بعد شحن التكييف ظهر مشكله غريبه ... برجاء ألمساعده من الأخوة الافاضل

[haisam ali]

الحمد لله النهارده روحت ل ( hesham h ) حبيب قلبى بعد تظبيط الميعاد واللذى منه والراجل كتر ٢٠٠٠ خيره كلن حاجزلى ومظبطلى كل حاجه عند الفنى بتاع التكيفات وفعلا الراجل فهمان جدا وعنده جهاز ممتاز بجد ... قاسلى كبس الكباس لاقاه تمام الحمد لله ... وعمل فاكيوم محترم وشحن وظبطلى الدنيا ولكن :-
الحمد لله مشيت بالعربيه والتكييف اتحسن لدرجه ملحوظه تمام وزى الفل الحمد لله
مشيت حوالى ٢٠٠ كيلو كده وامشى فى زحمه وفجاه التكييف وقف والهوايات بطلت تطلع هوا
روحت شيكت ع الفيوزات لاقيت الفيوز الكبير رقم ٣٠ اللى فى علبه الفيوزات اللى جوه الطابلوه لاقيته ضارب
غيرته وشغلت الحمد لله التكييف اشتغل المهم طلعت فطرت ونزلت اروح مشوار وشغلت التكييف فى الزحمة تمام والحمد لله
شويه وحصل نفس الموقف التكيف وقف والهوايات بطلت تطلع هوا
رجعت من المشوار ركبت فيوز تانى لاقيت المراوح اللى بره بتاعت الردادتير والسربنتينه شغاله safe mode ع اخرها وكل ماجى أغير الفيوز الكبير وأشغل التكييف الفيوز يضرب
ملحوظه لما بغير الفيوز الهوايات بتشتغل لوحدها عادى لكن اول مابشغل الكمبروسر الفيوز يضرب عالطول والمراوح دلوقت شغاله اول مفتح كونتاك ....

أرجو ألمساعده العاجلة لظروف سفرى وانشغالى الفترة القادمه وشكرا ليكم وكل سنه وانتم طيبين

[فادى محمد]

هيثم باشا..
انا شاكك في ساعه الضغط والعلم لله
معني ان المراوح شغاله safe mood
ان الدوره مفرغه فريون , تمام؟
طيب انت شاحن وتمام ومتاكد ان مفيش تسريب
تبقي المشكله في ساعه الضغط اللي علي الشجره
السفليه.وراجع ع الكهرباء تاني علشان الفيوز اللي بيضرب
ده معناه ان في قفله او تلميس ..

[ahmedfouad]

واضح انها قافلة نتيجة الفك والتركيب
وفى سلك حر بيخبط يمين وشمال
وبما ان المراوح شغالة من الكونتاكت مباشر
لازم ترجعله تانى

[Hesham.H]

هيثم باشا..
انا شاكك في ساعه الضغط والعلم لله
معني ان المراوح شغاله safe mood
ان الدوره مفرغه فريون , تمام؟
طيب انت شاحن وتمام ومتاكد ان مفيش تسريب
تبقي المشكله في ساعه الضغط اللي علي الشجره
السفليه.وراجع ع الكهرباء تاني علشان الفيوز اللي بيضرب
ده معناه ان في قفله او تلميس ..

فادى باشا
انا قلت اللى انت قلته ده بالظبط ... ساعه الضغط اللى على شجره الفريون او سويتش المراوح فيها قفله .. بس نتأكد ازاى منهم ؟؟
للعلم احنا مافكيناش حاجه النهارده

[فادى محمد]

فادى باشا
انا قلت اللى انت قلته ده بالظبط ... ساعه الضغط اللى على شجره الفريون او سويتش المراوح فيها قفله .. بس نتأكد ازاى منهم ؟؟
للعلم احنا مافكيناش حاجه النهارده

الغيهم ياباشا وريح نفسك وشغل المروحه سرعه 2
السويتشين دول ثغرتين في دوره التكييف ( من وجهه نظري)
وعلشان تشتريهم . الجديد مضروب وغالي والاستيراد مش مضمون
لانه بيبقي متحمص من الحراره في المكان ده, الغيهم وطبب مكانهم بمسمارين
13 مل وتلف عليه تافلون .

