أوبل فيكترا 99

[said ammar]

السلام عليكم ورحمة الله وبركاتة
انا بصراحة بوجة التحية لكل الموجودين فى المنتدى وبجد انا استفدت من الجميع ودى اول مشاركة ليا فى المنتدي

انا معايا اوبل فيكترا 99 والعربية الحمد لله تمام
بس بدات تظهر عيوب فى العربية غريبة يا ريت حد يساعدنى فى حلها
اولا التكييف عندى حاسس انه ضعيف مش تلاجة زى ما بلاقى الناس كاتبة عن الاوبل هو شغال بس مش ساقع بالدرحة الكافية
روحت شحنته مرتيين فى اقل من شهر وبردو زى ما هو مش عارف العيب فين ووديته عند اكثر من واحد قلى هو تكييف الاوبل كده وتكييفك كويس ما فى حاجة

ثانيا انا الان عربيتى محتاج يتغير لها ماتور .. انا ماتورى 1600 والعربية مانول البعض قال لى ان اركب ماتور 1600
والبعض الاخر بينصح انى اغير واركب 1800 او 2000 انجكشن كنت عاوز اعرف اجيب ماتور من اين وسعره كام وبتنصحونى بايه .

جزيل الشكر للجميع وسعدت بالتواصل معكم ..



تم النقل للقسم المختص
م ب 3

[hilal]

اطلب من المشرف نقل الموضوع الى قسم أوبل
وكلهم في قسم اوبل ناس كتير أفاضل هيساعدوك باسرع مما تتخيل

[هشام السيد]

الماتور الاسود ال١٦٠٠ بتاعك مفيش منه استيراد ثانيا ال١٨٠٠ اسمع انه رخيص بس قطع غياره قليله فاعتقد ٢٠٠٠ الايكوتيك هو الاختيار اللي المعظم بيلجا اليه وبيقولوا بيبقي ماتور غول علي العربيه وبتبقي صاروخ والكلام ده بس انا مجربتش اصلي زي حضرتك غلبان بالماتور الاسود ١٦٠٠ :) بس اسمع انه بيحتاج عنايه اكتر من الماتور بتاعك وفي اختيار بقي انك تجيب بلوك لموتورك او تعمله عمره واعتقد كل قطع غياره موجوده جديده وممكن تستعين باستيراد من ماتور الموديل الشكل اللي قبله عشان اسمع انه تقريبا نفس الماتور وبيركب برضه ودي كل معلوماتي

[Mohamed82]

وعليكم السلام ورحمة الله وبركاتة

أنا لسة شاري ماتور الايكوتيك 2000 سي سي 2 كامة ماتور كامل ورحبتوة عندي علي اوبل فيكترا 97 بدل الماتور القديم الاسود 2000 سي سي واحد كامة لكن لسة بجرب في الماتور وسوف اقوم بعمل تقرير عنة ان شاء الله في القريب العاجل بس من الوهلة الاولي بصراحة الماتور دة بسم الله ما شاء الله شديد وعفي جداً.

اما بالنسبة للسعر انا جبتوة من محل في الحرفيين اسموة العايدي بالعافية علي 5200 جنية طبعاً غير مصنعية تركيب الماتور وتركيب الدفيرة وعمل برمجة للامبوليزر والفحماية.

يا رب اكون عرفيت افيدك علي حد علمي.

[فادى محمد]

الماتور الاسود ال١٦٠٠ بتاعك مفيش منه استيراد ثانيا ال١٨٠٠ اسمع انه رخيص بس قطع غياره قليله فاعتقد ٢٠٠٠ الايكوتيك هو الاختيار اللي المعظم بيلجا اليه وبيقولوا بيبقي ماتور غول علي العربيه وبتبقي صاروخ والكلام ده بس انا مجربتش اصلي زي حضرتك غلبان بالماتور الاسود ١٦٠٠ :) بس اسمع انه بيحتاج عنايه اكتر من الماتور بتاعك وفي اختيار بقي انك تجيب بلوك لموتورك او تعمله عمره واعتقد كل قطع غياره موجوده جديده وممكن تستعين باستيراد من ماتور الموديل الشكل اللي قبله عشان اسمع انه تقريبا نفس الماتور وبيركب برضه ودي كل معلوماتي

[said ammar]

كل الشكر لكم جميعاً بجد أنا مش عارف اقولكم ايه والله افتونى انا عاجز عن الشكر للجميع وأتمنى انى اكون مفيد ليكم كما أفتونى .. كل التحية والاحترام والتقدير للجميع

[ayman hamdy]

اولا انا معجب جدا بمقدمة دخول حضرتك للمنتدى
ولحضرت كذلك كل التحية والاحترام من الجميع
واحب اوجه الشكر للدكتور /هلال على المساعدة فى نقل الموضوع الى قسم اوبل فله منى جزيل الشكر والاحترا م
انا طبعا مش هقدر اضيف اضافة بعد اضافة الشباب المستفيضة
بس نصحتى لك : طبعا الموتور ال2000 سى سى 2 كامة هو احسن الخيارات
وموجود فى الحرفيين بكثرة بس لازم الفصال لانهم بيحطوا السعر اجتهادى وانت وشطارتك
ربنا يوفقك الى ما فيه الخير
تقبل تحياتى

[hagagatc]

حاول تشوف موتور استيراد اليابان من علي نص ياباني ضفيرته يمين مش حيكون ماشي كتير كبيره ٦٠٠٠٠
واشتريله ضفيره شمال او بتتعدل بس شغل لحامات بتشتغل بس انا بفضلهاش بس الافضل ضفيره شمال حيفرق معاك جدا

[هشام السيد]

تلميذك يا استاذ فادي ودا شرف كبير ليا :)

[said ammar]

كل التحية لكل الناس اللى كتب وكمان اللى قدم لى التحية جزيل الشكر

بس انا عاوز اعرف اسعار وكما عاوز حد يفدنى فى موضوع التكييف فى ناس لقيتها كاتبه ان عندها نفس الموديل والتكييف فى عربيتها ثلاجه طب اشمعنى عندي مع انى روحت عند 2 والاثنين قالوا انه كويس بس هو تكييف الاوبل كده بيبقى ضعيف

وياريت تفيدونى بالاسعار لو هجيب تكييف كامل او ايه الاصح ... كل التحية والاحترام للجميع وجزيل الشكر لكل التعليق .. تحياتى واحترامي