موضوع هام .. العربية نش بتحب كويس .. اوبل استرا 1600 موديل 2005 برازيلي

[hady.aly]

السلام عليكم

دلوقتي انا معايا اوبل استرا 2005 برازيلي .. العربية في بعض الاحيان بتبقي مخنوقة اوي و ال rpm مبيعلاش عن 3 و لازم اكبس بنزين عشان تسحب و بتحب ببطء اوي و الrpm حتي لو بقي عالي العربية برضه مش بتسحب .. انا لسة مغير موبينة عشان العربية كانت بتقطع و انا ماشي، المهم دلوقتي من خلال قرائتي للمواضيع لقيت في ناس بتقول حساس كاما .. فهل دا فعلا حساس كاما ولا ايه بالظبط ؟!

شكرا

[haisam ali]

السلام عليكم

دلوقتي انا معايا اوبل استرا 2005 برازيلي .. العربية في بعض الاحيان بتبقي مخنوقة اوي و ال rpm مبيعلاش عن 3 و لازم اكبس بنزين عشان تسحب و بتحب ببطء اوي و الrpm حتي لو بقي عالي العربية برضه مش بتسحب .. انا لسة مغير موبينة عشان العربية كانت بتقطع و انا ماشي، المهم دلوقتي من خلال قرائتي للمواضيع لقيت في ناس بتقول حساس كاما .. فهل دا فعلا حساس كاما ولا ايه بالظبط ؟!

شكرا

كالعاده ياستاذ هادى هطلب من حضرتك توضح :-
١- العربيه عامله كام كيلو بالظبط دلوقت وآخر مره حضرتك عملتلها صيانه كان امتى وعلى كام كيلو بالتقريب ..
٢- البنزين المستخدم حاليا ..
٣-ايه بالظبط اللى غيرته فى الصيانه .. وبالذات طقم الكتينه والبلى بتاعه ... وبتعمل صيانتك عند حد فهمان اوبل ولا ؟؟؟
٤- اخر مره نظفت البوابه امتى ونظفتها اذاى ..
٥- فتيسك أخباره ايه ياريس ...

أسف جدا للاطاله لكن المعلومات دى هتفيدنا اوى فى تحديد الدنيا فيها ايه ...

[hady.aly]

بص يا باشا العربية ماشية 107600 الف و الصيانة اتعملت عال 105 الف و غيرت زيت و فلتر هوا و بوجيهات و العربية دخلت عامرة غيرت موبينة و وش سيليندر و صبابات و جوانات و شداد سير دينامو و ترس كرنك و سير كاتينة، البوابة انا مجتش جنبها قبل كدة بصراح، البنزين 92

[haisam ali]

العيب ده طلع بعد العمره وتغيير سير الكتينه عالطول ؟؟؟؟

[hady.aly]

لا العيب دا قبل ما ابدأ أعمل فيها حاجة، حتي غيرت فيلتر بنزين و غيرت فيلتر هوا قلت يمكن العيب فيهم

[ashourashour]

ممكن حساس كامه ممكن كنترول

شوفلنا مسجله اكواد اه بالظبط ونساعدك ان شاء الله

[hady.aly]

هي مسمعة حساس egr و كاما و موبيليزر

[ashourashour]

هي مسمعة حساس egr و كاما و موبيليزر

1% حساس كامه وegr فيهم مشكله في وقت واحد


99% كنترول موتور لان الكنترول بيتعامل مع الكامه وال egr بطريقه مشتركه والمشترك ده بيفصل من الكنترول ودا عيب شايع جدا

الي بيكشف بالجهاز لو بيفهم هيعرف بسهوله

لو كنترول انصحك تغيره ووجع ساعه ولا كل ساعه

[Astra Lover]

hady باشا بعد اذنك ايه كانت اعراض تلف الموبينة معاك وغيرتها بكام ومنين؟ عشان ان شاكك فى الموبينة عندى بتودع.

[hady.aly]

استاذ احمد عاشور، متعرفش الكنترول بيعملوا كام برة التوكيل ؟!

Astra lover: بص يا ريس، انت بتلاقي العربية صوتها عالي و تسحب براحة و العربية بتقطع معاك كأن في حاجة مسدودة و العربية بتعافر، احسن نوع للموبينة هو دلفي بيعملوا 900 جنيه

[Astra Lover]

Astra lover: بص يا ريس، انت بتلاقي العربية صوتها عالي و تسحب براحة و العربية بتقطع معاك كأن في حاجة مسدودة و العربية بتعافر، احسن نوع للموبينة هو دلفي بيعملوا 900 جنيه[/QUOTE]

انا الى بيحصل معايا العربية تنتش ومش قابلة تزيد تسارع وبيكون RPM عند 2000 وسعات بيبان النتش ده وانا على السلانسية والعربية تكون سخنة وبيبان النتش ده كمان من صوت الجكمان بلاقيه صوته مش منتظم صوت تنتيش.

اخر حاجة انا طولت عليك جبتها منين بلظبط انا بلدياتك اسكندرانى, انا سالت عليها فى التوكيل ب 1300 وهل جربت تسال عليها استعمال؟ اصل خايف اغيرها ميطلعش العيب منها خصوصا ان روحت بيها لاتنين بس العيب مظهرش ادمهم بس بيقولو احتمال موبينة.
وشكرا ياباشا على اهتمامك