مساعدين اوبل فيكترا 1999

[o0Hanafi0o]

اولا كل عام وانتم بخير ويارب يكون حد فينا خرج من رمضان مغفور له ونكون خرجنا بحاجه

سؤالى انا لسا مغير المساعدين الاتنين الى قدام من حوالى اربع شهور ولسا مكلوش 5000 كيلو دلوقتى وانا كنت بربط العفشه العفشجى قالى ان فى مساعد ضارب زيت بس فضل يدوس على العربيه من فوق قالى مش مهم المساعد تمام بس لو معاك ضمان بدله احسن لانه شكله لسا جديد

دلوقتى ايه الوضع هل هحتاج اغيرهم تانى قريب المساعد بيشفط تمام وكل حاجه تمام ومش حاسس باى تاثير على الطريق بس هو مرشح زيت خفيف من بره لكن المساعد طلعته ونزلته مفيهاش اى مشاكل فعايز رايكوا كده ممكن يتمشى بيه اد ايه لانى بصراحه مش ناقصه كل تلت شهور اغير مساعدين مش فلتر زيت هو يعنى ؟؟؟؟

شكرا وتحياتى

[midozx]

عوضك الله
متجيبش مساعدين جديد خليك فى الاستيراد احسن وبيعيش عن الجديد

[Omar Mahmoud]

حضرتك كنت جايب مساعدين منين؟؟و نوعهم ايه؟؟؟

[o0Hanafi0o]

انا كنت مركبهم عند عبد الراضى الى فى المعادى وللاسف كانوا gm وداه الى مستغربله جداااا النهارده ودتها لعفشجى تانى قالى المساعد نفسه سليم بس مرشح زيت وهو ممكن يمشيك سنه كمان رايكوا ايه

[Omar Mahmoud]

انا كنت مركبهم عند عبد الراضى الى فى المعادى وللاسف كانوا gm وداه الى مستغربله جداااا النهارده ودتها لعفشجى تانى قالى المساعد نفسه سليم بس مرشح زيت وهو ممكن يمشيك سنه كمان رايكوا ايه

المضروب كتير و ده حصل معايا في 2009
واحد اسمه اسامة اوبل في فيصل عند الكوبري جبنا مساعدين امامي و قواعد موتور gm و اصلي و تقدر تركبها في مقار(كلام البياع علشان نقتنع انه اصلي)بالظبط سنة و كل اللي اتغير ده فلوسه اترمت في الارض.

[o0Hanafi0o]

طب ركبت ايه مكانهم وجبته منين ؟؟؟

[Omar Mahmoud]

طب ركبت ايه مكانهم وجبته منين ؟؟؟

انا مش بخرج بالعربية كتير هي ممكن مرة في الاسبوع و ممكن متخرجش
انا لسة مركبتش حاجة مكانهم بس انا ناوي علي مونرو او kyb و سمعت من ناس كتير في المنتدي إن الkyb عمره قصير و ناس بتقول لأ فأنا هتجه للمونرو
بس لو جبته هجيبه من التوكيل بتاع مونرو نفسه(غبور هو التوكيل) او الموزعين المعتمدين
و في الاستيراد بس انا و والدي مش بنحب نجيب الحاجات دي استيراد
الموزعين في ابو الحسن في بين الثرايات
و في هشام لهيطة في التوفيقية
المهم تاريخ الإنتاج بتاع المساعد ميبقاش قديم.
بالتوفيق.

[o0Hanafi0o]

بالتوفيق ان شاء الله وربنا يوفقك فى حاجه كويسه وسعرها كويس

[Omar Mahmoud]

بالتوفيق ان شاء الله وربنا يوفقك فى حاجه كويسه وسعرها كويس

انا مش عارف السعر كام بالظبط بس الموزع او التوكيل المفروض بتاخد منه ضمان سنة ضد عيوب الصناعة
الكلام اللي قولته عن المساعدين ده عن طريق إني شفت كذا review عنهم برا مصر و في مصر عن طريق المنتدي

[o0Hanafi0o]

والله الواحد مبقاش عارف فين الاصلى وفين لا عايز اقولك واحد جارى ميكانيكى كبير فى السن بقاله حوالى 20 سنه شغال فى العربيات لبس فى طقم دبرياج مضروب فى عربيته وعمال يسب ويلعن مش عارف احنا نعمل ايه ؟؟

[Hesham.H]

فى نوع مساعدين بتصنعه شركه فرنسيه فى تونس .. كويس جدا ومش غالى
إسأل عليه وشوفه هايعجبك