إعتذار رسمى

[amir_ezzat]

قبل ما اقدم الاعتذار عايز اقولك على قصه صغير وهى سبب الاعتذار
انا بعت عربيتى الاوبل وجبت عربيه bmw 316 موديل 2000
من هولندا بسعر حلو قوى سمعت كلام الناس كلها ان اللى يركب اوبل مش هيعرف يركب غير بى ام بعدها
بس للأسف دى فكره خاطئه تمام
ممن جميع النواحى الاوبل احسن
انا الحمد لله مفيش اى مشكله فعليه فى ال بى ام بس انا بتكلم على احساسك بالعربيه وانت سايق وانت بتجرى
ال بى ام طبعا بتجرى احسن من وضع الثبات لكن بتحس العربيه واطيه شويه بتحس بكل حاجه على الارض تحس انك راكب كبسوله بتجرى وبس
الاوبل بتحس انك فعلا راكب الطريق

لذلك اقوم بتقديم كامل الاعتذار لكل راكبى الاوبل
واتقدم لكل مالكى ال بم ام بتجربه الاوبل قبل الحكم على اى سياره

[Hassan Khalil]

بداية ..
الف مبروك علي العربية .. ربنا يحفظهالك .. و تستمتع بيها .. و تستعملها في الخير دايما
ثانيا .. كل عربية ليها شخصيتها و احساسها و طريقة سواقتها .. و اذا قعدت شوية مع البي ام .. و بعدين ركبت المرسيدس مش حتعجبك برضه .. علشان لسه متعودتش عليها ...
انا كنت راكب لانسر في فترة من الفترات .. و بعدين جربت الياريس المانيوال .. احساس غريب .. كنت حاسس اني حتقلب من العربية .. خد بالك .. مش العربية اللي حتتقلب .. لأ .. كنت حاسس ان انا اللي حتقلب من الشباك .. لان وضعية قيادتها كانت عالية عن اللانسر و غريبة جدا عليا ..مجرد ما سافرت بيها لحد طنطا و رجعت .. بقت زي الفل ...
--------
افرح بعربيتك .. و استمتع بها .. و عقبال البي ام الزيرو ان شاء الله :)

[ENG\AHMED]

قبل ما اقدم الاعتذار عايز اقولك على قصه صغير وهى سبب الاعتذار
انا بعت عربيتى الاوبل وجبت عربيه bmw 316 موديل 2000
من هولندا بسعر حلو قوى سمعت كلام الناس كلها ان اللى يركب اوبل مش هيعرف يركب غير بى ام بعدها
بس للأسف دى فكره خاطئه تمام
ممن جميع النواحى الاوبل احسن
انا الحمد لله مفيش اى مشكله فعليه فى ال بى ام بس انا بتكلم على احساسك بالعربيه وانت سايق وانت بتجرى
ال بى ام طبعا بتجرى احسن من وضع الثبات لكن بتحس العربيه واطيه شويه بتحس بكل حاجه على الارض تحس انك راكب كبسوله بتجرى وبس
الاوبل بتحس انك فعلا راكب الطريق

لذلك اقوم بتقديم كامل الاعتذار لكل راكبى الاوبل
واتقدم لكل مالكى ال بم ام بتجربه الاوبل قبل الحكم على اى سياره

ادى اخرة اللى يبيع الاوبل وميسمعش الكلام :P اتاريك مختفى بقالك فترة وشكلك عايز تنسحب من العصابة بردو هتفضل اوبلاوى
ياعم الف مبروك على العربية وربنا يبارك لك فيها هى بس علشان لسة ما اخدتش عليها شوية كدة وابقى قول رأيك .. هتلاقيها حاجة تانية :)

[amir_ezzat]

اولا الف شكر على الردود الجميله دى بس انا فعلا عملت بيها لحد دلوقتى حوالى 1500 كيلو متر
الف داخل القاهره و 500 سفر لحد شرم

[Mustafa_Farouk]

طب له القلق دة بس يا أمير؟؟ يعني الواحد ميغيرشي؟؟

[Ahmed Selim]

ألف مبروك يا باشا وربنا يكفيك شرها

مع أنى كنت فى وضع مختلف شوية من 4 سنيين يعنى نزلت من بى أم لأوبل بس أنا أختلف معاك......
الأوبل عربية ممتازة بكل معنى الكلمة....بس البى أم بى أم برضه......عربية تكاد تقترب من مستوى الكمال....والكمال لله وحده طبعاً

