صفحة جديدة للاوبلاوية السكندريين

[Ahmed_Gad]

السلام عليكم وكل سنة وانتم طيبين
انا عارف اني مقصر معاكم بس انا دائم الاطلاع اليومي ويمكن مابفتحش غير المنتدي بتاعنا عشان اشوف كل موضوع جديد وكنت واعدكم بموضوع عن الفوانيس بعد التلميع وعملهم سموك بس انا اسف لان التليفون باظ واضطريت افرمته وطبعا كل الصور والفيديوهات راحت قبل ما اعمل الموضوع
وانا جايب النهاردة صفحة عملتها للاوبلاوية السكندريين تلم شملنا عشان نعمل مقابلات ونتعرف علي بعض ونساعد بعض زي القاهراوية بس بردو هيشرفنا كل اعضاء اوبل اللي في المنتدي انهم ينضموا لنا من كل مكان في مصر وبرة مصر كمان عشان تعم الفائدة وبع اذن الادارة هنحط عنوان الصفحة عالفيس بوك

https://m.facebook.com/Vectrawy

كما يسعدني انضمام اباطرة وجهابزة الاوبل اللي علموني كل حاجة رغم عدم معرفتي الشخصية بهم ولكن من مواضيعهم امثال الاستاذ احمد فهمي والاستاذ محمد طناني والاستاذ فادي محمد والاستاذ ايمن حمدي والاستاذ هيثم علي والاستاذ بيشوي رمزي وكتييييير مشفتكر اساميهم ولكن فاكر مواضيعهم اللي افادونا بيها
ومرحبا بكم جميعا

[Ahmed_Gad]

فين الاوبلاوية دا انا قلت الصفحة هتكسر الدنيا وهلاقي ناس كتير مافيش غير اربعه بس هنا هما اللي اسكندرانية مش معقول! طب مانا قلت بنرحب كمان بجميع حبايبنا الاوبلاوية من كل مكان ولا مافيش اوبلاوية! صباحكو ورد

[احمد فهمى]

اهلآ بيك هنا ويفضل لو تعمل مواضيعك فى القسم عشان الاعضاء وغيرهم من كل الدول يستفيدو به

[sherif_m72]

شريف مراد
من محرم بيك
42 سنه
عربيتى فيكترا 2001 1600 منوال بيضاء

[Ahmed_Gad]

اهلآ بيك هنا ويفضل لو تعمل مواضيعك فى القسم عشان الاعضاء وغيرهم من كل الدول يستفيدو به

استاذ احمد انت طبعا كبيرنا هنا وكلامك يمشي علينا كلنا بس الفكرة اني شايف معظم المواضيع هنا والصنايعيه وبتوع قطع الغيار وحتي مقابلات الاعضاء تخص اهل القاهرة واحنا السكندريين مظلومين فكل الحكاية انا قلت نعمل جروب او صفحة عالفيس نقدر من خلالها نتواصل مع كل الاوبلاوية السكندريين بحيث نفيد بعض بالخبرات هنا مع صنايعيه وتجار قطع غيار الاسكندرية وكمان نعمل مقابلات دورية وكدا ولكن بيتنا الكبير اللي هو المنتدي احنا لا يمكن نبعد عنه والدليل علي كدا اني حاطط عنوان صفحة اوبل بتاعه المنتدي عندنا في الصفحة للي عاوز يرجعلها وبعدين انا اول حاجة بعملها اصلا اول ما افتح النت هي اني افتح ثفحة اوبل عالمنتدي هنا واتابع كل موضوع جديد واقرا مشاركات الاعضاء كلمة كلمة

[haisam ali]

والله ياستاذ احمد انا برضه من رأيي ان احنا نخيلها هنا فى المنتدى .... والأستاذ احمد فهمى نفسه معانا ينسق ويخليلنا موضوع كده انشاله مثبت لفترة كده لان انا والله فعلا نفسى فى الموضوع ده لان فعلا القاهره بالنسبالنا مشوار عنيف فيعنى ممكن نقدر نفيد بعض اكتر باذن الله

[احمد فهمى]

عشان ميحصلش تشتيت اعمل موضوع او رابطه وانا اثبتهالك وتكون خاصه بقطع الغيار واعضاء اسكندريه واي اضافه بموضوع انسقهالك فى نفس الموضوع فى اول صفحه وكده كل اهل اسكندريه يشوفوها مش معارفك فقط

[Ahmed_Gad]

خلاص تمام واحنا معاك ياكبير ان شاء الله نبدأ في الموضوع من الاتنين ان شاء الله لان بكرةالاحد عندي فرح عقبالكو وعقبال اولادكو