جروب عالفيس لعشاق الساحرة الصغيرة كورسا 95

[abo sandy]

السلام عليكم
انا معايا كورسا 95 وفكرة اننا اعمل جروب على الفيس عشان نتكلم فيه عن العربية
لكن رجاااااااااء انا بتكلم عن الموديل 95 او 96
يعنى الموديلات القديمة مش الجديدة
اتمنى الى معاه العربية يتفاعل وبشترك على الجروب عشان الى عنده مشكلة الى عارف يقدر يحلها له

الكل يبحث بالاسم ده عن الجروب.................................
تنبيه: سيتم غلق الموضوع رجاء عدم نشر اي عنوان لروابط او اعلانات خارج المنتدي راجع قوانين المنتدي..
6ب مشرف القسم

[Mahmoud alaska]

مش ﻻقيه يا باشا

[SimplyM]

طب ما نتكلم هنا أحسن


انا معايا كورسا ١٩٩٥

[elmo7areb]

انا كمان كورسا 1995

والجروب تقريبا مش موجود

[Saeed_Niazy]

هل صحيح قطع غيارها غالية ولو جبتها حتفلسنى مع العلم انى بفاضل بينها ومابين فيات اونو عشان قطع غيار الاونو رخيصة عشان انا عاوز عربية تقعد معايا فترة كبيرة ان شاء الله
وياريت كمان تقولولى واحدة حالتها حلوة تعمل كام :)

[SimplyM]

هل صحيح قطع غيارها غالية ولو جبتها حتفلسنى مع العلم انى بفاضل بينها ومابين فيات اونو عشان قطع غيار الاونو رخيصة عشان انا عاوز عربية تقعد معايا فترة كبيرة ان شاء الله
وياريت كمان تقولولى واحدة حالتها حلوة تعمل كام :)

معرفش اسعار الاونو بس هى قطع غيارها مش غاليه خالص خصوصا لو عارف ايه يتجاب جديد و ايه استيراد

تصور الباب بتاعها فبريكه بس فاضى استيراد ... انا جايبه ب 150 جنيه
كشاف امامى 150 استيراد و 90 جنيه صينى
فانوس خلفى استيراد 70 جنيه
كابوت استيراد 300
رادياتير استيراد 200و جديد صينى 200 و جديد اسبانى اصلى 470


الصراحه سخافة العربيه الوحيده هى رفايعها لما تبقى مش موجوده او تلاقيها عزيزه و اللى بيبيعها بيستهبل

انا ضاع منى سيخ الكابوت و مش لاقيه كمثال

[Mahmoud alaska]

فى حاجات رخيصة و فى حاجات اسعارها عالية علشان نادر لما تلاقيها زى الاسبراتير مافيش منه جديد و الاستعمال معظم بتوع الاستعمال يقولك ب 750 و ال يقولك ب 600 و ال يقولك 550 و هو كله مايعديش ال 300 جنيه اصلا بس استغلال بقى نقول ايه

[Saeed_Niazy]

فى حاجات رخيصة و فى حاجات اسعارها عالية علشان نادر لما تلاقيها زى الاسبراتير مافيش منه جديد و الاستعمال معظم بتوع الاستعمال يقولك ب 750 و ال يقولك ب 600 و ال يقولك 550 و هو كله مايعديش ال 300 جنيه اصلا بس استغلال بقى نقول ايه

اولا شكرا ليكو يا رجالة عالرد
ثانيا اللى بتقولو ده يا استاذ محمد هو اللى انا بتكلم فيه خايف اجيبها وتقحرطنى ومعرفش اصرف عليها ميكانيكا فى حين ان الاونو قطع غيارها مرمية و رخيصة شوية عن كده
لكن السؤال هل الاداء هو هو ولا فى اختلاف طفيف ولا فى اختلاف كبير بين العربيتين

[Mahmoud alaska]

و الله انا ماركبتش اونو قبل كده بس اكيد فى اختلاف بين الاونو و الكورسا ﻻن الالمانى معروف بثباته و الكورسا بالذات من العربيات المحترمة

[abo sandy]

تنبيه: رجاء عدم نشر اي عنوان لروابط او اعلانات خارج المنتدي..
6ب مشرف القسم