مشكلة في الباور الكهرباء

[TRABYA]

السلام عليكم جميعاً
انا كان عندي استفسار بسييييييط جداً ومعقدنييييييييي جداً
انا معايا كورسا 99 الباور بتاع الدريكسيون لما الف شمال بيكون كويس ومظبوط جداً ولما ارجعة تاني يمين بيكون تقيل جداً
ممكن اعرف فين المشكلة وعلاجها ايه

وشكراً

[john55]

ممكن صلايب الدريكسيون عايزه تتربط اكشف علي علبه الدريكسيون

[SimplyM]

استاذى ناس كتير بتشتكى من بور الكورسا الكهرباء ... اعتقد ديه حاله عامه

ديه ناس فى انجلترا بتشتكى نفس الشكوى و نتقول يا اما الباور يتفك و يتراجع و يتعاير يا اما يتغير ...

https://uk.answers.yahoo.com/question/index?qid=20100328050426AAuSllN

[TRABYA]

شكرا جدا علي اهتمامكم بجد
بس انا كنت عاوز اشوف يمكن يكون في حل قبل ما اروح واشتري اي قطع غيار
كنت عاوز حد خاض نفس التجربة ويفيدنا بخبرتة

[SimplyM]

ان معايا كورسا مش باور بس الكل بيشتكى من العيب ده في الباور فممكن نستنا حد معاه العربيه ديه

[TRABYA]

شكرا ليك علي اهتمامك

[TRABYA]

واضخ ان محدش عندة فكرة عن المشكلة دي وواضح ان في اجماع علي كدة

[moatz]

معلش انا عارف ان الموضوع قديم .... بس هل حضرتك لقيت حل لمشكلة الباور الكهرباء اللي كانت عندك ؟ يا ريت برضه لو كنت سألت علي قطمة الدريكسيون و عرفت سعرها و موجودة عند مين تدلني بعد إذنك ... شكرا

[فتح الباب]

ليس هناك عطل . بل هناك خلل والفرق بينهما كبير
تم فك الاسكاترا من قبل وعند التركيب حصل خلل .
فى هذه الحاله يتم فك الموتورمن الاسكاترا فقد ليعطى لفات يمين وشمال بحريه تامه عند لف الدركسيون . بعد ذلك يتم توسيط الدركسيون وعدم تحريكه بعد التوسيط تماما . بعد ذلك يتم ادخال ترس الموتور الى ترس الاسكاترا بدون تحريك لا يمين ولا شمال ثم الربط . المفروض انه يوجد علامات على الترسين لكن شرحهما يطول . لذلك شرحت كل ده . اللى يجرب يقول ايه النتيجه .

[moatz]

ليس هناك عطل . بل هناك خلل والفرق بينهما كبير
تم فك الاسكاترا من قبل وعند التركيب حصل خلل .
فى هذه الحاله يتم فك الموتورمن الاسكاترا فقد ليعطى لفات يمين وشمال بحريه تامه عند لف الدركسيون . بعد ذلك يتم توسيط الدركسيون وعدم تحريكه بعد التوسيط تماما . بعد ذلك يتم ادخال ترس الموتور الى ترس الاسكاترا بدون تحريك لا يمين ولا شمال ثم الربط . المفروض انه يوجد علامات على الترسين لكن شرحهما يطول . لذلك شرحت كل ده . اللى يجرب يقول ايه النتيجه .

شكرا علي رد حضرتك و التوضيح ، طيب ممكن اعرف لو عند سيادتك فكرة سعر قطمة الدركسيون ديه عامل كام و ممكن الاقيها فين ؟

[فتح الباب]

للاسف مش عندى فكره عن الاسعار . واسف جدا

[فتح الباب]

ما عنديش فكره عن الاسعار لكن فين دى موجوده فى اماكن التقطيع وما اكثرها كالحرفيين او جسر السويس بالقاهره مرورا ببورسعيد وما تشتهى الانفس موجود . المهم تحدد وتعرف انت عايز ايه بالظبط قطمة دركسيون ولا اسكاتره والا سيتم معاملتك من المحلات بالدولار لعدم معرفتك بالمطلوب . هما بتوع المحلات كده خلى بالك .