إعـــــــلان

Collapse

.

,
See more
See less

مشكلة فى دينامو أسترا 2005 ( مشكلة + حل )

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    مشكلة فى دينامو أسترا 2005 ( مشكلة + حل )

    السلام عليكم ورحمة الله وبركاته

    أخبارك إيه يا شباب ... يا رب تكونوا بخير

    هدخل فى الموضوع مباشرة

    كنت مسافر حوالى 150 كيلو بعد صلاة العشاء ..... وبعد 20 كيلو طفيت العربية كنت بشترى حاجة ودورتها تانى لقيت لمبة بطارية منورة فى التابلوة ... طفيت العربية وشيكت على كابلات البطارية وبصيت على سير الدينامو والعربة مبطلة وهى كمان شغالة .... ملقتش شئ غريب فيها

    قلت هنفض وأكمل سفرى ... ولسه بتحرك لقيت الباور بتاع الديليكسيون مش بيتحرك واتحرك بالعربية قلت يمكن يخف ... مستحييل مفيش حل ... الباور ضااااااع تماما

    مشيت شوية ومش لاقى شئ تانى غريب فى العربية كملت بس اللمبة لسه منورة ... قلت أكلم حبيبى طنانى ... كلمته فعلا ورد عليا وبعد السلامات وشرح المشكلة .... قالى بنسبة كبيرة الدينامو فاصل .... قيس شحن البطارية عند حد ..... قلت ليه أنا على الطريق مسافر ..... قالى ربنا يستر والبطارية متعملهاش معاك وتفضل شغالة لحد ما توصل ... بس اقفل التكييف .... وهتلاقى النور بتاع العربية بيضعف شوية ..... وتيجى بالسلامة .... طبعا خدت الكلام وكملت وربنها ستر لحد ما وصلت الهرم .... رحت داخل على كهربائى ... قيس يا معلم البطارية والدينامو .... لقيت الدينامو فاصل تماما .... زى كلام طنانى

    رحت على الكهربائى ... فكينا الدينامو ... قيس ... لقيناه مش شغال ... مشكلة فى الكتاوت .... حاول معاه .... كل المحاولات فشلت ... احنا كده السبت بالليل .... ومفيش حد شغال ... قالى خلى بالك الكتاوت سعرها غالى .... فهات دينامو استيراد احسن .... لأن الكتاوت الجديدة ممكن تكون صينى وتضرب

    سألت طنانى تانى على حد بيبيع وهو سأل لكن وصلش لحاجة ... وقالى هلاقيه فى حدود 250 - 450 جنيه

    طبعا الأحد محلات قطع الغيار الاستيراد قافلين ... استنين لحد يوم الاتنين .... وفعلا روحت عند سوس فى الشيشينى فى فيصل .... واستنضفت دينامو .... واشتريته بـ 400 جنيه

    رحت للكهرابى وجربت والحمد لله اشتغل وشحن وكمان الإشارة الحمرا بتاعت البطارية اختفت ... واتحلت المشكلة الحمد لله

    وكنت لابس طوبة فى الازاز الأمامى .... فقلت مبدهاش .... رحت مغير بعدها الازاز الأمامى للعربية نوعه gm كان بالتركيب بـ 450 جنيه .

    شكرا خاص لطنانى اللى رخمت عليه بالاتصالات فى كل الأوقات .... وشكر عام للجميع
    ورمضان كريم
    [SIZE=7][COLOR=blue]مرحبا بكم :colsmil:...... فى الهيمالايا طبعا :POINTIy2[2]:[/COLOR][/SIZE]
    الكلمات الدلالية (Tags): 2005, أسترا, حل, دينامو, فى, مشكلة
  • #2
    شكرا على نقل التجربة وربنا يسترها معاك ومع الجميع وكل عام وانت بخير
    وداعا

    Comment

    • #3
      شكرا يا ماان على ردك

      انا استفدت من الجميع .... يبقى على الأقل افيد بجزء
      [SIZE=7][COLOR=blue]مرحبا بكم :colsmil:...... فى الهيمالايا طبعا :POINTIy2[2]:[/COLOR][/SIZE]

      Comment

      • #4
        مشكوووووور والله يعطيك الف عافيه
        سبحان الله و بحمده ... سبحان الله العظيم

        Comment

        • #5
          شكرا يا باشا على نقل التجربة وشكر خاص جدا للاخ والزميل العزيز الاستاذ/ محمد طنانى له منى كل التقدير والاحترام
          وكل سنة والجميع بخير ودائما فى احسن حال
          تحياتى
          [SIGPIC][/SIGPIC]{رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ}

