بخلص فى اوبل فيكترا كنت عاوز ارائكم

[mostafamoner]

السلام عليكم ورحمة الله وبركاته

انا قدامى عربية اوبل فيكترا 99 مانويل 1600 سىسى رشة برة ماعدا السقف فابريكة دواخل حالتها العامة كويسة ولسه هتاكد من الماتور والعفشة مطلوب فيها 45000
وممكن اخلص على 43000 كدة السعر كويس ولا عالى ياريت الافادة وياريت برضه لو فى نصايح من الاخوة الاعضاء ابص على ايه واتاكد من ايه فيها وكنت عاوز اعرف هى ممكن تشتغل بنزين 80 ولا لا واخبار استهلاك البنزين بتاعها ايه وقطع الغيار والسفر بيها
وجزاكم الله خيرا

[ناسى الناس]

بالتوفيق ويارب الاعضاء يفيدوك

[Ahmed adel 23]

السعر لو الحاله كويسه والتكيف شغال تمام اعتقد السعر يبقى كويس
واستهلاك البنزين 92 المتوسط اعتقد داخل المدينه 180 كيلو للصفيحه )20 لتر (
وبرضو استنى عمالقه المنتدى تفيدك لانى معلوماتى ضعيفه شويه

[o0Hanafi0o]

السعر ممتاز لو الحاله كويسه والكاوتش مش ماشى كتير وركز فى الحاجات الى لو اخدت العربيه فيها مشكله هتكلفك كتير يعنى الكاوتش العفشه طقم الدبرياج ( اخوج لسا مغيره ومتعور فى مبلغ حلو بس مركب المانى ) وشوف لو التكييف شغال والراجل مسك فى 45 اتوكل على الله ولو التكييف مش شغال وحاله العربيه كويسه بردو اتوكل على الله اهم حاجه الموتور والعفشه وصرفك على العربيه انت وربنا يوفقك فى حاجه كويسه ان شاء الله ومتشغلش بالك بموضوع فبريكه ومش فبريكه

[o0Hanafi0o]

بس انا شاكك ان حالتها كويسه على السعر داه لان العربيه ديه والموديل داه بالذات المانويل فيه اعطاله قليله والمانوال فيه اغلى من الاوتوماتيك والى بيعرضها بيعرض من اول 48 وانت طالع فاكشف كويس على كل حاجه الله يباركلك واعمل حساب كل مليم هتصرفه ؟؟

[eng wael]

ابعد عن المستعمل لانعدام الضمير والذمم فى البيع ده من واقع تجارب ناس بنسمع عنها كل يوم فى المنتدى علشان متجيش بعد شرا السيارة تكتشف ان فيها مشكله وصاحبها مقلقش عليها
دى وجهه نظر وراى شخصى واستخير

[Ahmed_lol2007]

التكييف ثم التكييف ثم التكييف اتاكد انه شغال تمام

[mostafamoner]

بالتوفيق ويارب الاعضاء يفيدوك

يارب ياباشا وشكرا لردك واهتمامك

[mostafamoner]

السعر لو الحاله كويسه والتكيف شغال تمام اعتقد السعر يبقى كويس
واستهلاك البنزين 92 المتوسط اعتقد داخل المدينه 180 كيلو للصفيحه )20 لتر (
وبرضو استنى عمالقه المنتدى تفيدك لانى معلوماتى ضعيفه شويه

هى طلعت موديل 98 ياباشا هل هتفرق فى حاجة ولا نفس النظام بالظبط وجزاك الله كل خير

[mostafamoner]

السعر ممتاز لو الحاله كويسه والكاوتش مش ماشى كتير وركز فى الحاجات الى لو اخدت العربيه فيها مشكله هتكلفك كتير يعنى الكاوتش العفشه طقم الدبرياج ( اخوج لسا مغيره ومتعور فى مبلغ حلو بس مركب المانى ) وشوف لو التكييف شغال والراجل مسك فى 45 اتوكل على الله ولو التكييف مش شغال وحاله العربيه كويسه بردو اتوكل على الله اهم حاجه الموتور والعفشه وصرفك على العربيه انت وربنا يوفقك فى حاجه كويسه ان شاء الله ومتشغلش بالك بموضوع فبريكه ومش فبريكه

هى طلعت موديل 98 كدة برضه السعر كويس ياباشا انا فهمت ياباشا من كلامك انك معاك اوبل كنت عاوز قطع غيارها متوفرة ولا صعب وربنا يياركلك فيها ويكفيك شرها وربنا يسهل فى موضوع الكشف عليها دة لانى لسه مش عارف خبرتى قليلة فى العربيات
على العموم جزاك الله كل خير وشكرا لردك واهتمامك

[mostafamoner]

ابعد عن المستعمل لانعدام الضمير والذمم فى البيع ده من واقع تجارب ناس بنسمع عنها كل يوم فى المنتدى علشان متجيش بعد شرا السيارة تكتشف ان فيها مشكله وصاحبها مقلقش عليها
دى وجهه نظر وراى شخصى واستخير

المضطر يركب الصعب المبلغ اللى معايا دلوقتى يادوب يجيلى حاجة على القد مستعمله وربنا يسترها مع الجميع

[mostafamoner]

التكييف ثم التكييف ثم التكييف اتاكد انه شغال تمام

ان شاء الله ياباشا هتاكد وربنا يسترها وجزاك الله كل خير على ردك واهتمامك

[o0Hanafi0o]

بص الاول قطع غيارها متوفره ومش غاليه وليها بدائل فى حاجات كتيييير اتوكل على الله بس زى ما قولتلك الحاله ثم الحاله ثم الحاله شاسيه وموتور واسياسيات عموما غير كده قدر هيتكلف كام واحسب حسبتك واتوكل على الله

[Dr.Juve]

كان معايا نفس العربية. ... لمدة 3 سنين و كنت بصراحة بحطلها 80 بس كنت مواظب على تغيير الفلاتر و التانك و تنظيف الرشاشات. .... و ما كنتشي بتقطع و لا سحبها ضعيف و لا أي حاجة. .... بس بعد ماغيرت لايكوتيك طبعا بحط 92 بنزين ك

[جوكر المصرى]

تاكد

السلام عليكم ورحمة الله وبركاته

انا قدامى عربية اوبل فيكترا 99 مانويل 1600 سىسى رشة برة ماعدا السقف فابريكة دواخل حالتها العامة كويسة ولسه هتاكد من الماتور والعفشة مطلوب فيها 45000
وممكن اخلص على 43000 كدة السعر كويس ولا عالى ياريت الافادة وياريت برضه لو فى نصايح من الاخوة الاعضاء ابص على ايه واتاكد من ايه فيها وكنت عاوز اعرف هى ممكن تشتغل بنزين 80 ولا لا واخبار استهلاك البنزين بتاعها ايه وقطع الغيار والسفر بيها
وجزاكم الله خيرا

بص يا باشا ميدئيا بص على الاساسيات رى حاله الصاج والموتور والعفشه لوتمام توكل انما افتكر شوف الكماليات شغاله ولا لا ( abs- الايرباج - شاشه الاعطال - التكيف ) بالنسيه لقطع الغيار موجود من الصينى للالمانى جديد - استراد