بخصوص استرا انجوى محتاج المشورة للضرورة القصوى

[bahy55]

السلام عليكم ورحمه الله وبركاته

انا محتاج مساعدة كل واحد معاه استرا انجوى 2007 و 2008 لانى محتار جدا اشتريها ولا لا

انا معايا النترا وبفكر اغير الكورى خالص ولاول مره اركب المانى ووقع الاختيار على استرا انجوى 2007بالذات لانها مع واحد زميلى وبيشكر فيها جدا وعلى العكس ناس تانيه خوفتنى منها ومنهم تاجر .وركبت العربيه وجربتها ماشاء الله عليها وحسيت فعلا ان اللى مركبش المانى مركبش عربيات قبل كده مع احترامى لكل الماركات. ودخلت قريت تقريبا كل المواضيع اللى عن العربيه دى ولسه محتار

-ارجو من اى حد معاه العربيه دى حاليا يقولى ايه اهم مميزاتها واهم عيوبها من تجربته الشخصيه وله جزيل الشكر

ثانيا اللى المفروض هشترى منه العربيه قولتله هرفعها ف التوكيل قاللى التوكيل ملوش لزمه ولو الحاجه كفائتها 85% هيقولك عاوزه تتغير وهى ممكن تمشيك سنه عشان يشتغلوا وخلاص وانا بصراحه مصر انى ارفعها ف التوكيل . حابب اعرف ايه رايكوا ف كلامه

اسف جدا ع الاطاله لكن القرار مش سهل خصوصا ان قطع غيارها مش رخيصه والموضوع محتاج راى ناس مجربه العربيه دى بالذات .وكل عام وانتم بخير

اخوكم م.بـهــاء

[shiko85]

وعليكم السلام ورحمة الله وبركاته
بخصوص العربيه مش هقدر افيد حضرتك
لكن بخصوص الكشف فالتوكيل ده لازم و مفيش حاجه اسمها لو كفاءتها 85% هيقول تتغير كل حاجه لها ميعاد تتغير فيه
من حق حضرتك تكشف فالتوكيل ولازم تصر و تصمم على كده لان فيه عيوب و مشاكل مش هتبان بمجرد النظر غير ان دى اول مره حضرتك تشترى عربيه المانى فيعتبر مفيش خبره
ده رأى شخصى و اكيد فى اعضاء غيرى اكثر منى خبره و يقدروا يفيدوا حضرتك اكتر

[abohend]

لازم تكشف عليها طبعا

لأ طبعا لازم تكشف
واحد كان عايز يبيعلي بيكانتو قالي نفس الكلمتين
و بعد الكشف لقيت فيها اسكترا و طقم دبرياج و 4 جنوط و تسريب زيت من الموتور

لازم تكشف فالتوكيل

[hugan]

من كلامه مش عايزك تروح التوكيل

[bahy55]

وعليكم السلام ورحمة الله وبركاته
بخصوص العربيه مش هقدر افيد حضرتك
لكن بخصوص الكشف فالتوكيل ده لازم و مفيش حاجه اسمها لو كفاءتها 85% هيقول تتغير كل حاجه لها ميعاد تتغير فيه
من حق حضرتك تكشف فالتوكيل ولازم تصر و تصمم على كده لان فيه عيوب و مشاكل مش هتبان بمجرد النظر غير ان دى اول مره حضرتك تشترى عربيه المانى فيعتبر مفيش خبره
ده رأى شخصى و اكيد فى اعضاء غيرى اكثر منى خبره و يقدروا يفيدوا حضرتك اكتر

شكرا جزيلا على ردك واهتمامك .وده رايى بردو لان التوكيل هيكشف حاجات مش هيكشفها اى مركز صيانه تانى

[bahy55]

لأ طبعا لازم تكشف
واحد كان عايز يبيعلي بيكانتو قالي نفس الكلمتين
و بعد الكشف لقيت فيها اسكترا و طقم دبرياج و 4 جنوط و تسريب زيت من الموتور

لازم تكشف فالتوكيل

الحمد لله ان ربنا ستر . حصل معايا اكتر من كده شويه كنت هاخد سيراتو صاحبها قاللى العربيه فابريكه جوة ورشه بره جنبين بس .خدته توكيل كيا طلعت العربيه رشه بره كلها ورشه دواخل وكانت مقلوبه قبل كده

[bahy55]

من كلامه مش عايزك تروح التوكيل

ده واضح جدا

[Omar Mahmoud]

هي عربية ممتازة و محترمة
مفيش حاجة اسمها التوكيل ملوش لازمة و عايز يشتغل و يغير و حضرتك بتقول القرار مش سهل و قطع الغيار مش رخيصة يبقي الكشف مهم و لا لأ؟؟
الناس أول ما تسمع اوبل يخطر علي بالهم انها متنفعش للصيف و انها بتسخن و اعطالها كتير جدا و كلام فاضي كتير و ده كلام ناس مركبوهاش و التاجر مش بيشكر غير في الكوري و الياباني بس و عن تجربة.
بالتوفيق.

[bahy55]

هي عربية ممتازة و محترمة
مفيش حاجة اسمها التوكيل ملوش لازمة و عايز يشتغل و يغير و حضرتك بتقول القرار مش سهل و قطع الغيار مش رخيصة يبقي الكشف مهم و لا لأ؟؟
الناس أول ما تسمع اوبل يخطر علي بالهم انها متنفعش للصيف و انها بتسخن و اعطالها كتير جدا و كلام فاضي كتير و ده كلام ناس مركبوهاش و التاجر مش بيشكر غير في الكوري و الياباني بس و عن تجربة.
بالتوفيق.