[haisam ali]

الغيهم ياباشا وريح نفسك وشغل المروحه سرعه 2
السويتشين دول ثغرتين في دوره التكييف ( من وجهه نظري)
وعلشان تشتريهم . الجديد مضروب وغالي والاستيراد مش مضمون
لانه بيبقي متحمص من الحراره في المكان ده, الغيهم وطبب مكانهم بمسمارين
13 مل وتلف عليه تافلون .

معلش عايز شرح تفصيلى عن القصه دى .... انت قصدك أشيل السويتشين اللى على ماسوره التكييف دول خالص وألف فيشهم بشكرتون وابعدهم تمام .... واعمل ايه بقى تانى .... وهل ده هياثر معايا فى اى حاجه يعنى ايه الفرق اللى هيحصل بالظبط

[فادى محمد]

السويتشين دول واحد حساس حراره للفريون طبعا بيشغل المروحه ويطفيها تبعا لدرجه حراره الفريون والتاني حساس ضغط لو فقد الفريون بيقل الضغط فبيشغل المراوح سيفتي علشان يحمي الكمبروسر..

هنلغي السويتشين . هتشيلهم بس واما تسيب الابر اللي تحتهم زي ماهي لو جداد لان احيانا الابر دي تسب او تقلوظ فيهم مكان السويتشين مسمارين 13 مل وتلف علي القلاوظ بتاع المسمار تافلون علشان ما يسربش

وتخلي الكهربائي يشغل مروحه التبريد علي السرعه 2 علطول

كده المروحه شغاله ومش محتاج سويتش الحراره في حاجه . وبطبيعه الحال لا قدر الله لو شغلت المكيف في يوم
ومالقيتش تبريد , تطفيه علطول . وبكده مش محتاج سويتش الضغط في حاجه..

هتشغل التكييف وتستمتع بتبريده ومش هتشيل هم سويتشات تضرب تاني وكده كده ما شاء الله موتورك كبير مش
هيتاثر بسرعه المروحه اللي بتشتغل علطول مع التكييف اما بالنسبه للمروحه فلا ضرر تماما . ربنا يوفقك

[haisam ali]

طاب دلوقت انا جربت كل حاجه من اللى انتوا قولتوا عليها .... ونفس الموضوع بيحصل والفيوز بيضرب .... هل ممكن يكون الكمبروسر شيع وخصوصا انه كان فيه بليه خشنه وكانت عامله صوت جامد جدا ... كمان الكهرباءى قالى ان ممكن الحمل يزيد ع البليه فالصوت يزيد لكن مقليش ان البليه ممكن تبوظ الكمبروسر فانتوا ايه رأيكم ...؟؟؟

[ayman hamdy]

السويتش الازرق هو كمان مسؤول عن تشغيل المراوح على اعلى سرعة [ سيفتى مود ]وهوكمان اللى بيفصل كلاتش الكمبروسر لما الحرارة توصل 100 على الداش بورد ولو باظ السويتش دة لما تيجى تشغل التكييف والمراوح شغالة سيفتى مود لازم يعمل قفلة لانه بايظ لان مينفعش التكييف يشتغل والمراوح فى السيفتى مود ودى وظيفة السويتش الازرق لان له طرفين طرف قافل طبيعى ودة اللى متصل بكلاتش الكمبروسر مباشر لتشغيل الكمبروسر ولما يفتح عند 100 درجة يفصل الكمبروسر وطرف فاتح طبيعى لما يقفل يشغل المراوح على السيفتى مود
لو فى حالة انه باظ زى حالتك كدة بيبقى الطرفين قفلين ودة مش طبيعى يعنى الطرف الاول قافل طبيعى ودة اللى متصل بكلاتش الكمبروسر مباشر لتشغيل الكمبروسر وهنا تحدث القفلة لان الطرف التانى كمان فى نفس الوقت قافل ومشغل المراوح سيفتى مود وفى الحالة دى لايمكن للكمروسر انه يشتغل فتحدث القفلة كل ما تيجى تشغل التكييف ويضرب الفيوز رقم 2 ال 30 امبير بتاع التكييف اللى فى لوحة الفيوزات لانه هو الفيوز اللى متصل بالدائرة السابقة
نصيحة جرب تغير السويتش الازرق قبل اى شئ
وانا معاك

[haisam ali]

