شبهه قرار أخير.. كورسا 2004

[mohamed-adly]

سلامو عليكو

بعد ماراحت حبيبتي فيكترا 2000

ولفيت لفة مقدرتش ابعد عن الاوبل برضو وقابلتني عربية من اسماعيلية عندي كويسة
وعاوز اعرف رأيكم الأول في الكورسا بشكل عام من ناحية

إعتمادية علي الطريق والسفر والسرعات العالية
قطع غيارها

مواصفات العربية

موديل 2004
كاملة 4 زجاج كهربا /4وحدات رفع

طبعا دواخل فبريكة راشة فقط الكبود بره , الموتور كان معموله عمره من فترة وحالتة ممتازة
ولكن الوش الي فوق فقط محتاج يتغير معرفش سعره كام
التكييف ممتاز
الصالون ممتاز
التابلوه والابواب حالتهم معقولة
العربية فيها خبطة كان في الرفرف الامامي لكن مش مسمعة في حاجة من جوه ومردوده ع البارد
وكان في برضو اثار تسخينتين كده في الجمب اليمين ورا عند الشنطة مردوده
العفشة محتاجة شوية مصاريف حوالي 300 ج مثلا
دول الي مدايقني لكن كمجمل العربية مفهاش حاجة تانية
والكوتش حالته كويسة

العربية بشكل شبهه نهائي اخر حاجة وصلتلها مع صاحبها حوالي 46

محتاج رأيكم ..

[mwetsh]

بص يا باشا انا كان معايا كورسا 2007 قبل ما اركي الفكترا 2003 الاوتو 2000 سة سى هقولك من وجهة نظرى الشخصية عن الكورسا :
عربية كمجمل سعر و فئة فهى فوق الممتازة
من ناحية السحب والجرى فوق الممتازة و تسارع محترم وطلعتها حلوة جدا
من حيث الثبات فطبعا لا مقارنة اساسا بالفكترا لكن بوجة عام كويسة لغاية 170 شد و غرز اما الملفات و مطبات العوا فى الطرق مش اد كدة على السرعات العالية
التكيف غير معقد و هو كويس بس الغكترا احسن بمراحل
العربية كصاج ووزن اقل كتير من الفكترا
الباور افضل من الفكترا بكتيير
بوجه عام عربية بسيطة ومشاكلها قليلة جدا بالمقارنة بالفكترا اللى كلها حساسات
وعلى فكرة انا سافرت بها كتير وكل اللى بعملة تربيط عفشة وحرارتها لوز اللوز

[mohamed-adly]

بص يا باشا انا كان معايا كورسا 2007 قبل ما اركي الفكترا 2003 الاوتو 2000 سة سى هقولك من وجهة نظرى الشخصية عن الكورسا :
عربية كمجمل سعر و فئة فهى فوق الممتازة
من ناحية السحب والجرى فوق الممتازة و تسارع محترم وطلعتها حلوة جدا
من حيث الثبات فطبعا لا مقارنة اساسا بالفكترا لكن بوجة عام كويسة لغاية 170 شد و غرز اما الملفات و مطبات العوا فى الطرق مش اد كدة على السرعات العالية
التكيف غير معقد و هو كويس بس الغكترا احسن بمراحل
العربية كصاج ووزن اقل كتير من الفكترا
الباور افضل من الفكترا بكتيير
بوجه عام عربية بسيطة ومشاكلها قليلة جدا بالمقارنة بالفكترا اللى كلها حساسات
وعلى فكرة انا سافرت بها كتير وكل اللى بعملة تربيط عفشة وحرارتها لوز اللوز

طمنتي اكتر

ياريت اعرف رأيك كمان في حالة العربية الي كتبت مواصفاتها

[SimplyM]

ربنا يوفقك للخير

انا يس عندي نقطتين ... هل ديه العربيه إللى موتورها فى مصر غير بره؟ لان ده بيؤثر جامد على توفر قطع الغيار و عندي صديق أتعذب لما احتاج يغير قواعد الموتور مثلا لان مكانش فيه جديد و الاستيراد مختلف