          Comment

          • #6
            حمدلله على سلمتك ياباشا والحمدلله انها عدت على خير بس نصيحة منى لوجة الله دايما تخلى بالك من الدينامو دة علشان الاسترا عندنا فتيس وطرمبة باور كهرباء وحصل معاية قبل كدة وطيرلى طرمبة باور .... فا خلى بالك بقى بعد كدة كل فترة شيك علية مش صعبة يعنى ولا هتاخد وقت
            [CENTER][shfaf]http://upload.wikimedia.org/wikipedia/en/1/13/Opel-z-37.jpg[/shfaf]
            [shr71=http://i42.tinypic.com/35hlsfa.jpg]OPEL ASTRA G-CC 1800cc[/shr71] [/CENTER]

            Comment

            • #7
              المشاركة الأصلية كتبت بواسطة sniperwolf مشاهدة المشاركة
              حمدلله على سلمتك ياباشا والحمدلله انها عدت على خير بس نصيحة منى لوجة الله دايما تخلى بالك من الدينامو دة علشان الاسترا عندنا فتيس وطرمبة باور كهرباء وحصل معاية قبل كدة وطيرلى طرمبة باور .... فا خلى بالك بقى بعد كدة كل فترة شيك علية مش صعبة يعنى ولا هتاخد وقت
              سلام عليكم

              معلش يا sniperwolf هو ايه أعراض طرمبة الباور وعرفتها ازاى ... وكان سعرها كام
              [SIZE=7][COLOR=blue]مرحبا بكم :colsmil:...... فى الهيمالايا طبعا :POINTIy2[2]:[/COLOR][/SIZE]

              Comment

              • #8
                المشاركة الأصلية كتبت بواسطة NeeMoo مشاهدة المشاركة
                سلام عليكم

                معلش يا sniperwolf هو ايه أعراض طرمبة الباور وعرفتها ازاى ... وكان سعرها كام
                هتلاقى الدريكسيون تقل معاك عن المعتاد على طول او احيانا تلاقى يتقل ويخف يتقل ويخف مرة واحدة كدة (عرفتها ازاى دى من مرمطتى عند الميكانكيا والنوم فى الشوارع جنب العربية لحد ما قربت اشتغل ميكانيكى ) كنت جايبها ب 550 جنية ايامها كانت عاملة سكة 650 او 700 دلوقتى سعرها وصل من 750 ل 900 وكلة وشاطرتك بقى
                [CENTER][shfaf]http://upload.wikimedia.org/wikipedia/en/1/13/Opel-z-37.jpg[/shfaf]
                [shr71=http://i42.tinypic.com/35hlsfa.jpg]OPEL ASTRA G-CC 1800cc[/shr71] [/CENTER]

                Comment

                • #9
                  انا عن نفسى معايا دينامو شغال كويس بس بليتة خشنة شوية ومش ماثرة يعنى بس سايبة فى الشنطة علشان لو طريق سفر او حاجة والدينامو قطع منى اقرب كهربائى يركبة وامشى بية لحد القاهرة هنا ومعايا طرمبة بنزين بردة ومعايا مارش بردة سليم بس ساعات يركن دة بردة مهم فا انتا حاول اعمل زى شوية لو حاجة مثلا زى قطع مهمة وتوقف العربية او تاثر على الكهرباء وانتا بتغيرها ادائها ضعف مثلا بس شغالة كويس اركنها معاك فى شنطة العربية و مترميهاش او تسيبها للميكانيكى وعلى فكرة الحجات دى سعات فى مواقف سفر مثلا بتنفع جامد جداااااااااا
                  [CENTER][shfaf]http://upload.wikimedia.org/wikipedia/en/1/13/Opel-z-37.jpg[/shfaf]
                  [shr71=http://i42.tinypic.com/35hlsfa.jpg]OPEL ASTRA G-CC 1800cc[/shr71] [/CENTER]

                  Comment

                  • #10
                    معلش سؤال برة الموضوع ... غيرت الازاز فين؟ وهل زى الاصلى ولا لا؟ انا اقصد عند التغير الازاز الجديد بيجى معاة الجلد الكاوتش حوالين الازاز ولا لا؟
                    مصطفى إسماعيل

                    mostafaismail سابقا

                    Comment

                    • #11
                      المشاركة الأصلية كتبت بواسطة mostafa.ismail مشاهدة المشاركة
                      معلش سؤال برة الموضوع ... غيرت الازاز فين؟ وهل زى الاصلى ولا لا؟ انا اقصد عند التغير الازاز الجديد بيجى معاة الجلد الكاوتش حوالين الازاز ولا لا؟

                      شوف يا درش ... أنا غيرت الإزاز عند محل فى شارع الليبينى بعد ما تخرج من النفق فى اتجاه دائرى المريوطية على اليمين بعد كنتاكى بحوالى 500 متر .

                      وبالنسبة للجلدة بتكون مع الإزاز الجديد متخافش من ده
                      [SIZE=7][COLOR=blue]مرحبا بكم :colsmil:...... فى الهيمالايا طبعا :POINTIy2[2]:[/COLOR][/SIZE]

                      Comment

                      السابق template التالي
                      Working...
                      X