إعـــــــلان

Collapse

.

,
See more
See less

عمرة دينامو

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    عمرة دينامو

    السلام عليكم ورحمة الله وبركاتة
    انا عارف اني مقصر معاكم شوية بس ظروف شغل سامحوني
    ان شاء الله حيكون في كذا موضوع بعد الدينامو
    بداية :
    الموضوع ظهر ان لما اسيب العربية اكتر من يومين البطارية بتنام
    طبعا كشفت علي اي ماس او اي حاجة منورة باستمرار
    ولم نجد
    والبطارية كان بقالها سنة بالظبط قولت اغير البطارية وخلاص
    غيرت البطارية مافيش شهر العيب رجع تاني
    روحت لبتاع البطاريات وكان حوار
    وفي الاخر العيب كان من عندي انا
    روحت كشفت عند واحد كهربائي شاطر جداااا
    ومعاة جهاز بيقيس شحن الدينمو والبطارية
    المهم كان مكتوب علي الجهاز اقل شحن 13.60 واعلي شحن 14.60
    انا كان عندي مع تشغيل التكييف والانوار والكاسيت 13.00
    طبعا قالي العيب دينامو يا كتاود يا اما ملفات
    طبعا سالت علي الكتاود التركي ب230ج
    والاصلي ب420ج
    والدينمو كامل استيراد حوالي 450
    فكنت فحيرة ما انا ممكن اجيبة استيراد ويطلع شحنة ضعيف وترجعة وكذلك الامر
    وتغرم فك وتركيب
    فقررت بالمرة افكة انظفة واركب كتاود
    بعد الفك بصراحة الدينامو كلة اتربة من الداخل وعامل عازل مع الملفات
    والكتاود كان متاكل علي الاخر ودي صورة بين القديم والتركي

    ودي صورة لقلب الدينامو بعد النظافة بالهواء والبنزين

    ودي صورة لمكان تركيب الكتاود وهوا موجود اسفل الغطاء

    الكتاود مشار الية بالسهم الاحمر
    والقطب الموجب مشار الية بالسهم الازرق
    وقطب بيان الشحن بالسهم الاخضر
    ممكن الكتاود يركب والدينامو راكب مكانة عن طريق فك السير
    وفك مسمار ربط الدينمو وترك الدينامو علي مسمار المفصلة
    وتقلبة للوراء وتفك الغطاء وبعدين تفك الكتاود
    ودي صورة بعد التركيب والشحن وصل الي 14.50

    معلومة الشحن لم يتاثر اطلاقا بالنور او التكييف او الكاست
    الشحن كان ثابت
    ودي ميزة جدااا بيطيل عمر البطارية
    وكان عندي مشكلة تانية ان اقطاب البطارية دائما سخنة
    بسبب ان الدينامو مابيفصلش لانة مش بيحقق شحن
    اما الان فالاقطاب حرارتها معقولة جداااا
    ودائما لمبة البطارية خضراءءءء
    في ناس مابتحبش تركب حاجة غير الاصلي
    عندة حلين
    1:يجيب كتاود اصلي بس بعد التاكد من سلامة ملفات الدينامو
    2:يجيب دينامو استيراد بس يفك الغطاء الاسود ويتاكد من سلامة الكتاود لسة في لحمية وسلامة الملفات
    طبعا اهم حاجة لازم تكون معاك هوا الافوميتر نوع صيني ب 55ج مهم جاااا

    عزرا علي الاطالة
    اللهم صلي وسلم علي سيدنا محمد
    [SIGPIC][/SIGPIC]
    (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)
    الكلمات الدلالية (Tags): دينامو, عمرة
  • #2
    هيا دى المواضيع ياريس والله ربنا يباركلنا فيك وألف الف شكر وجزاك الله خيرا
    [SIGPIC][/SIGPIC]---------------------------------------------------------------------------------------
    اللهم أحسن عاقبتنا في الامور كلها وأجرنا من خزي الدنيا وعذاب الاخرة...

    اخوكم :- هيثم على

    Comment

    • #3
      عليه افضل الصلاة وازكى السلام
      مشكور يا هندسة على نقل التجربة
      الحوار دا عملته السنة اللى فاتت لما لمبة شحن البطارية نورت فى التابلوه وودتها لمكانيكى غير لى الكات اوت بواحدة استيراد وشغالة زى الفل
      بس لى سؤال يا هندسة هى لمبة شحن البطارية ما كنتش منورة عندك فى التابلوه حتى ولو نور ضعيف كنت عرفت انها من الدينامو بدل المتاهات دى كلها ؟
      تحياتى
      [SIGPIC][/SIGPIC]{رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ}

      Comment

      • #4
        موضوع ممتاز تسلم ايدك على التجربة الرائعة
        شكراً
        [CENTER][COLOR=navy][SIZE=4]السرعة داخل القاهرة 50 كم/س[/SIZE][/COLOR][/CENTER]
        [CENTER][COLOR=navy][SIZE=4]لا إله إلا أنت سبحانك انى كنت من الظالمين[/SIZE][/COLOR][/CENTER]
        [CENTER][SIZE=4][COLOR=#000080][SIGPIC][/SIGPIC][/COLOR][/SIZE][/CENTER]

        Comment

        • #5
          لا والله يا هيثم مانورتش
          الطبيعي بتاعها
          قبل الدوارة وبعد كدة تمام
          الشحن شغال بس ضعيف مابيكفيش البطارية
          [SIGPIC][/SIGPIC]
          (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

          Comment

          • #6
            طيب انا عندى شحن الدينامو مع الاحمال بيكون 12.6 و سالت اكتر من كهربائى فيه ناس قالت ان حلها ان الدينامو يتغير و انه ما ينفعش يتصلح و ناس قالت ما دام لمبه البطارية ما بتنورش و ما فيش مشاكل يبقى ما تعملش حاجه !!!!!!!!

