خلي فوانيس عربية بتبرق وتلمع ب 9 ج فقط بالفديو حصريا

[caeser]

طبعا كلنا بيبقي عندنا الفوانيس غامقة وبالتالي بتاثر كتير علي قوة الاضاءة بتاعت العربية وخصوصا لو انت بتسافر كتير بليل بتبقي خطر جدا لو الاضاءة سيئة

حتي لو جايب لمبات عالية الجودة والفوانيس غامقة يبقي انت رميت فلوسك في الارض

الطريقة بقة

1- انبوبة معجوون سنان اى نوع ب 6 ج صغيرة

2- ها تجيب ليفة صغيرة من بتاعت غسيل الكوبايات والاطباق 1 ج ها تجيب انت عدد 2 ليفة يبقي التكلفة 2 ج


3- ها تجيب ب 1 ج قماشة عادية خالص فوظة يعني عادية بتتباع فى كل حتة
4- ازازة مية من الحنفية عادية جدا


ها تحط المعجون عغلي الفانوس الاول اختار انت اى واحد براحتك خالص
وبعد كدة باليفة وتدعك باليفة كتير لمدة 10 دقيقة
وبعد كد بالفوطة وتمسح المعجون وتحط نقطة مية علي الفوطة وتمسح واتفرج بقة علي شكل الفانوس

ودة الفديو

‫اسهل طريقة لتلميع انوار السيارة | مضمونه‬‎ - YouTube

[monamize4]

فعلا بشوف ناس بيعملوها و مش عارف ايه الفكرة ف معجون السنان ؟!!!!!

[hesham fawzy h]

تشكر يا باشا

[wella3330]

شكرا علي مجهودك

[aymanshebl]

شكرا

[Sherif Khalifa]

معجون السنان فى مواد صنفرة بتوكون ناعمة جدا
اعتقد هتكون نفس تأثير البوليش

[hhhhhm]

شكرا جزيلا على المعلومه

تمت التجربه للوهله الأولى النتيجه هايله (قبل ما تنشف الميه ) ولكن بعد الميه ما بتنشف الفانوس بيجير

أحسن من الأول أه لكن الفرق مش كبير

حاليا غسلت الفانوس بفوطة ميه أكتر من 7 مرات وفى أنتظار النتيجه

[hhhhhm]

أفضل من الأول شويه لكن الفرق مش كبير

[aymanshebl]

يا جماعة انتوا ناسين حاجة مهمة ان معجون الاسنان عندنا او اى حاجة بتبقى اقل فى المفعول من بره و اغلى كمان يعنى هنا ممكن تاخد دوا بدل ما يعالجك يموتك هههههههه ده غير انه فى الفيديو بعد الغسيل عمل تشميع للفانوس علشان يلمع و يحافظ عليه