للنقاش والاستفادة:عمل فتحة سقف لفيكترا b

[Ahmed_Gad]

السلام عليكم
لو سمحتم انا داخل ان شاء الله في دماغي اني اظبط العربية قريب سمكرة وبوية هي مافيهاش شغل كتير بس كنت بفكر اعمل فتحة سقف وكنت قريت موضوع مشابه لكدا وكان رد استاذ فادي ان الافضل تغيير سقف بسقف اخر به فتحة ...انا انرشاء الله ناوي اعمل كدا فايه رأيكم اعمل فتحة في سقفي ولا سقف كامل بفتحته ؟ ولو سقف كامل اجيبه منين ويعمل كام ؟ وهل بورسعيد ارخص فعلا من اسكندرية في قطع غيار الاستيراد يعني تستاهل اسافر؟
انا كنت عاوز اكصدامين ومرايات طوي كهربا وعتب فبر وشبكة والسقف ياريت لو حد يعرف الاسعر هنا او بورسعيد
وشكرا

[midozx]

عندك موضوع متثبت فيه اسماء الناس بتاعت بورسعيد اتصل بيهم وخد الاسعار
بس نصيحة اسعار الموبايل حاجة واسعار التاجر وانتا واقف معاها حاجة تانية

[J A G U A R]

رأيي بلاش تعمل فتحه سقف علشان عمرها مش هاتكون زى الفابريكا وممكن يحصل معاك صدا

ممكن اعرف ازاى تشترى سقف كامل وتركبه او تشترى سقف بسقف اخر ..

[ashourashour]

مش هتعرف تبيع العربيه

[mr.moustafa]

اعتقد تغيير السقف هيأثر في سعر اعادة البيع

[Ahmed abdkarim]

تغيير السقف حيأثر جدا فى سعر العربية عند البيع

[ULTRA]

ناس كتير لما تشوف فتحة السقف هتفهم ان العربية مقلوبة

[Ahmed_Gad]

الله يباركلكم يا اخوانيزواحبتي بس للتوضيح انا النهاردة كنت عند السمكري وهو فهمني هنعمل ايه الموضوع ببساطة اننا هنجيب سقف بفتحة كهربا كامل بالفرش الداخلي وهنقص منه بس القشرة يعني هناخد السقف من غير قوايم وهنشيل عندي القشرة بردو من غير قوايم والفك سهل لان هو شال الكاوتش وفرجني السقف عندنا راكب بنظام بنط او زي ما بيسموها زنب فمش هنرش قوايم هنرش السقف بس يعني اللي بيقول قالبة لما هيلاقي القوايم فابريكة يبقي مالوش حجة وبالنسبة للفتحة في اخ معانا في المنتدي معاه بروتون جين تو وموديل حديث جدا زيرو وبالرغم ان مافيش منها اصلا بفتحة الا اه جاب فتحة لانوس وراح عملها في مركز نايل موتورز عن الاستاذ كريم منير وطالعة زي الفل...وبالنسبة للصدأ انا عشان كدا مش هفتح سقفي لانه مش هيظبط زي الفابريكة فانا هجيب سقف فابريكة بفتحة عشان تبقي راكبة صح ولها صرف للمياه وكل حاجة...انا بطلب من حضراتكم بس لو حد من بورسعيد يسألنا عالحاجة ويقولنا وان شاء الله لما ابدأ اشتغل هوافيكم بتقرير شامل وان شاء الله اطلعها عربية مالهاش اخت

[جوكر المصرى]

الله يباركلكم يا اخوانيزواحبتي بس للتوضيح انا النهاردة كنت عند السمكري وهو فهمني هنعمل ايه الموضوع ببساطة اننا هنجيب سقف بفتحة كهربا كامل بالفرش الداخلي وهنقص منه بس القشرة يعني هناخد السقف من غير قوايم وهنشيل عندي القشرة بردو من غير قوايم والفك سهل لان هو شال الكاوتش وفرجني السقف عندنا راكب بنظام بنط او زي ما بيسموها زنب فمش هنرش قوايم هنرش السقف بس يعني اللي بيقول قالبة لما هيلاقي القوايم فابريكة يبقي مالوش حجة وبالنسبة للفتحة في اخ معانا في المنتدي معاه بروتون جين تو وموديل حديث جدا زيرو وبالرغم ان مافيش منها اصلا بفتحة الا اه جاب فتحة لانوس وراح عملها في مركز نايل موتورز عن الاستاذ كريم منير وطالعة زي الفل...وبالنسبة للصدأ انا عشان كدا مش هفتح سقفي لانه مش هيظبط زي الفابريكة فانا هجيب سقف فابريكة بفتحة عشان تبقي راكبة صح ولها صرف للمياه وكل حاجة...انا بطلب من حضراتكم بس لو حد من بورسعيد يسألنا عالحاجة ويقولنا وان شاء الله لما ابدأ اشتغل هوافيكم بتقرير شامل وان شاء الله اطلعها عربية مالهاش اخت

