الطارة بتعمل حركات غريبة

[sameh_se]

السلام عليكم ورحمة الله وبركاته
يا شباب لو حد يعرف الى بيحصلى دا من اية يقولى .
طارة العربية على السلانسية بتيجى يمين و شمال طول ما هيا ماشية سنة يمين و سنة شمال .
عفشة ظبتها
زوايا ظبتها
ترصيص رصصت
اعمل اية تانى و المشكلة فين هتجنن حتى سير الباور غيرتة و شكلى كدا هغير طرمبة الباور .
دلونى يا ولاد الحلال ولكم كل الشكر.

[أحمد جودة]

باشا قبل دة كلة انتا كنت عامل شغل فى العربية قبل ماتظهر المشكلة دي

وهل فكرت فى الاسكترا وبارات الدريكسيون


هل فكرت فى الكاوتش نفسه

طيب متحاول تفك الكاوتش وتخلي اللى قدام ورا واللى ورا قدام أو تنقل مكان الكاوتش بطريقة الكروس (((( الفرة اليمين قدام ترجعها الشمال ورا والعكس )))
كل دي حاجات ربما ليها تأثر

وكمان سؤال حركة الطارة يمين وشمال بتحدف العربية يمين وشمال ولا بوش فى الطارة بس

[sherif_m72]

الكاوتش الامامى سيئ
مبدئيا هات اللى ورا قدام لغاية اما تشترى

[Sameh samy]

غالبا كاوتش لو ظاهر معاك علي سرعة قليلة بدل الماوتش وجرب

[Magoda]

بص انا روحت ظبطت زوايا
والراجل قالى لو حدفت معاك يمين هاتهالى اقدملك العجلة اليمين 3سم وفعلا بتحدف ولسه عايز اروح اقدمها زى مقال
فممكن يبقى عندك نفس المشكلة
تحياتى

[Abo_Mazen]

بص انا روحت ظبطت زوايا
والراجل قالى لو حدفت معاك يمين هاتهالى اقدملك العجلة اليمين 3سم وفعلا بتحدف ولسه عايز اروح اقدمها زى مقال
فممكن يبقى عندك نفس المشكلة
تحياتى

هو تقديم وتأخير العجل ده بيبقى تقديري كده ..ولا بالكمبيوتر ..يعني أنا ينفع مثلا أقدم العجله اليمين 3 سم كده ..بناء على وجهة نظري ..متهيألي العربيه تضبط زوايا بالكمبيوتر وتتحط المجسات على العجل وتشوف العجل المقدم والمأخر وأبعاد الشاسيه مضبوطه ولا لأ ....بصراحه ..أول مره أشوف بتاع زوايا يقول لو مضبتتطش تعالى أقدملك عجله أو أئخرلك عجله

[sameh_se]

بص انا روحت ظبطت زوايا
والراجل قالى لو حدفت معاك يمين هاتهالى اقدملك العجلة اليمين 3سم وفعلا بتحدف ولسه عايز اروح اقدمها زى مقال
فممكن يبقى عندك نفس المشكلة
تحياتى

فعلا دا الى حصل معايا عند الزوايا قال لى العجله الشمال عايزه تتقدم نص سم لقدام وعملتها والزوايا على الجهاز ١٠/١٠ بس يا شباب الكوتش عندى عايز يتغير وانا ناوى اغيرة اخر الاسبوع ان شاء الله وهرد عليكم بالنتيجه

[Magoda]

هو تقديم وتأخير العجل ده بيبقى تقديري كده ..ولا بالكمبيوتر ..يعني أنا ينفع مثلا أقدم العجله اليمين 3 سم كده ..بناء على وجهة نظري ..متهيألي العربيه تضبط زوايا بالكمبيوتر وتتحط المجسات على العجل وتشوف العجل المقدم والمأخر وأبعاد الشاسيه مضبوطه ولا لأ ....بصراحه ..أول مره أشوف بتاع زوايا يقول لو مضبتتطش تعالى أقدملك عجله أو أئخرلك عجله

بالكمبيوتر طبعاً ... بس هو معملش كدته عشان لازم يجرب الأول لأنه عنده احتمالية يحصل كده وفعلا حصل وبتبقى انك ماشى طوالى وبعد شوية تلاقيها تحدف يمين سنة سنة

[sameh_se]

تمام يا رجالة العربية ظبطت بعد تغيير الكاوتش الحمد لله رب العالمين و اتحلت المشكلة الى كانت مجننانى

[sherif_m72]

الف مبروك
بس لازم تاخد بالك
ان لو الكاوتش اللى كان راكب باظ بسبب العمر الافتراضى يبقى عادى
او عيب فى العفشه والزوايا
واعتقد انه باظ بسبب المساعدين
حضرتك تروح تكشف على العفشه وبالاخص المساعدين عشان تحافظ على الكاوتش الجديد عشان ميبوظش تانى زى اللى قبله

[sameh_se]

الف مبروك
بس لازم تاخد بالك
ان لو الكاوتش اللى كان راكب باظ بسبب العمر الافتراضى يبقى عادى
او عيب فى العفشه والزوايا
واعتقد انه باظ بسبب المساعدين
حضرتك تروح تكشف على العفشه وبالاخص المساعدين عشان تحافظ على الكاوتش الجديد عشان ميبوظش تانى زى اللى قبله

كلام حضرتك مظبوت 100x 100 فعلا العفشة عندى كانت منتهية بس انا غيرت جوز المساعدين و مسمار الميزان و التيش من الاخر عفشة امامى كاملة ودا الى كان مجننى عملت كل حاجة و الطارة كانت بتلعب بس الحمد لله كلة بقا تمام دلوقت و شكراَ للكل .