البطارية ضعفت

[Ahmed adel 23]

السلام عليكم ورحمه الله وبركاته
دلوقتى انا البطاريه لما كنت بشغل التكيف مشوار كانت بتتاخر فى الدوارة مرة وبعدها تدور
بس من يومين لقيتها مرضيتش تدور خالص فدورتها زق ومشيت شويه حلوين 7 كيلو علشان الدينامو يشحن وبعد ما روحت بقفل السنتر الازاز مقفلش جربت ادور مدارتش وتانى يوم دورتها زق بقفل الازاز كان بدوسه بيقفل للاخر لوحدو .. لقيت انى لازم افضل دايس لغايه لما تقفل للاخر رغم انى مدور العربيه ...... فهل دة دينامو ولا بطاريه
ولو بطاريه انهى نوع احسن 70 ولا 55. وايه رايكو فى بطاريه موطلو اللى بتتباع فى بريدج ستون
وشكرااااا

[هشام السيد]

عدي علي اي كهربائي يقيسلك شحن الدينامو لو مظبوط يبقي البطاريه باظت ومابتقبلش شحن

[عبدالله برعى]

الاعراض اللى عندك متشابهة لتلف البطارية او تلف الدينامو

شبك على الدينامو لو كويس يبقى اكيييييد بطارية

[hi_nmr]

طالما لمبه الدينامو منورتش يبقي 100% بطاريتك باظت ومحتاجه تغيير

[Ahmed adel 23]

شكرا للرجاله اللى ردو
انا روحت لكهربائى حط الجهاز بتاع القياس وقاس الشحن وانا مدور العربيه وطافى النور العالى لقيت الشحن 13.20 فى الرنج دة وبعدين قالى نور النور فالشحن قل ل 12.90 وزودت شويه بنزين الشحن واد تانى ل 13 وشويه
فالراجل قالى انت كدة دة عيب دينامو ضعيف مبيشحنش كفايه لان اللى راكب دة سلوكو سودة والطبيعى بتاعها سلوكو نحاس صفرة وقالى كمان البطاريه باظت بسبب الدينامو
المهم سيبتو وروحت لواحد تانى قاس الشحن وانا مدور وطافى الانوار ولقى برضو 13 وشويهوقالى زود وبعدها قالى دة عيب بطاريه وحاول تجيب واحدة اكبر فى الامبير
المهم كان صديق معايا فقالى نجرب نشيل كابل البطاريه والعربيه شغاله وفعلا عملنا كدة ومفصلتش فقالى كدة بطاريه وللتاكيد نسيب النور العالى شغال والعربيه مبطله هتلاقي العربيه مرضيتش تدور وفعلا حصل
المهم انا اعتقد ان البطاريه بايظه بس مستغرب ان الدليل اللى فيها مدى لون اخضر فكدة المفروض تبقى سليمه
واليكم صور الدينامو والبطاريه
ياريت تدونى رائيكو انهى البطاريه ولا دينامو
وشكراااا

[Ahmed adel 23]

[Ahmed adel 23]

هو المنتدى مبقاش حد يرد فيه ليه زى الاول .... ارجو الرد
وسؤال اضافى مقاس 70 ولا 66 مناسب للعربيه .... فيكترا 1997 الشكل الجديد

[هشام السيد]

بص انا اعتقد الدينامو ده شحنه ضعيف شويه خاصه ان البطاريه لسه منوره اخضر المفروض وانت طافي الانوار يدي من ١٣.٥ ل ١٤ والله اعلم

[Ahmed adel 23]

شكرا يا أ /هيثم على ردك بس انا عاوز اتاكد ان العيب فى الدينامو لان كهربائى قالى بطاريه والتانى قال دينامو فانا مش عارف كدة المشكله فى انهى

[Ahmed adel 23]

هى الناس مبقتش ترد ليه

[Ahmed adel 23]

محدش رد ??