فيكترا سى ٢٠٠٨ الموتور يبطل فجاءة ولا يعمل الا بعد ١٠ دقائق او اكثر

[ama1430]

السلام عليكم
من فضلكم
أوبل فكترا سى ٢٠٠٨
أيزى ترونيك
من أسبوعين أصبحت العربية فجاءة فى المطبات او البطىء. وخصوصا وانا رافع القدم عن دواسة البنزين الموتور يبطل وتتكون الحرارة حوالى ٩٤ لكن أظن بتكون اعلى وعندما احاول اعادة تشغيل الموتور لا تستجيب أصلا ويكون الفتية إشارته a وكل لما أعطيه نقلة n لا يستجيب وبعد حوالى ١٠ دقائق تشتغل عادى تماماً وممكن بعد قليل ترجع تبطل لو أنا ماشى بطيء فقط.
أفيدوني مع الشكر

[M.ABDOU]

العربيه تبطل فجأه لاما قطعت كهرباء او بنزين

قطع البنزين يبقى طرمبه البنزين

قطع كهرباء يبقى تشوف حساس الكرنك او الموبينه بتاعه الكهرباء

مفيش غير كده

[abou-yahia]

اعتقد

قلب الطرمبه بتاعت البنزين

واللي ياكد ان لو العربيه متفوله مبيحصلش كده

عشان التبريد بيطون احسن ليه

[amr elsisi]

مشكلة كهربا اكيد
وياريت اول ماتعمل معاك كدة تكون جنب واحد معاة جهاز تك 2
علشان الموضوع مرتبط بلفتيس

[haisam ali]

يعنى مش حساس كرنك ياجماعه ؟؟؟؟ بيقولكم بتبطل عند درجه حراره ٩٤ ..!!!! وتدور بعديها ب ١٠ دقائق

[ama1430]

الأخوة الأفاضل
رجاء المساعدة
لما العربية بتبطل عندها المشكلة ان الكونتات لا يستجيب فجأه والمارش لا يعمل أساسا وإشارة الفتيس بتكون على a !!!!
ولا يمكن تغيير ه ل n
وبعد ١٠ - ٢٠ دقيقة يستجيب

[Abdo Taha]

لو كده يبقى احتمال كبير حساس كرنك بس عشان توفر وقت و فلوس اكشف و هيبنلك السبب على طول

[brain2020]

بنسبة كبيرة حساس الكرنك واحسن حاجة اكشف كمبيوتر عشان تتأكد وان شاء الله الموضوع بسيط

[ama1430]

الكمبيوتر لم يسجل او يظهر أعطال لكن هذا ليس بالتوكيل ،،كان عند ميكانيك تخصص أوبل

[Abdo Taha]

الافضل تروح بيها التوكيل

[ama1430]

احاول التفكيير لحل المشكلة
هل لو الحرارة بترتفع لان المروحة لا تعمل على السرعة العالية عند الحاجة اليها يؤدى ذلك ان كمبيوتر السيارة يبطل الموتور لارتفاع الحرارة؟؟؟؟
التوكيل بيعرف يغير بس لكن يفهم مشكلة لالالا

[ama1430]

ميكانيك قال كنترول الفتيس عايز يصلح وقال الكربونه اللى فيه هى السبب؟؟؟!!!
وطلب ٨٠٠ ج وبعد مفاوضات أوسلو أخد ٤٠٠ ورينا يسهل لما نشوف
حد يعرف سعر كنترول الفتيس استعمال بكم

[M.ABDOU]

ميكانيك قال كنترول الفتيس عايز يصلح وقال الكربونه اللى فيه هى السبب؟؟؟!!!
وطلب ٨٠٠ ج وبعد مفاوضات أوسلو أخد ٤٠٠ ورينا يسهل لما نشوف
حد يعرف سعر كنترول الفتيس استعمال بكم

على فكره الميكانيكى لاما بيشتغلك او مش فاهم

مفيش كنترول فتيس يخلى الموتور مبيدورش

غالبا العيب اللى عندك زى ما الاغلب اتفق هنا لاما حساس كرنك او طرمبه احتمال ضعيف

وخلى بالك ان ممكن يصلحلك العيب فى انه يركب حساس جديد وانت مش واخد بالك ويقولك انا صلحت كنترول الفتيس

حساس الكرنك بيبقى راكب على الحدافه من الناحيه التانيه من الفتيس

بص كويس معاه وهوا بيشتغل

[Abdo Taha]

على فكره الميكانيكى لاما بيشتغلك او مش فاهم

مفيش كنترول فتيس يخلى الموتور مبيدورش

غالبا العيب اللى عندك زى ما الاغلب اتفق هنا لاما حساس كرنك او طرمبه احتمال ضعيف

وخلى بالك ان ممكن يصلحلك العيب فى انه يركب حساس جديد وانت مش واخد بالك ويقولك انا صلحت كنترول الفتيس

حساس الكرنك بيبقى راكب على الحدافه من الناحيه التانيه من الفتيس

بص كويس معاه وهوا بيشتغل

كنترول الفتيس الايزي ترونك ممكن ميخليش العربية تدور عادي بس لازم تدي على الاقل f في شاشة نقلات الفتيس

اما لو على ال n يبقى كنترول الفتيس مفهوش مشكلة و المشكلة ممكن تكون طرمبة بنزين او حساس كرنك او طرمبة بنزين و الاتنين اتغيرو عندي و الاتنين خلو العربية متدرش ، و حساس الكرنك كان بيعملي تأخير في الدوارة

[احمد فهمى]

دى فى الغالب طرمبة بنزين يا حساس كرنك والكنترول لو فى حاجه هيكتب f عندك ويفضل تتعامل مع ميكانيكى اوبل ﻷنو بيكون حافظ العيوب