ممكن من خبراء الـopel باختصار عيوبها من 97 ل2002 اوتو او مانوال

[Nfs Rivals]

ممكن من خبراء الـopel باختصار عيوبها من 97 ل2002 اوتو او مانوال

منتظر الرد علي باهتمام

[sherif_m72]

انا مش قد الخبرا بتوعنا فى القسم بس اتشرف انى ارد بما انى عاشق للماركه
هو فى 4 حالات للاوبل فى مصر
1 - حاله الزيرو
2 - حاله حلوه
3 - حاله متوسطه
4 - حاله سيئه
فى الحاله 1 & 2 تعتبر العيوب معدومه او نادره وكله على حسب الصيانه وطريقه المعامله مع العربيه
فى الحاله 3 &4 هما دول اللى مشوهين صورة الاوبل فى مصر لانه يا اما المالك مهمل او بخيل او مش فاهم او بيتعامل مع اللى مش عارفين
انما لو العربيه كانت صياننات باستمرار وقطع غيار محترمه ومن غير عك فى الكهربا ( كبارى ولحامات) فتاكد انها هتكون من غير عيوب نهاااااااااائى الا لما العمر الافتراضى بتاع قطعة الغيار ينتهى
تعالى بقه للعيوب الموجوده فى مصر فى الحالتين 3&4
عندك موتورين واحد منصور الاسود كامه واحده 1600 و2000
وعندك ايكوتيك 1600 و 2000
بتاع منصور مميزاته انه سهل جد جدا فى الصيانه ويعتبر قليل الاعطال
عيبه انه ملوش قطع غيار استيراد والجديد مش مضمون مصدره + وضعيييييف جدا على العربيه 1600
الايكوتيك مميزاته انه قوى جدا وبيحسسك ان مفيش حد فى الطرق قدك مهما كان راكب ايه وموفر فى استهلاك البنزين نسبيا وقطع غياره ماليه السوق استيراد وبرضه مش مضمونه مصدرها جديد
عيوبه انه صعب شويه على بعض الصنايعيه تحديد عيوبه انما لو حد فاهمه هيبقى سهل عليه
نسيت اقولك ان اغلب العيوب اللى الناس بتقول انها منتشره فى الاوبل بتبقى فى الاصل سوء استخدام او معامله او قلة فهم
يارب اكون افدت ولا اكون شوهت

[broadband]

شكرأ على المعلومات ده و انا بأفكر اشترى اوبل فيكترا بس b2 فوق 2001
بس ياترى حالاقى 1600 ايكوتيك والا صعب و حالتها ممتازة؟؟؟