ايه اللى بيحصل ده؟؟؟؟؟؟؟؟؟

[elbasha_shico]

بسم الله الرحمن الرحيم ...

انهارده الصبح قلت اروح النادى العب شويه كوره ...سمعت صوت رهيبببببببببببب

كركره غريبه جداً و كأنك حاطط مسمار جوه خلاط

قلت "ده شكله يوم مش تمام"

المهم رحت النادى .. و صليت الجمعه .. عديت على الميكانيكى و قولتله يشوفها

راح كبس لها بنزين جامد .. و قالى "موتور يا بشمهندس.. السبيكه قلبت"

انا صعقت و قولتله "يا نهار ...."

قالى ملهاش حل .. و قعدنا نتفق على الأسعار... نص موتور تحتانى احسن و ارخص من عمره .. و ورق و قرف و تروح المرور تسجل تغيير مكنه و غيره

المهم ربنا كرمنى بصنايعى عنده قالى انا شاكك فى حاجه بس لازم نفك المكنه ...قلت فى دماغى "هى كده و لا كده هتتفك ..ربنا يستر"

طبعا هو بيفك و انا على نار ,,,, و بعد الفك.............................................. .................................................. ..



ترس الفلام مشروخ و هو اللى بيعمل الصوت.. ايه اللى بيحصل ده.. الحمد لله طبعاً

لكن اللى هيجننى ... ازاىىىىىىىىىىىىىىىىىى...؟؟؟؟

[haisam ali]

الحمد لله ..... أظن الروح ردت فيك هههههههههه الموضوع ده بيبقى مفرح جدا ..... لما تبقى رايح تغير حاجه كبيره وتلاقيه موضوع بسيط بتبقى فرحه بطابع خاص .... بس ايه يا ترى اللى خلى الترس يتشرخ كده ويترى شيكت ع المارش ولا لا ،،،،؟؟؟

[besso]

اول مره اشوف حاجه زى كده

[amoor89]

انا شاكك ان الفولام ده اتخرط كذا مرة وسمكه بقى قليل ومع الوقت وصل لكده مع الاجهاد الزيادة

[safwat1100]

معلش يا رجاله بس ايه الترس ده ومكانه فين ف العربيه؟؟؟؟؟

[احمد فهمى]

ده عيب صناعه علي فكره وموضوع نادر بس الحمد لله علي قد كده

[elbasha_shico]

انا شاكك ان الفولام ده اتخرط كذا مرة وسمكه بقى قليل ومع الوقت وصل لكده مع الاجهاد الزيادة

للاسف لا متخرطش قبل كده .. و مظنش ان فى اى حد ممكن يخرط فلام .... بس المشكله انى لقيته دايب و كأنه بايش او مصدى من اثر رطوبه .. اول ما خبطنا عليه طرقع من كل حته...

انا هعمل زى بتوع التكاتك و اكتب على العربيه ....

"" العين صابتنى و رب العرش نجانى """

[elbasha_shico]

ده عيب صناعه علي فكره وموضوع نادر بس الحمد لله علي قد كده

ايه رأيك اراسلهم بالصور ؟؟؟؟؟

[kaza]

مشكلة الحدافة في الاوبل عموما انها بتتعمل من الحديد الزهر ودة كويس وعيب في نفس الوقت كويس علشان بتطول عمر الاسطوانة ومابتقفعش من حرارة احتكاك الاسطوانة بسهولة لكن لو بتسوق ولفات الموتور متعود انها تكون فوق3000لفة وسواقتك جري وسحب بتشرخ وبتتكسر
وعلشان كدة فية بعض المواتير الاستيراد للاوبل بتكون الحدافة صلب مش زهر وبتكون افضل بمراحل المهم لما تركب الحدافة الجديدة شوف نوعها تية وضروري تتوزن عند خراط مواتير قبل التركيب علشان في بعض الاحيان بتلجاء المصانع لاجراء الاتزان للحدافة والكرنك مع بعض وبيؤدي لاهتزاز للموتور علي السلانسية

[besso]

+ ولو كنت هاتجيب حدافه بتاعه عربيه تانيه ماتكونش اتق من القديمه