انا كاتب الموضوع ده في ثلاث اماكن وعايز حد يرد عليا

[abohazm]

بعد التحية
زهقت انا معايا عربية سايبا برايد 2009 كنت شاريها زيرو و عربية على قد سعرها زى الفل و عمرها ما خذلتنى بس صغيرة و مافيش تكنولوجيا المهم قررت ابيع و عايز اشترى عربية كبيرة تكنولوجيا و ثبات و مريحه المهم انا بعد لف محتار بين 3 عربيات و هم
اوبل استرا 2006
ميجان 2 2006 او 2007
اميجراند (2013)
مع العلم ان شغلى فى السادات يعنى 240 كم فى اليوم رايح 120 و زيهم راجع و على سرعه
الفلوس التلاته فى حدود 70000 اعمل اي
المشاكل الميجان قطع الغيار و خايف اتخم و البس في عربيه طالع عينها
الاسترا نفس الكلام بتاع الميجان بخلاف انها اقل واحدة من حيث حلاوة الشكل
الاميجراند 2013 و اسمع مشكلة صدا و التوكيل غبور زباله كله بيشترى بس بيقعد رايح جاى على الضمان شويه لحد ما تظبط و الاميجراند مع واحد صاحبى و هو اللى عايز يبعها
اعمل اية حد يرد و يريحني

[hilal]

ليه ما تفكرش في الفيرنا؟

[haisam ali]

طلع الميجان من الاختيار الا لو :- هتجيب عربيه مع صاحبها من الزيرو وصيانه توكيل ويسلمهالك فى التوكيل وانت تحافظ عليها جدا جدا جدا جدا جدا جدا جدا جدا ... ايه رأيك فى كميه جدا دى ؟؟؟ اصل انا كان معايا ميجان وعارفها الحمد لله عمرها مازعلتنى خالص لكن كنت بشوف كل اللى معاهم ميجان حواليا بيتعذبوا قد ايه

[ah-elgendy]

بص يامعلم العربيات القديمه غالبا هتلاقى فيها حاجه لو عاوز مستعمل هات موديل حديث مش اقل من 2010 كيلو متر قليل استعمال نظيف
بالنسبه لاختياراتك انا شخصيا مش بحب الصينى
ميجان اسمع عنها كلام مش لذيذ والله اعلم لانى مجربتهاش
اما الاسترا لما تكون موديل 2006 او 2007 اعتقد ان فيكترا 2003 احسن منها واهو توفر مش اقل من 20 او 25 الف لانها عربيه مش بياعه
وفى حل تانى تتدفع الفلوس ديه فى عربيه لوجان الشكل الجديد لو مش فارق معاك انها مانيول وتقسط الباقى