اساله عن الاسترا الجديده

[Ahmed.Antar]

السلام عليكم ..
الايام الي فاتت شدتني جدا شكل الاسترا الجديده وبالفعل ركبتها مع صديق لي وانبهرت جدا بالتطور في التصميم الي الاوبل بدات تظهر خصوصا في الاسترا والانسيجنا .. والتفكير بدا يشدني اني اخد خطوه واغير عربيتي السيراتو واجيب استرا
معلش انا عاوز استفسرات من ملاك الاسترا وخصوصا الكوزمو !! انا امتلك سيراتو هاي لاين بصمه وصن رووف وتكييف تاتش وجنط 17 .. والحمد لله العربيه فيها ثبات لفوق ال 180 كم وسبها رائع جدا جدا وتكييف جيدا برضه لكن العيب الوحيد المقرف في نظري هي الهبده بتاع الجنط ال 17
طبعا الاسترا انا عرفت انها 17 هل الموضوع ده موجود فيها .. والعفشه هل هي مالتي ولا نورشن بيم والماتور سحبه ايه والتكييف الي غالبيه الناس بتشكي منه في الماني اخباره ايه ..
وال running cost بتاعها اخباره ايه ؟؟ واستهلاك البنزين في الطرق المفتوحه والضيقه مع التكييف ومن غيره ؟؟ وقطع الغيار وال resale بتاعها اخباره ايه ؟؟ مع العلم اني بغير العربيه كل سنين بمعني انها مش عربيه عمر وكده ..

اسف ان كنت بطول عليكم بس ثقتي في الشباب هي الي بتشجعني اني اسال باستفاضه . ولكم جزيل الشكر مسبقا

[cosmo]

السلام عليكم ..
الايام الي فاتت شدتني جدا شكل الاسترا الجديده وبالفعل ركبتها مع صديق لي وانبهرت جدا بالتطور في التصميم الي الاوبل بدات تظهر خصوصا في الاسترا والانسيجنا .. والتفكير بدا يشدني اني اخد خطوه واغير عربيتي السيراتو واجيب استرا
معلش انا عاوز استفسرات من ملاك الاسترا وخصوصا الكوزمو !! انا امتلك سيراتو هاي لاين بصمه وصن رووف وتكييف تاتش وجنط 17 .. والحمد لله العربيه فيها ثبات لفوق ال 180 كم وسبها رائع جدا جدا وتكييف جيدا برضه لكن العيب الوحيد المقرف في نظري هي الهبده بتاع الجنط ال 17
طبعا الاسترا انا عرفت انها 17 هل الموضوع ده موجود فيها
مفيش تهبيد
.. والعفشه هل هي مالتي ولا نورشن بيم
هو نظام اسمه watt's link بس تقدر تقول تورشن
والماتور سحبه ايه
سحبه مرضى تقريبا من 0 الى 100 فى 12 ثانية
والتكييف الي غالبيه الناس بتشكي منه في الماني اخباره ايه ..
التكيف جيد
وال running cost بتاعها اخباره ايه ؟؟
معظمها جيد بس صيانة ال50 الف تقريبا ب5000 جنية علشان بتتغير فيها طرمبة المياه واستهلاك البنزين في الطرق المفتوحه والضيقه مع التكييف ومن غيره ؟؟
الاستهلاك جيد او زيادة شويه
وقطع الغيار وال resale بتاعها اخباره ايه ؟؟
قطع الغيار سعرها زى فئتها واعادة البيع مش وحشة
مع العلم اني بغير العربيه كل سنين بمعني انها مش عربيه عمر وكده ..
معرفش بس يتهيالى مش هتقع اوى والله اعلم
اسف ان كنت بطول عليكم بس ثقتي في الشباب هي الي بتشجعني اني اسال باستفاضه . ولكم جزيل الشكر مسبقا

بس للاسف معظم ملاك العربية مركزين على الفيس بوك ممكن تسالهم برضو على الجروب

[Ahmed.Antar]

الف شكرا لرجاله الاوبل .. الحمد لله انتم خلتوني اغير راي لان واضح انها ملهاش سوق ولا في حد عارف عنها حاجه

[K.Ossama]

انت قفشت بسرعة كدة ليه بس......؟
هو حد لحق......
بص على موضوع الرابطة وحتلاقى إجابات اكثر من اللى حضرتك سألته ;-)
تحياتى

[K.Ossama]

الرابط اهو علشان نسيت اكتبه

http://www.nilemotors.net/Nile/338067-j.html

[cosmo]

الف شكرا لرجاله الاوبل .. الحمد لله انتم خلتوني اغير راي لان واضح انها ملهاش سوق ولا في حد عارف عنها حاجه

ايه اللى مش عجبك فى ردى لامؤاخذه
انا اساسا قايلك معظم الملاك هتلقيهم على الرابطة فى الفيس بوك مش هنا

[khaled458]

انا مش فاهم فيه ايه

[mexmarine]