            Comment

            • #7
              المشاركة الأصلية كتبت بواسطة ahmedamin84 مشاهدة المشاركة
              طيب انا عندى شحن الدينامو مع الاحمال بيكون 12.6 و سالت اكتر من كهربائى فيه ناس قالت ان حلها ان الدينامو يتغير و انه ما ينفعش يتصلح و ناس قالت ما دام لمبه البطارية ما بتنورش و ما فيش مشاكل يبقى ما تعملش حاجه !!!!!!!!
              طيب انت عندك مشكلة يعني البطارية بتنام ولا لا
              [SIGPIC][/SIGPIC]
              (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

              Comment

              • #8
                البطارية مش بتنام و كان فيه كهربائى قالى ان البطارية اللي عندى كبيرة عشان كده الشحن بيظهر قليل ﻻن الدينامو بيشحن و يفصل

                Comment

                • #9
                  انا عندي بقي اللمبة اوقات بتاعت البطارية بتنور نور ضعيف قوي بس لما اكون مشيت كتير بالعربية اخر اليوم وانا ماشي الاقيها مسرية حاجة بسيطة وفي حاجة كمان بتدايقني قوي

                  مثلا نور التابلوه اجي ادي اشارة ولا انور نور الصالون الاقي النور ضعف

                  شحنت البطارية من فترة بس مش عارف الكهربائي قالي الدنمو عاوز شربون

                  Comment

                  • #10
                    انا بردو مش فاهم انت عملت ايه انا كمان عندي نفس المشكله وبيقولو دينمو ودا بيبان مع التكييف الشحن بيقل والعربيه بتبقي تقيله والفرامل بتنشف تحت رجلي مع التكييف

                    Comment

                    • #11
                      طب انا عندى نفس المشكله ان الشحن 12.90 والنور العالى شغال والعربيه بتغيب فى الدوارة وسعات بتدور زق والبطاريه منورة اخضر وسعات لمبه البطاريه اللى فى التابلوة بتنور ضعييييييف اوى ولما ازود بنزين تطفى .... اعمل ايه

                      متقولنا الكهرربائى دة فين ياباشا يظبطلى الدنيا

                      Comment

                      • #12
                        المشاركة الأصلية كتبت بواسطة ahmedamin84 مشاهدة المشاركة
                        البطارية مش بتنام و كان فيه كهربائى قالى ان البطارية اللي عندى كبيرة عشان كده الشحن بيظهر قليل ﻻن الدينامو بيشحن و يفصل
                        بطارية اية الي كبيرة يا باشا الدينمو عندنا 100 امبير
                        ياتروح لكهربائي يقيس شحن الدينمو يا تشتري اوفوميتر

                        المشاركة الأصلية كتبت بواسطة mohamed-adly مشاهدة المشاركة
                        انا عندي بقي اللمبة اوقات بتاعت البطارية بتنور نور ضعيف قوي بس لما اكون مشيت كتير بالعربية اخر اليوم وانا ماشي الاقيها مسرية حاجة بسيطة وفي حاجة كمان بتدايقني قوي

                        مثلا نور التابلوه اجي ادي اشارة ولا انور نور الصالون الاقي النور ضعف

                        شحنت البطارية من فترة بس مش عارف الكهربائي قالي الدنمو عاوز شربون
                        موضوع النور يضعف في اغلب الاوبل
                        وياريت تكشف علي شحن الدينامو

                        المشاركة الأصلية كتبت بواسطة medo111 مشاهدة المشاركة
                        انا بردو مش فاهم انت عملت ايه انا كمان عندي نفس المشكله وبيقولو دينمو ودا بيبان مع التكييف الشحن بيقل والعربيه بتبقي تقيله والفرامل بتنشف تحت رجلي مع التكييف
                        رجاء راجع الموضوع بعناية
                        [SIGPIC][/SIGPIC]
                        (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

                        Comment

                        • #13
                          المشاركة الأصلية كتبت بواسطة ahmed adel 23 مشاهدة المشاركة
                          طب انا عندى نفس المشكله ان الشحن 12.90 والنور العالى شغال والعربيه بتغيب فى الدوارة وسعات بتدور زق والبطاريه منورة اخضر وسعات لمبه البطاريه اللى فى التابلوة بتنور ضعييييييف اوى ولما ازود بنزين تطفى .... اعمل ايه

                          متقولنا الكهرربائى دة فين ياباشا يظبطلى الدنيا
                          تنور يا باشا في الاسكندرية
                          لو انت في حلوان انزل صقر عند ناجي الكهربائي اوبل فقط
                          انا واثق في جدااااا
                          [SIGPIC][/SIGPIC]
                          (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

                          Comment

                          • #14
                            موضوع اكثر من رائع
                            تسلم الايادي يا كبير البلد
                            [CENTER][SIGPIC][/SIGPIC]Opel Vectra 2001
                            [/CENTER]

                            Comment

                            • #15
                              المشاركة الأصلية كتبت بواسطة mr rami مشاهدة المشاركة
                              موضوع اكثر من رائع
                              تسلم الايادي يا كبير البلد
                              الله يباركلك يا رامي
                              فرج الله كربكم
                              [SIGPIC][/SIGPIC]
                              (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

                              Comment

                              السابق 1 2 template التالي
                              Working...
                              X