الجمله دى قالهاى التاجر بالحرف "" انها متنفعش للصيف و انها بتسخن و اعطالها كتير جدا "" حسسنى انه بيتكلم عن عربيه صينى

انا احترت والله وقربت اقفل من العربيه رغم اقتناعى التام بيها

[bahy55]

ايه ياجماعة ؟ مفيش حد ف المنتدى كله معاه العربيه دى يقولى اشتريها ولا ابعد عنها ؟ ويقولى العربيه مريحاه ولا كل شويه عند ميكانيكى زى ما تاجر قاللى ؟ اتمنى حد يرد لانه كلامكوا هيفرق معايا جدا

[Omar Mahmoud]

الجمله دى قالهاى التاجر بالحرف "" انها متنفعش للصيف و انها بتسخن و اعطالها كتير جدا "" حسسنى انه بيتكلم عن عربيه صينى

انا احترت والله وقربت اقفل من العربيه رغم اقتناعى التام بيها

هل في تاجر محترم في عمله و بيراعي ربنا في شغله؟؟؟(طبعا في بس قليلين) حضرتك المفروض اول واحد تنفض لكلامه هو التاجر لإن المرسيدس بالنسباله اي كلام و الفيرنا هي جميلة الجميلات.
لو الأوبل فعلا بتولع في الصيف يبقي إزاي ناس كتير معاهم اوبل من اول ما نزلت مصر في التسعينات و في ناس جايبة اوبل من قبل سنة 1950 و اقصي دليل علي اللي معاهم العربية و كل مشاويرهم بيها سفر صيف شتا.
لو اشتريت العربية هتكشف علي العربية كلها بما فيها دورة التبريد زيها زي اي عربية.انا بقابل ناس كتير بتقول الكلام الغريب ده لحد ما اتشليت منهم.

[HISHAM80]

حضرتك جربت الفتيس easytronic

[bahy55]

حضرتك جربت الفتيس easytronic

جربته اه فى العربيه دى . لانى بسوق مانيوال واوتوماتيك ف ملقيتش اى مشكله ف التعامل معاه

[bahy55]

هل في تاجر محترم في عمله و بيراعي ربنا في شغله؟؟؟(طبعا في بس قليلين) حضرتك المفروض اول واحد تنفض لكلامه هو التاجر لإن المرسيدس بالنسباله اي كلام و الفيرنا هي جميلة الجميلات.
لو الأوبل فعلا بتولع في الصيف يبقي إزاي ناس كتير معاهم اوبل من اول ما نزلت مصر في التسعينات و في ناس جايبة اوبل من قبل سنة 1950 و اقصي دليل علي اللي معاهم العربية و كل مشاويرهم بيها سفر صيف شتا.
لو اشتريت العربية هتكشف علي العربية كلها بما فيها دورة التبريد زيها زي اي عربية.انا بقابل ناس كتير بتقول الكلام الغريب ده لحد ما اتشليت منهم.

انا قدامى نموذج حى زميلى اللى معاه العربيه دى بيروح بيها شرم على طول لان شغله ف شرم وعمره مااشتكى من حرارة . مع العلم ان شرم درجه حرارتها زى السعوديه كده مش اى عربيه تستحمل حرارتها . لك ان تتخيل

[pharohtemo]

من كام أسبوع كنت بأفكر مع نفسى و وصلت لقرار إنى لما أغير العربية مش حأركب أوبل تانى أو بمعنى أدق مش حأركب ألمانى تانى... العربية بتسخن مع أنها عمرها ما عطلت بسبب السخونة بس الجو الحر مع الزحمة و الوقوف المتكرر فى الإشارات بيأثر سلبيا على الفتيس الإيزيترونيك و ده خلانى غيرت طقم دبرياج قبل كده ..
الألمانى صيانته غالية .. الألمانى تكنولوجيا معقدة .. الألمانى بلاعة مصاريف .. الألمانى تكييفه أضعف من اليايانى و الكورى و ممكن نكتب قائمة طويلة تخلى الألمانى ميبعش عربية فى مصر :)
طيب ...
برضه من ما كام يوم و أنا واقف فى إشارة كافى خيرى شرى و ساكت لقيت مرة واحدة حاجة رزعت فيه من ورا ناحية اليمين لدرجة إن العربية أتحركت !!! نزلت و انا متأكد إنى حأفطر على اللى خبطنى و بعد ما بصيت لاقيت اللى خبطنى (ميكروباص سوزوزكى) أتبهدل و أنا يا دوب الرفرف أتحك و دى مش اول مرة أتخبط من ورا و لما بكشف على العربية مش بلاقى حاجة و ده نادر لما تلاقيه إلا فى الأوبل و الألمانى ...
جه فى بالى برضه أوقات بأكون بأخد ملف حاد و أنسى نفسى و مادوسش فرامل و بعدين ألاقى كل اللى كانوا جنبى بقوا ورا و مضطريين يهدوا و ده علشان أنا راكب أوبل و ألمانى لازق فى الأرض و ثابت فى الملفات ... أفتكرت لما كنت بأخد غرزة أو بأعدى عربية و أرجع ألم تانى و العربية بتتحرك زى ما أنا عايز من غير سنتى زيادة و لا إنحراف و غيرى لو مش راكب أوبل أو ألمانى اللى عربيته بتعوم أو بتسحف منه..
كل ده و السحب جميل و الأداء مرضى و فى أمان تام (بإذن الله و أمره)
الخلاصة مفيش عربية كاملة و علشان تجمع كل حاجة كويسة فى عربية واحدة يبقى حتدفع كثير أوى و حتلاقى بند أو بندين ناقصين عن عربية أحلامك .. فكر كويس و شوف أنت عايز إيه من عربيتك و أكشف عليها علشان تعرف أنت بتشترى إيه و حتتعامل معاها إزاى بعد كده و ربنا يوفقك لعربية كويسة