شويه اسأله على الماشى لاصحاب الخبره vectra B

[Salamas]

السلام عليكم يا وحوش الاوبل

الموتور عندى 2000 سى سى والعربيه اوتوماتيك vectra b2 ... المهم مروحه الرداتير ابتدت تضعف وتبوظ

رحت للكهربائى عندى ركبلى مروحه استرا مؤقتا لحد ما اشترى مروحه جديده

كلمت الناس بتاعت الاستيراد سمعت ارقام غريبه 600 جنيه وواحد يقولى 800 جنيه الالمانى

كلمت بتوع الجديد قالولى فى الصينى بى 350 والتايوانى بى 450

وسألت برضوا على الاكصدام الامامى فى الاستيراد قالولى 1000 جنيه

وفى الجديد فيه ايطالى بى 425 وصينى بى 250

فكنت عايز اخد رايك حضراتكم اعمل ايه .. لو حد جرب الحاجات دى فى الصينى والتيوانى يقولنا رأيه ايه فيها

[haisam ali]

متابع

[ah-elgendy]

نصيحه خليك فى الجديد

[Omar Mahmoud]

هاتها جديد احسن

[Hesham.H]

المروحه استيراد ب ٣٥٠ جنيه ومش عارف يعنى ايه المراوح عندك ضعفت ؟؟ هى يا شغاله يا بايظه .. ولا قصدك مقاومه السرعات باظت ؟؟
ياريت تكشف عند كهربائى كويس
الاكصدام الافضل طبعا الاستيراد لانه اصلى وبيستحمل جدا وتمنه كده مظبوط التايوانى ٢٥٠ جنيه تقريبا
المروحه حاول تنقى استيراد تكون نضيفه

[احمد فهمى]

اشتري جديد

[o0Hanafi0o]

المراوح جديد الاكصدام طبعا الاستيراد افضل بمراحل بس غالى شويتين بس عريض جدا ( سمكه عريض ) وبيمط مع اى ترييحه مش بيقطم عكس الجديد اى ترييحه عليه بيقطم على طول

[Omar Mahmoud]

معلش انا مخدتش بالي إن حضرتك بتسأل علي الإكصدام،الإكصدام تجيبه استيراد بالرغم من سعره لسبب واحد أنه قوي و بيستحمل الخبطات و الكلام ده عن تجربة لما ميني باص خبط العربية من ورة الإكصدام نزل لتحت حاجة بسيطة من ناحية واحدة إنما هو سليم.

[Salamas]

تمام .. مشكورين يا وحوش

والواضح كده ان الاجماع على انى اجيب المروحه جديده والاكصدام استيراد

[مجمود فراج]

انصحك بالاكصدام استيراد متين جدا