رجة في الطارة والعربية في الملف

[mohamed-adly]

سلام عليكم

الحكاية بدأت من حوالي شهر لما اجي اخد ملف او دوران مثلا ولكن شمال فقط يمين مفيش اي حاجة

المهم بلاقي في رجة بسيطة كده وبحس ان الكوتش بيرج رج ياريت تكون فهمتوني

مع العلم ان عندي صوت مع المطبات في الجمب الشمال برضو روحت للعفشجي قالي ده المساعد نشف هو في صوت طقة كده

[أحمد جودة]

خلي العفشي يراجل على المقص وجلبة المقص وكمان بالمرة يشوف الحالة الفنية للكوبلن ومش عاوز أقلقك بس أخاف الرجة دي تكون من الكوبلن ولاقدر الله يملص

[harphosh]

لوبتتكلم على الفيكترا بى بص على الجلبة الزهر وهى أكبر جلبة فى المقص الخلفى ( العجلة الخلفية ) هتحتاج تتغير وممكن تتأكد عن طريق رفع العجلة وتحريكها لو المقص كله بيتحرك تبقى هى أكيد

[A_7akam]

أكش على الكوبلن

[sherif_m72]

لوالرجه دى بتحسها لحظة دوران الطاره والعربيه تقريبا فى وضع الثبات يبقى بطاحه
لان جواها بليه ولما البليه تبوظ بتحسسك برجه وانت بتكسر الطاره
حط زيت علي البطاحه من تحت طبق المساعد وجرب

[mohamed-adly]

اشكركم جدا هجرب كل ده

[musama]

ممكن بلية العجله تكون فركت

[mohamed-adly]

ممكن برضو وكمان في حاجة عاوز اضيفها نسيتها ان لما برجع مرشيدير بس بسرعة كلنا عارفين ان بيبقي في زنة الفتيس دي عادية لكن في زنة بلية صوتها بيعلي مع المرشيدير

[Abo_Mazen]

خلي العفشي يراجل على المقص وجلبة المقص وكمان بالمرة يشوف الحالة الفنية للكوبلن ومش عاوز أقلقك بس أخاف الرجة دي تكون من الكوبلن ولاقدر الله يملص

[J A G U A R]

العربيه بتعوم ولا لا ..

[mohamed-adly]

العربيه بتعوم ولا لا ..

العربية بتحدف سنة شمال لكن لو تقصد ثبات ع السريع فتمام لكن هو بس لما بكسر شمال في دوران علي سرعة مثلا 20 -30 تحس ان العجل بيلف غصب عنه والطاره تتقل