كلام تمام السمكرى عنده حق تركب القشره مع الفتحه مش هتتعرف وهتحس انها فابريكه بس ف الغالب محدش هيديك القشره بس السقف كامل ممكمن بعمل 2000

[Ahmed.Essam]

هي مجازفة بس لو مصمم تعملها اعمل فتحة السقف تتفتح ببكرة مش كهربا لانها هتبوظ منك
ده غير ان فتحة السقف طريقة فتحها مش هتبقى زي الفبريكة لانها هتتفتح لبرة زي العربيات الكوبيه وهتقلل من تمن العربية ساعة البيع لانك هتقع في الصاج طبعا

[فادى محمد]

ربنا يوفقك..
زي مافهمت انك هتشتري سقف فيكترا ( قشره السقف فقط) بشباك السقف والموتور...
كده تمام, السمكري هيفك البنط القديمه ويركب السقف الجديد ويبنطه .نصيحتي لك..
- ماتشتريش من غير السمكري اللي هيركب علشان لو السقف مفتول (عذرا لو اللفظ
مش مفهوم) يعني ملووح نتيجه الشحن ..مش هيركب !!
- خد حاجتك كلها من مكان واحد , كله سهل ماعدا زرار تحريك السقف , قليل قوي .
-بلاش بورسعيد , الصاج اكتر في الحرفيين زي العايدي وغيره..
صور كل مرحله ومستنييين التقرير وربنا يوفقك

[Ahmed_Gad]

ربنا يوفقك..
زي مافهمت انك هتشتري سقف فيكترا ( قشره السقف فقط) بشباك السقف والموتور...
كده تمام, السمكري هيفك البنط القديمه ويركب السقف الجديد ويبنطه .نصيحتي لك..
- ماتشتريش من غير السمكري اللي هيركب علشان لو السقف مفتول (عذرا لو اللفظ
مش مفهوم) يعني ملووح نتيجه الشحن ..مش هيركب !!
- خد حاجتك كلها من مكان واحد , كله سهل ماعدا زرار تحريك السقف , قليل قوي .
-بلاش بورسعيد , الصاج اكتر في الحرفيين زي العايدي وغيره..
صور كل مرحله ومستنييين التقرير وربنا يوفقك

الف شكر فادي باشا احنا بنتعلم منك حاجات كتير حلوة ربنا يجازيك عنا خير وان شاء الله اوافيكم بتقرير حلو بس ابدأ
بس انا مش فاهم حضرتك بتقول الزرار قليل طب ماهو انا هجيب سقف كامل بكل حاجته بفرشه الداخلي هل مش هببقي معاه الزرار؟

[Ahmed_Gad]

ياجماعه في ناس من اخوانا وحبايبنا دخلوا ردوا من غير ما يقروا الموضوع كويس انا مش هفتح في سقف عربيتي واعمل فتحة بلدي تفصيل يعني ....يعني مش هتفتح زي الكوبيه وكمان دي هتبقي فابريكا فعلا مش زي الفابريكا لاني هجيب نفس سقف العربية بي بفتحة فابريكا وهجيبه كامل بكل مشتملاته وهقص القشرة اخدها من غير قوايم وبس هي دي الفكرة وان شاء الله لما ابدأ هافيكم بتقرير يومي لكل خطوة بس ياريت حد يعمل فيا ثواب ويديني نبذة عن الاسعار

[فادى محمد]

الف شكر فادي باشا احنا بنتعلم منك حاجات كتير حلوة ربنا يجازيك عنا خير وان شاء الله اوافيكم بتقرير حلو بس ابدأ
بس انا مش فاهم حضرتك بتقول الزرار قليل طب ماهو انا هجيب سقف كامل بكل حاجته بفرشه الداخلي هل مش هببقي معاه الزرار؟

التاجر ممكن يبيع اي حاجه لوحدها . وده قانونه في البيع..
اول حاجه بتتباع من منظومه السقف , زرار التحكم والمجري واحيانا شباك السقف
علشان كده بقولك اشتري حاجتك كامله من مكان واحد . او لو ناقص حاجه عربن وماتخلصش فلوسه
لغايه ماتلف وتكمل حاجتك او تخليه يتصرف ( تليفوناته او جيرانه) ويكمل لك حاجتك , تحياتي

[Dr.Juve]

مستني تقريرك النهائي علشان أنا فكرت في الموضوع ده. ....... بالنسبة لبورسعيد. .. أنا سألت قبل كده على أسعار حاجات كتير و كانت الأسعار صادمة بالنسبة لي. .. تقريبا زي بقيت مصر. .. مش عارف ده فعلا و لا نصب