مياة جوة العربية مش عارف اطلعها

[hamdy916]

انا فجاة لقيت عندى مياه تحت دواسة السواق المهم دورت لغايت اما لقيت فايز التكيف كان مسدود خالص المهم سلكته طلع ميه كتير اوى بس المشكلة ان فى مياه تحت الفرش الموكيت الى تحت دواسة السواق وكتير مش عارف انزلها ازاى ؟

[midozx]

سيب العربية فى حته فيه شمس ونشف بالبارور هواء

[hagagatc]

سبها يومين في الشمس وتكون فاتح الشباك احسن متشيل فرش الارضيه والجو اليمين دول كفيل بانه ينشف ميه البحر

[J A G U A R]

لو دواسه الارضيه معموله كويس متقلقش

[kantofanto]

سبها فى عز الشمس الساعة 12 الظهر و هتنشف بالتأكيد بس الخوف على حضرتك من الشمس .

[hamdy916]

يا جماعه المشكلة انى حاسس ان فيه ميه تحت الفرش الارضية يعنى مش الارضية مبلولة تحس كده اكنك دايس على كيس فيه مياه فا ازاى الشمس هتنشف كده تنشف لو الفرش مبلول ماشى لكن ده اكن فيه كيس ميه تحتيه

[سامح خلف]

فك عتبة الباب وارفع الموكيت ودخل قماشة ناشفة او سفنجة ولما تشرب مية طلعها واعصرها ودخلها تانى وافضل كرر الحركة دى امكتر من مرة لحد ما تحس ان الأرضية نشفت او روح لسروجى سيارات يفك الفرش وينشف المية ويجفف الأرضية ويركبل الفرش تانى هما دول الحلين ومفيش حل تانى ولا شمس ولا حر متتعبش نفسك وانا افضل فك الأرضية عشان بالطريقة دى تضمن ان كل المية اللى تحت الدواسة هيبقى ملهاش اى اثر

[Land_Cruiser]

حاول تستخدم اسفنج علشان يمتص المياه المتجمعة دي وبعد كده استخدم بلاور لتجفيف بقيه المياه اللي الاسفنجه مش جايباها

[hamdy916]

فك عتبة الباب وارفع الموكيت ودخل قماشة ناشفة او سفنجة ولما تشرب مية طلعها واعصرها ودخلها تانى وافضل كرر الحركة دى امكتر من مرة لحد ما تحس ان الأرضية نشفت او روح لسروجى سيارات يفك الفرش وينشف المية ويجفف الأرضية ويركبل الفرش تانى هما دول الحلين ومفيش حل تانى ولا شمس ولا حر متتعبش نفسك وانا افضل فك الأرضية عشان بالطريقة دى تضمن ان كل المية اللى تحت الدواسة هيبقى ملهاش اى اثر

طيب هو العتب ده فكه سهل ؟ يعنى افكه ازاى

[Mido Casper]

نشفها فوووورا عشان متجبلكش بارومه بالاسفنج او روح مغسله يرفعولك الميه دي

[mahmoud kamal]

باشا فيه طبه تحت كل دواسه من تحت هتروح ترفع العربيه وتشيل الطبه تصفي الميه او ترفعها بالكوريك وتنزل تحتها

[hamdy916]

النهاردة نزلت فعلا تحت العربية لقيت فعلا الطبة شلتها بس لقيت تحتيها سفنج ومتهيالى انها كده هيا الى شربت المية