التقطه التانيه هي السمكره على السخن ... اعتقد حضرتك ممكن تلاقى حاجات أحسن إلا إذا كنت تعرف اصل العربيه و فصلها و قابلها على حالتها

[eng wael]

نصيحتى بلاش لان العربيه واضح انها ملعوب فيها

[haisam ali]

نصيحتى بلاش لان العربيه واضح انها ملعوب فيها

أنا متضامن مع الرأي بتاع الاستاذ واءل وبشده

[mohamed-adly]

تمام انا عموما في حد كده خبرة عني شوية هيشوفها بكرة معايا وانا مقلقني بس السمكرة الي فيها تسخين

[kar!m]

أنا شايف انها معقولة .. هي عاملة كام ألف كيلومتر؟
برضه مش شايف ان التسخين مشكلة .. أي عربية معرضه انها تتخبط و تتسمكر .. ما دامت مش مؤثرة على الدواخل خلاص.
المهم الدهان الخارجي .. مكلح و هتضطر ترش ولا نضيف؟

بالنسبة للوش اللي مكتوب عليه علامة أوبل .. هو موجود بس من غير علامة أوبل .. فلو جبت وش جديد هتاخد علامة أوبل من على القديم .. هي محتاجة تتفك بحرفية شوية عشان متتكسرش.

أنا أكتر حاجه مقلقاني موضوع العمرة ده .. العربيات دي مواتيرها معمرة جدااا .. و قليل جدا لما بتتفك الا عشان السخونة .. متأكد انها عمرة ولا طقم شمبر؟

[mohamed-adly]

تفاصيل العمرة ان كان في سبيكة اتكسرت وعملها وقام بالمرة عمر المكنة وعملها طقم شمبر

انا ركبت العربية المكنة ناعمة لكن وانا بدور كان في صوت زي خخخخخ كده اعتقد ده المارش عاوز يتظبط
التسخين حوالي 4 او 5 نقط بالظبط من الجمب فا من الطبيعي ان نقط التسخين تبان في العربية من شطنة العربية من جوه لما تشيل الفرش في الجمب عند تانك البنزين

فا مش عارف هل ده هيأثر علي العربية ويقلل منها
ولاتترش خفيف كده

استفسار تاني بقي الكورسا اخرها جنط كام لان الكوتش بتاعها صغير قوي ومش عريض زي الفيكترا فاحاسس ان العربية مبتمسكش في الارض ومش مالكه نفسها

[mohamed-adly]

اه نسيت العربية عاملة 110 ألف كيلو

[mwetsh]

والله يا استاذ محمد انا حاسس شخصيا ان العربية دى متهانة جامد ازاى عاملة 110 الف و عملة عمرة كاملة وفيها كم الخبطات دى بص انا شخصيا مبحترمش فكر السوق بتاع فبريكة جوة وبرة دة لان دة فى الاول والاخر صاج لاكن انا بتكلم عن العربية كمجمل موتور و اساسيات حاسس انك ممكن تلاقى افضل حتى لو زودت السعر شوية خصوصا ان العربية دى شكلها شبابى كدة عن الفكترا فمتحرنش نفسك من ركوبها وهى حالتها نظيفة وربنا يوفقك للصالح

[mohamed-adly]

والله يا استاذ محمد انا حاسس شخصيا ان العربية دى متهانة جامد ازاى عاملة 110 الف و عملة عمرة كاملة وفيها كم الخبطات دى بص انا شخصيا مبحترمش فكر السوق بتاع فبريكة جوة وبرة دة لان دة فى الاول والاخر صاج لاكن انا بتكلم عن العربية كمجمل موتور و اساسيات حاسس انك ممكن تلاقى افضل حتى لو زودت السعر شوية خصوصا ان العربية دى شكلها شبابى كدة عن الفكترا فمتحرنش نفسك من ركوبها وهى حالتها نظيفة وربنا يوفقك للصالح

احترم وجة نظرك طبعاً ويهمني رأيك

لكن لو بصيت هتلاقي ان اي عربية ولو موديل 2014 وهتشتريها من واحد محتمل كبير قوي تلاقي فيها خبطة في اي مكان ,, العربية بتبقي طالعة من المعرض بثواني بتتخدش

