أرجو المساعدة ضرورى جدا

[Auslander]

السلام عليكم
انا لسه عضو جديد ولسه مشترك حالا فى المتتدى علشان بثق فى راى الاعضاء طول يوم كنت بقرأ من المعلومات اللى فلى المنتدى و اللى هصوصا فى قسم أوبل
هحاول اكون مختصر
اخويا بيفكر يشترى عربية وهى الاولى ليه فنزل السوق يوم الجمعة و لاقى اوبل فيكترا 2001 اتوماتيك 1600 سى سى 2 زجاج كهرباء ورش نظافة
طبعا احنا مالناش فى العربيات فسهل نتسك بالكلام العامى
العربية عاملة 282 الف كيلو !!!
و البور تقيل و التكييف حسب كلامه ناقصه فيرون
اخويا عمل معاه عقد مبدئى ودفعله مقدم و بعدين حكالى عن كل تفاصيل دى
هو مش كشف عليها كمبيوتر ولا ف مركز بس كان فى تاجر هناك بص عليها وقاله شغالة وخد اللى فيه النصبب
وفيه حاجه محيرانى ان صاحب العربية كان واقف بيها لحد ساعة اربعة
يعنى لو كويسة اكيد محدش هيفرط فيها وتتباع بسرعة
رخصتها سنة و معمولة قريب شهر اربعة اللى فات
انا سالت نفسى شوية اسئلة هو مش لو صلحت انا التكييف مش اقدر ارقع سعرها
والمهم ان بكرة المفروض يخلصوا البيعة
هل نخلص ونتكل على الله و بلاش خصوصا ان الفلوس دى تعبان فيها ومش حمل تكون عربية ونلبسها ونخسر فيها او مش نعرف نبيعها لو فيها مشاكل لا قدر الله
ارجو الافادة فى اسرع وقت
شكرا مقدما
السعر 54 تقريبا

[haisam ali]

والله يامعالى الباشا من اللى انت بتقوله ده السعر يعنى رافع ٢٠٠٠ ولا ٣٠٠٠ جنيه ودى مش قصه ....... لكن هسالك سؤال محوري ..... الميكانيكى بتاعك ده انت واثق فيه ؟؟؟؟ يعنى مايبيعكش مثلا لو الراجل غمزه ....؟؟؟ معلش انا والله ما قصدى حاجه لكن انا قصدى انه لو فيه ذره شك انت ممكن قبل ماتدفع فلوسك وتخلص تاخد العربيه وتطلع على مركز خدمه محترمه او ورشه محترمه يوصفهالك اى حد هنا من اخواتنا اللى ساكنين فى القاهره وتعملك واحد check محترم اوى على العربيه وباذن الله تلاقيها تمام وربنا يوفقك للى فيه الخير ... الف مبروك مقدما وآسف جدا للاطاله

[Adnfalcon]

طبعا ماينفعش كدا ابداااا ابدا
لازم تكشف ع العربيه الأول غير كده اياك تشتري والسعر كويس بس ممكن ينزل حبه خصوصا بعد الكشف

[Auslander]

والله يامعالى الباشا من اللى انت بتقوله ده السعر يعنى رافع ٢٠٠٠ ولا ٣٠٠٠ جنيه ودى مش قصه ....... لكن هسالك سؤال محوري ..... الميكانيكى بتاعك ده انت واثق فيه ؟؟؟؟ يعنى مايبيعكش مثلا لو الراجل غمزه ....؟؟؟ معلش انا والله ما قصدى حاجه لكن انا قصدى انه لو فيه ذره شك انت ممكن قبل ماتدفع فلوسك وتخلص تاخد العربيه وتطلع على مركز خدمه محترمه او ورشه محترمه يوصفهالك اى حد هنا من اخواتنا اللى ساكنين فى القاهره وتعملك واحد check محترم اوى على العربيه وباذن الله تلاقيها تمام وربنا يوفقك للى فيه الخير ... الف مبروك مقدما وآسف جدا للاطاله

طيب ايه الامكام اللى ممكن اكشف عليها فين و اقف البيعة لو قالوا ايه
هو مش ميكانيكى هو تاجر وبيفهم فى العربيات فصلها ل 54 وقال كويسة وغيرها لما ربنا يكرم هو مش يعرف البائع بس بردوا مش بيشترى لنفسه
الواحد محتار واكمن مش عنده خبرة واول مرة محتار
حتى فى ناس بتقول انها صعب تبيعها وده خوف بردوا
و فى ناس بتقول هتفتح بوقها لو وحشة
شكرا ليك

[Auslander]

طبعا ماينفعش كدا ابداااا ابدا
لازم تكشف ع العربيه الأول غير كده اياك تشتري والسعر كويس بس ممكن ينزل حبه خصوصا بعد الكشف

طيب ايه الامكان واسعرها ايه داخل القاهرة

[فادى محمد]

معلش لو رايي كان صادم لحضرتك..
ابعد عنها ..ده تاجر والتاجر مش بيصلح حاجه
مفيش حد يستحمل يمشي بعربيه من غير تكييف , صح؟
لو كان امره سهل كان صلحه..التكييف بتاعها بيتكلف كتير..
الباور تقيل = طرمبه باور ضعيفه
السعر مش لقطه .بالعكس زايد الفين تلاته
اول ركوبه لاخوك بلاش عربيه متهانه
الالماني بالذات لو تعبان هيخليك تندم ع اليوم
اللي فكرت تركب فيه عربيه

[Auslander]

شكرا ليكم على المساعدة

[7oda.mohamed]

بلاش احسن هات حاجه سليمة اضمنلك و الفلوس مش بتيجي بالساهل ربنا هيعوضك بغيرها ان شاء الله بس ابعد عن اي حاجة فيها مشاكل ده كده و فيها بور و تكييف و الله اعلم ايه تاني مستخبي

[hi_nmr]

معلش لو رايي كان صادم لحضرتك..
ابعد عنها ..ده تاجر والتاجر مش بيصلح حاجه
مفيش حد يستحمل يمشي بعربيه من غير تكييف , صح؟
لو كان امره سهل كان صلحه..التكييف بتاعها بيتكلف كتير..
الباور تقيل = طرمبه باور ضعيفه
السعر مش لقطه .بالعكس زايد الفين تلاته
اول ركوبه لاخوك بلاش عربيه متهانه
الالماني بالذات لو تعبان هيخليك تندم ع اليوم
اللي فكرت تركب فيه عربيه

انا مؤيد لهذا الراي

[amr elsisi]

انزل صقرقريش في هناك ثلاث مراكز محترمة