السويتش الازرق هو كمان مسؤول عن تشغيل المراوح على اعلى سرعة [ سيفتى مود ]وهوكمان اللى بيفصل كلاتش الكمبروسر لما الحرارة توصل 100 على الداش بورد ولو باظ السويتش دة لما تيجى تشغل التكييف والمراوح شغالة سيفتى مود لازم يعمل قفلة لانه بايظ لان مينفعش التكييف يشتغل والمراوح فى السيفتى مود ودى وظيفة السويتش الازرق لان له طرفين طرف قافل طبيعى ودة اللى متصل بكلاتش الكمبروسر مباشر لتشغيل الكمبروسر ولما يفتح عند 100 درجة يفصل الكمبروسر وطرف فاتح طبيعى لما يقفل يشغل المراوح على السيفتى مود
لو فى حالة انه باظ زى حالتك كدة بيبقى الطرفين قفلين ودة مش طبيعى يعنى الطرف الاول قافل طبيعى ودة اللى متصل بكلاتش الكمبروسر مباشر لتشغيل الكمبروسر وهنا تحدث القفلة لان الطرف التانى كمان فى نفس الوقت قافل ومشغل المراوح سيفتى مود وفى الحالة دى لايمكن للكمروسر انه يشتغل فتحدث القفلة كل ما تيجى تشغل التكييف ويضرب الفيوز رقم 2 ال 30 امبير بتاع التكييف اللى فى لوحة الفيوزات لانه هو الفيوز اللى متصل بالدائرة السابقة
نصيحة جرب تغير السويتش الازرق قبل اى شئ
وانا معاك

مديييييييييير ..... لكن ياكبير الحمد لله وصلت العيب وهوه فعلا زى مانت بتقول كده لكن :-

بشيل علبه الفيوزات اللى قدام البطاريه وببص على السلوك بتاعتها من تحت لقيت السلوك سايحه خااااالص وداخله فى بعضها الحمد لله عزلت الدنيا وظبطت كل حاجه مكانها والدنيا اتظبطت تمام والحمد لله على كل شىء

لكن السؤال هنا بيقول ايه اللى خلى السلوك تسيح كده على بعضها ؟؟؟؟

[haisam ali]

وكمان سؤال كبير للأستاذ فادى :-

اى فيشه فى فيش السويتشات هيا اللى مسؤله عن تشغيل المراوح فى التكييف ...؟؟؟ واى طرفين ممكن اوصلهم فى الفيشه دى يخلوا المراوح يشتغلوا سرعه ثانيه لما اشغل التكييف وألف الف شكر لكل الناس اللى بتتعب معانا عشان نوصل لحل

[ayman hamdy]

مديييييييييير ..... لكن ياكبير الحمد لله وصلت العيب وهوه فعلا زى مانت بتقول كده لكن :-

بشيل علبه الفيوزات اللى قدام البطاريه وببص على السلوك بتاعتها من تحت لقيت السلوك سايحه خااااالص وداخله فى بعضها الحمد لله عزلت الدنيا وظبطت كل حاجه مكانها والدنيا اتظبطت تمام والحمد لله على كل شىء

لكن السؤال هنا بيقول ايه اللى خلى السلوك تسيح كده على بعضها ؟؟؟؟

اللى بيخلى السلوك ساحت على بعضها هو كتاوت كلاتش الكمبروسر اللى فى علبة الفيوزات اللى قدام البطارية وهو تانى واحد من ناحية اليمين وانت واقف قدام العربية بيبقى عليه حمل شوية وممكن سلكين من اللى واصلين للكتاوت دى سخنه شوية او اتحمصه ولمسه بعض وعملوا القفلة دى بس انا رديت عليك على اعتبار ان جميع الوصلات سليمة والكتاوتات سليمة
عموما الحمد لله انها اتحلت وكل سنة انت طيب يا هيثم وكل أعضاء المنتدى طيبين وبخير
تحياتى

[haisam ali]

وانت طيب وعيد سعيد عليك يايمن باشا

[احمد فهمى]

لازم تراجع كل كهربة التكيف ضرورى عند واحد حافظ مشاكل الاوبل كهرياء

[محمود الشافعى]

حصلت معايا نفس مشكلتك وكان فعلا الكتاوت بايظ وغيرته واشتغل تمام
والحمد لله انك حليت المشكله ربنا يسترها دايما