العفشة؟؟

[بيشوى_رمزى]

صباح الخير على احلى منتدى

معلش كنت عايز اسال على تكلفة العفشة امامى كاملة ( مقصات و بارات و بيض الدريكسون .......)
تعمل كام و اعمل العفشة عند مين ويكون كويس؟

شكرا مقدما

[haisam ali]

ازيك يا صديق أين انت من فتره ( مش هينفع كده ) .... حبيبى وكل سنه وانت طيب ... هديك شويه اسعار كنت مغيرها من حوالى ٦ شهور ... ٢ تيش دريكسيون تقريبا كان مايلى ٢٥٠ جنيه .... ٢ بيضه طرف برضه تقريبا كان مايلى ب ٢٠٠ جنيه .. ٢ بطاحه نوع زباله ١٦٠ جنيه .. ٢ صداده مساعد ٥٠ جنيه حاجه كده مصرى صرف .. ٢ طربوش مساعد ١٨٠ جنيه وبرضه نوع زباله .... ٢ مساعد امامى ساكس محترمين بس مطبهم ناشف ب ٩٠٠ ... وكنت جايب ٢ تيش ميزان بتوع الكيا سيراتو ب ٢٢٠ ... وخالى بالك انا كنت شارى الحجات دى من عندنا فى دمنهور والحجات هناك عاليه شويه عشان قله المنافسين وطبعا فيها كتير مضروب ... وكان الله فى العون ياصديق وشكرا

[بيشوى_رمزى]

ازيك يا صديق أين انت من فتره ( مش هينفع كده ) .... حبيبى وكل سنه وانت طيب ... هديك شويه اسعار كنت مغيرها من حوالى ٦ شهور ... ٢ تيش دريكسيون تقريبا كان مايلى ٢٥٠ جنيه .... ٢ بيضه طرف برضه تقريبا كان مايلى ب ٢٠٠ جنيه .. ٢ بطاحه نوع زباله ١٦٠ جنيه .. ٢ صداده مساعد ٥٠ جنيه حاجه كده مصرى صرف .. ٢ طربوش مساعد ١٨٠ جنيه وبرضه نوع زباله .... ٢ مساعد امامى ساكس محترمين بس مطبهم ناشف ب ٩٠٠ ... وكنت جايب ٢ تيش ميزان بتوع الكيا سيراتو ب ٢٢٠ ... وخالى بالك انا كنت شارى الحجات دى من عندنا فى دمنهور والحجات هناك عاليه شويه عشان قله المنافسين وطبعا فيها كتير مضروب ... وكان الله فى العون ياصديق وشكرا

هيثم باشا ازيك يا باشا
انا الحمد لله كويس انت اللى عامل ايه ؟ ليك وحشة يا عم , صدقنى غصب عنى ربنا اللى يعلم

متحرمش منك على الاسعار دى يا صديقى اصل العفشة جابت اخرها هعمل العفشة و اقولك جبتهم منين و بكام

[hilal]

فينك يا بيشوي؟
من زمان وانت غايب عن قسم أوبل
لعل المانع خير

[بيشوى_رمزى]

فينك يا بيشوي؟
من زمان وانت غايب عن قسم أوبل
لعل المانع خير

هلال باشا ازاى حضرتك ؟
خير الحمدلله و محدش يقدر يغيب عن المنتدى ده
ده اسلوب حياة

[sherif moneer]

انا مغير امبارح 1 تيش سكترا و 1 بيضة طرف ب 200 ج
و 1 بيضة مقص ب 75 ج
مصنعيه 50 ج
كله ف الجمب اليمين

[احمد فهمى]

عمار يا اوبل ده والا ال128 مش عارف مين اللى بيقول قطع غيار اوبل غاليه لو حد شافو فى المعركه يقتلو فورآ

[Hesham.H]

عمار يا اوبل ده والا ال128 مش عارف مين اللى بيقول قطع غيار اوبل غاليه لو حد شافو فى المعركه يقتلو فورآ

هههههههههه فريد شوقى خلاص الله يرحمه يا باشا
طبعا حاجات العفشه فى الفكترا بى اسعارها زى الفل ... بس حاجات الموتور أعلى شويتين طبعا زى ما كلنا عارفين

بيشوى واحشنا يا راجل ... انا من كام شهر شوفت جوز مساعدين عاملاهم شركه فرنسيه فاتحه مصنع فى تونس ... اشتريتهم وركبتهم زى الفل ما شاء الله .. من عند اولاد مكاوى فى الحرفيين وسعرهم تقريبا ٦٠٠ جنيه
باقى الحاجات اسعارها فى الرينج اللى هيثم قالك عليه
روح اولاد مكاوى هتلاقى عنده حاجات نضيفه
تحياتى

[بيشوى_رمزى]

هههههههههه فريد شوقى خلاص الله يرحمه يا باشا
طبعا حاجات العفشه فى الفكترا بى اسعارها زى الفل ... بس حاجات الموتور أعلى شويتين طبعا زى ما كلنا عارفين

بيشوى واحشنا يا راجل ... انا من كام شهر شوفت جوز مساعدين عاملاهم شركه فرنسيه فاتحه مصنع فى تونس ... اشتريتهم وركبتهم زى الفل ما شاء الله .. من عند اولاد مكاوى فى الحرفيين وسعرهم تقريبا ٦٠٠ جنيه
باقى الحاجات اسعارها فى الرينج اللى هيثم قالك عليه
روح اولاد مكاوى هتلاقى عنده حاجات نضيفه
تحياتى

انت اكتر يا استاذ هشام صدقنى
المساعد ده اسمه ايه ؟

[Hesham.H]

انت اكتر يا استاذ هشام صدقنى
المساعد ده اسمه ايه ؟

مش فاكر اسمهم والكراتين رميتها من يوم ما ركبتهم ... بس ما شاء الله عليهم .. روح لعم مكاوى وقوله انا من طرف هشام البحيره وعاوز اشوف المساعدين التونسى زى اللى اخدهم .. هايعجبوك ان شاء الله
تحياتى