشوف العلامه ثابته ولا لا علشان متقعش لان العلامه ديه الاصليه مش صينى وغاليه لانى حسيت انه مفارقه من مكان لقيته بيزعق وبقوله وكل ردوده فى منتهى السفاله وقله الادب وبتكلم بيقولى بتقول ايه بقوله مبقولش حاجه بيقولى بحسب وحاجه زى الزفت شويت عيال متربوش هظبطهم بكره ان شاء الله فى الامانه العامه بتاعتهم ولو متظبطوش هاخدلهم رتبه محترمه واخش اروقهم جوا وانا غيركوا الصراحه مش هبطل اخشها ومش هفول غير منها واخش واتعامل باحترام غصب عن اى ........ فيهم بجد حاجه تنرفز الواحد داخل يدفع زفت فلوس ولا داخل يتهزء من شويه ........ ماسكين سلاح

الاستاذ صاحب المشاركة
ممكن حضرتك تنتقد بدون شتيمه.

[Mahmoud88888]

يبقى يقولى وانا بنزل من العربية ممنوع تنزل من عربيتك يافندم وانا هاقوله حاضر وهقفل بابى واراقب حسابى من الشاشة وامشى
لكمن قلة الزوق من بهايم العساكر غير مقبولة

الاستاذ صاحب المشاركة
ممكن حضرتك تنتقد بدون شتيمه.
احنا عساكرنا مش بهايم.

[Omar Mahmoud]

الاستاذ صاحب المشاركة
ممكن حضرتك تنتقد بدون شتيمه.
احنا عساكرنا مش بهايم.

يعني حضرتك سايب مشكلة المعاملة الزبالة بتتاعت العساكر و شايفها عادية و بهايم هي اللي المشكلة؟؟؟
ماشي العساكر مش بهايم بس ميعرفوش حاجة عن الأدب و ده عن تجربة معايا غير تجربة صاحب الموضوع.

[o0Hanafi0o]

اولا انا صاحب الموضوع مش صاحب المشاركه

ثانيا انا الى الناس اتعاملت معايا باسلوب زفت وكنت ناقص اتضرب هناك كلهم كلاب وشويه اوساخ ولو حد اتعامل معاك بالاسلوب الى اتعلموا معايا بيه كنت هتقول اكتر من كده بس انا همشيها كلاب علشان اهليهم ملهمش ذنب اشتمهم هما كمان

ثالثا مش عجبك اسلوبى متدخلش على موضوعى وتسيب رد

رابعا كل الى معترض على كلامى وشايف ان اسلوبهم كويس انت حر فى رايك بس اظن الموضوع فى اكتر من 15 واحد قاله ان معاملتهم زفت بمواقف كامله وانا عن تجربه شخصيه مصدقهم الصراحه وداه الى حصل معايا شخصيا وللمره التانيه الى مش عاجبه اسلوب كلامى ميدخلش موضوعى ويسيب رد محدش قال لحضرتك انى عامل موضوع علشان حضرتك تخش تقولى اتكلم ازاى تقدر ببساطه تعمل موضوع وتناقص كلامى وتتكلم فيه زى ما انت عايز

تحياتى

[Dr_Smart]

هو واضح ان فيه شبه اجماع ان معاملتهم وحشه مش تهيؤات من عندي

بس بالنسبه لتجربتي معاهم في وطنيه السلام طريق الاسماعيليه العسكري بيطلب انك تفتح الشنطه بذوق لكن العسكري اللي بيمون اسلوبه سيء ومش طايق نفسه

وبعدين مشغلين فرد واحد بس فبقيت بتأخر عشان احط بنزين وامشي وبالتالي بقالي فتره مش بمون من عندهم

بس ياجماعه مش عايزين نكبر الموضوع هو قلة ذوق في التعامل مش اكتر