يا راجل ده انا ركبت السيراتو بتاعتك بنفس المواصفات دى بالضبط و سوقتها من الزعفرانه للأسكندريه كرهت نفسى و كرهت العربيات الكورى اللى فى الدنيا كلها و إتأسفت لعربيتى الاسترا الغلبانه لانها موديل 2000 و عرفت قيمهتا خصوصا فى السفر .. الاجابه بقى فما بالك بموديلات 2014 .. لا مقارنه طبعا ! و الله قعدت عيان يومين من الخبط اللى كان فى دماغى

[Ahmed.Antar]

استاذ محمد عبد السلام ..
انا من الناس الي مش بتثبت بلكلام عن ياباني والماني وكوري وصيني حتي ...
فياريت توضح المميزات في الاسترا ال 2000 الي عجبتك عن السيراتو ال 2010 بعيد عن موضوع العفشه وبشكل دقيق اكتر .. يعني عفشه الاسترا مالتي مثلا والامامي ماكفيرسون والي تورشن بيم .. ومحرك الاسترا هل اعلي من 130 حصان بتوع السيراتو ... ده غير كقطع الغيار واعاده البيع كمقارنه بين العربيتين
ارجوا التوضيح مع العلم ان تمن السيراتو يعادل تمن اتنين استرا 2000 !!

[Ahmed.Antar]

استاذ خالد .. شكرا جدا وانشاء الله هحاول ادور بشكل اسرع بدلا من قراءة اكتر من 110 صفحه عن الاسترا

[Ahmed.Antar]

استاذ كوزمو . بعيدا عن لامواخذه ..
انا مقفشتش ولا اي حاجه بس كنت منتظر مساعده اكتر من كده .. مع العلم ان الأسئلة عن الكيا بانواعها الي مش عاجبه استاذ محمد عبد السلام .. بقدر اوصل لاي استفسار بشكل أسرع !
تقبلوا تحياتي .... م. /احمد

[ameros]

[QUOTE=Ahmed.Antar;3875729703]استاذ محمد عبد السلام ..
انا من الناس الي مش بتثبت بلكلام عن ياباني والماني وكوري وصيني حتي ...
فياريت توضح المميزات في الاسترا ال 2000 الي عجبتك عن السيراتو ال 2010 بعيد عن موضوع العفشه وبشكل دقيق اكتر .. يعني عفشه الاسترا مالتي مثلا والامامي ماكفيرسون والي تورشن بيم .. ومحرك الاسترا هل اعلي من 130 حصان بتوع السيراتو ... ده غير كقطع الغيار واعاده البيع كمقارنه بين العربيتين
ارجوا التوضيح مع العلم ان تمن السيراتو يعادل تمن اتنين استرا 2000 !![/QUOTE

صديق ليه باع بيكانتوا وكمل بناع ١٥ الف وجاب اخت عربيتك.
بالمناسبه اسعار العربيات فمصر مش معيار لجودتها وانمت هو مقياس لمدي تقدم البشريه خارج القطر الوطني
بالمناسبه الاودي والفولفو والبيجو سعر اعادة بيعهم وحش بالمقارنه بالكو،ري والصيني ولون مفيش وجه مقارنه
بالمناسبه عربيتك انا جربتها مع صديق ليه وانا راكب انيسجنيا وفيكترا سي ومعايه كورسا ١٠٠٠ سي سي الحقيقه الكورسا برقبتها عالاقل ال ١٠٠٠ سي سي جبت بيهم ١٨٠ عالمحور فما بالك لو مسافر
بالمناسبه عربيتك بعد ال ١٣٥ كلم سرعه انت فعداد الاموات غير الاسترا
بالمناسبه انت معندكش اصلا ثبات فالعربيه لان تصنيف عربيتك فئة تحت متوسطه وللاستخدام داخل المدينة فقط
بالمتاسبه كل الاوبشنز اللي عمد حضرتك فشنك بالمقارنه بالالماني
بالمناسبه ال جنط ال ١٧ بتاعك لو اتحط فاسترا مو ٢٠٠٠ مش هيدب

[Ahmed.Antar]

بالمناسبه السيراتو الي مش عاجبك واخده تقييم اعلي من استرا بتاع حضرتك وواخده السياره رقم واحد السنه الي فاتت في السوق الامريكي .. بالمناسبه انا مش صاحب شركه كيا وحضرتك مش مدير تنفيذي في اوبل

[walidtony]

العرض ده مش ليك

انا قريت كل اللي انت كتبتوا يا استاذ عنتر
وواضح ان كل اللي بيركبو السيراتو فكرهم كده
واجابه لسوءالك عن الاسترا الكوزمو اقدر اقوللك انها متنفعش حد بتفكيرك لانها محتاجه حد راقي يفهمها
بعتذرلك جدا بس ديه الحقيقه
وعلى رأي الاعلان العرض ده مش ليك يا استاذ
وعموما اي عربيه الماني ولو موديل 1960 احسن من السيراتو

[Ahmed.Antar]

اولا يابيه انت اسمي م. /احمد .. وانت مش مسمحلك انت تتكلم معايا بالاسلوب ده .. والحقيقه انت اقل من اني ارد عليك .. اسف لكل اعضاء الجروب ده بس واضح ان بعضهم قليل الذوق