الخبطتين الاولي قدام في الرفر الشمال لكن مردودة ع البارد لأنها مش مسمعة قوي
التانية: ورا وهيا دي الي فيها تسخين وصغيرة برضو لانها واخدة 3 او 4 بنط تسخين بالكتير

بالنسبة للعمره فا دي مش عارف احكم عليها الحقيقة كويس وهسبها النهاردة للميكانيكي
غير كده مفيش اي حاجة في العربية

الي اقصده بإختصار هل لو دي العيوب بس ممكن الواحد يتلاشاها ويظبطها مقابل انه سعر العربية يكون مناسب قوي ؟

[mwetsh]

احترم وجة نظرك طبعاً ويهمني رأيك

لكن لو بصيت هتلاقي ان اي عربية ولو موديل 2014 وهتشتريها من واحد محتمل كبير قوي تلاقي فيها خبطة في اي مكان ,, العربية بتبقي طالعة من المعرض بثواني بتتخدش

الخبطتين الاولي قدام في الرفر الشمال لكن مردودة ع البارد لأنها مش مسمعة قوي
التانية: ورا وهيا دي الي فيها تسخين وصغيرة برضو لانها واخدة 3 او 4 بنط تسخين بالكتير

بالنسبة للعمره فا دي مش عارف احكم عليها الحقيقة كويس وهسبها النهاردة للميكانيكي
غير كده مفيش اي حاجة في العربية

الي اقصده بإختصار هل لو دي العيوب بس ممكن الواحد يتلاشاها ويظبطها مقابل انه سعر العربية يكون مناسب قوي ؟

اووير كلامك بس حط فى اعتبارك حاجتين اولاها انك هتركب و مش هتفكر تبيع الا بعد فترة و انك لما تيجى تبيع ممكن نتعب فى بيعها شوية علشان الفكر المصرى الغريب :b4_556::b4_556:
الاعتلار التانى اركب العربية وفصصها عفشة و ميكانيكة واتاكد من انها سليمة خصوصا الاسطوانة والدسك هيبانوا معاك فى النقلات ودوسة اادبرياج و ان كمالبتها كلها سليمة خصوصا وحدة الرفع علشان دى غالية جدا و موضوع بارومة السقف الخلفى
طبعا انا بقولك الحاجات دى على الرغم من انها استهلاكية وممكن ما تعبش العربية من وجهة نظرك بس زى ما قولتلك بص على العربية كمجمل طالما هتركب وانت اتنازلت عن حاجات انت شايفها بعينك مقابل السعر فاكيد الكماليات دى هتبقى حمل عليك بعد الشراء وربنا يوفقك ان شاء الله للخير

[damasry]

انا مركب عندى جنط 15 وكاوتش 205/50 15r

[mohamed-adly]

اووير كلامك بس حط فى اعتبارك حاجتين اولاها انك هتركب و مش هتفكر تبيع الا بعد فترة و انك لما تيجى تبيع ممكن نتعب فى بيعها شوية علشان الفكر المصرى الغريب :b4_556::b4_556:
الاعتلار التانى اركب العربية وفصصها عفشة و ميكانيكة واتاكد من انها سليمة خصوصا الاسطوانة والدسك هيبانوا معاك فى النقلات ودوسة اادبرياج و ان كمالبتها كلها سليمة خصوصا وحدة الرفع علشان دى غالية جدا و موضوع بارومة السقف الخلفى
طبعا انا بقولك الحاجات دى على الرغم من انها استهلاكية وممكن ما تعبش العربية من وجهة نظرك بس زى ما قولتلك بص على العربية كمجمل طالما هتركب وانت اتنازلت عن حاجات انت شايفها بعينك مقابل السعر فاكيد الكماليات دى هتبقى حمل عليك بعد الشراء وربنا يوفقك ان شاء الله للخير

مقتنع بكلامك وبكلام باقي الأخوة .... وبنسبة 100 صرفت نظر عنها

انا مركب عندى جنط 15 وكاوتش 205/50 15r

كويس قوي