سويتشات الشجرة وثرموستات التكييف

[SimplyM]

السلام عليكم

ما فائدة السويتشات فى شجره التكييف؟ حكمايه و تنبيه فقط في حال حدوث أخطاء ام تحكم أيضاً؟

اين ترموستات التكييف فى عربيات الاوبل؟

[SimplyM]

اتمني ميكونش سؤال صعب

[sherif moneer]

الحساسين اللي قدام الردياتير دول عشان لو الفريون نقص الكمبروسر ميشتغلش
وبيبوظو دايما ف بيتم الغائهم

[Hesham.H]

استنى ايمن حمدى هو ما شاء الله فاهم دايره التبريد والتكييف كويس جدا

[ayman hamdy]

اتفضل اقرأ هذا الموضوع شامل دورة التبريد بالكامل
تحياتى لك يا هشام باشا ولصاحب الموضوع

http://www.nilemotors.net/Nile/435765-1600.html

[kar!m]

من أكتر الحاجات المقرفة في تكييف الفكترا .. ذكريات مؤلمة

[SimplyM]

شكرًا للجميع و شكر خاص لأستاذ ايمن

على فكره العربيه كورسا ١٢٠٠ فالدنيا ابسط من كده ... هى مروحه رادياتير واحده و سرعه واحده

عشان تكمل الصورة و تفيدوني فيما انتوى ان شاء الله .... عشان شكل إللى هعمله ده محدش مشى فيه قبل كده

انا جبت تكييف كورسا ١٠٠٠ كامل و هركبه ان شاء الله على عربيتى ال ١٢٠٠ ... عشان التكييف اللي كان فيها كان بلدى و باظ و كان تقيل على الموتور

الموضوع فيه مشكلتين لحد دلوقتى

١- الكومبرسور ... محتاج قاعده و تغيير بكره السير لتوافق السير الموجود حاليا
٢- الكهربا عموما و السويتشات خصوصا لان الايسييو غير جاهز للتحكم في تكييف و الضفيره مفهاش وصلات للتكييف

انا شغال في تجهيز القاعدة
بالكلام إللى فوق انا هلغى سويتشات الشجره و انا مطمن و هخلى زرار التكييف يشغل كمبرسور و مروحه سربنتينه و مروحه رادياتير مع بعض

حد شايف مشاكل في إللى بقوله؟

[haisam ali]

مشكله واحده صغيره .... هتخلى الكهرباءى بتاعك يخلى مروحه السربنتينه تشتغل سرعه تانيه عالطول وده ضرورى جدا عشان لو كبس الفريون عندك بقى عالى والفريون سخن ... وده عموما أمان لدوره التكييف وأفضل من ناحيه التبريد ... وشكرا

[SimplyM]

مشكله واحده صغيره .... هتخلى الكهرباءى بتاعك يخلى مروحه السربنتينه تشتغل سرعه تانيه عالطول وده ضرورى جدا عشان لو كبس الفريون عندك بقى عالى والفريون سخن ... وده عموما أمان لدوره التكييف وأفضل من ناحيه التبريد ... وشكرا

شكرًا على الإجابة ... أمامى اعرف إذا كانت المروحة سرعه واحده و لا سرعتين؟ الفيشه بتاعتها طرفين مش تلاته ... العربيه كورسا مش فيكترا ففيه حاجات ابسط