ربنا يباركلك

[Osama_soliman]

الحمد لله على الاوبل

[Ahmad Allawy]

ااااااااااااااه..
عشان كده محدش بيشوفك,.. :) :)
نقلتا لنشاط علي منتدي البي ام..!!!!!!!!!
يلا.. الف بركة يا باشا و ربنا يخفظهالك.. و تبقي وش الخير و السعد عليك ان شاء الله.. :)
و برضه هتفضل اوبلاوي.. اللقب ده بيلزق علي فكرة.. :)

[amir_ezzat]

باى حال من الاحوال انا ميفعش اسيب اوبل دى عصابه يا باشا مش اى كلام
واكبر دليل على صدقى انا ببيع ال بى ام دبليو وهجيب تانى اوبل

مع انى كنت هموت بجد انى ابيع واشترى بى ام بس الحمد لله
الملاحظه الوحيده ان بيع البى ام اسهل كتير قوى انا طول ما انا ماشى فى الشارع الناس بتقولى تبيع
والحمد لله جايبلى سعر افضل كتير من اللى انا شارى بيها
غير الاوبل خالص ساعه البيع كان الموضوع صعب شويه

[ENG\AHMED]

باى حال من الاحوال انا ميفعش اسيب اوبل دى عصابه يا باشا مش اى كلام
واكبر دليل على صدقى انا ببيع ال بى ام دبليو وهجيب تانى اوبل

مع انى كنت هموت بجد انى ابيع واشترى بى ام بس الحمد لله
الملاحظه الوحيده ان بيع البى ام اسهل كتير قوى انا طول ما انا ماشى فى الشارع الناس بتقولى تبيع
والحمد لله جايبلى سعر افضل كتير من اللى انا شارى بيها
غير الاوبل خالص ساعه البيع كان الموضوع صعب شويه

متتسرعش لو العربية مفهاش مشاكل استنى شوية لما تاخد عليها

[Hesham256]

ألف مبروك يا باشا بس ليه كل المصريين أول ماتقول أسم أوبل و تقارنه ببي أم من غير متكمل يقولك بي أم يعني حضرتك الأوبل بالنسبالك أحسن عربية لغاية دلوقتي الله علي الأوبل مش قولتلكوا يا جدعان أوبل مش أي حاجة.
ملحوظة:في ناس كتير في مصر بيقولوا علي أوبل أمريكاني مش ألماني بحجة GM و الصراحة هي مملوكة منها تب أيه النظام بقه عشان أنا محتار.
و كانت ايه الأوبل.
و البي أم 2000 اللي هيه دي و لا حاجة تانية.

[محمد ابراهيم 1]

عايز أسمع رأيك بصراحه تانى بس بعد أسبوعين من الاستخدام

[farahat]

ألف مبروك يا باشا على البي إم ،
أنا رايي تسبر شوية لم تتعود عليها و بعدين تفكر تبيعها إذا فضلت برضه مش مستريح لها، و مش هتخسر فيها إن شاء الله

[M.Mokhtar]

خيااااااااااااااااانااااااااااااا
امير باعنا يا رجاله
ولازم يدفع تعويض لعصابة اوبل عشان تعديله الحركه دى
كده تعملها من غيرى يا ميرووو :(

الف مبروك يا باشا على العربيه
وان شاء الله تعجبك بعد ما تتعود عليها

بس ما قولتش مواصفاتها ايه وعامله قد ايه
وايه موضوع هولندا ده :)

ألف مبروك يا باشا بس ليه كل المصريين أول ماتقول أسم أوبل و تقارنه ببي أم من غير متكمل يقولك بي أم يعني حضرتك الأوبل بالنسبالك أحسن عربية لغاية دلوقتي الله علي الأوبل مش قولتلكوا يا جدعان أوبل مش أي حاجة.
ملحوظة:في ناس كتير في مصر بيقولوا علي أوبل أمريكاني مش ألماني بحجة GM و الصراحة هي مملوكة منها تب أيه النظام بقه عشان أنا محتار.
و كانت ايه الأوبل.
و البي أم 2000 اللي هيه دي و لا حاجة تانية.

فعلا هو الشكل ده موديل 2000

ألف مبروك يا باشا على البي إم ،
أنا رايي تسبر شوية لم تتعود عليها و بعدين تفكر تبيعها إذا فضلت برضه مش مستريح لها، و مش هتخسر فيها إن شاء الله

+1000000000

[Hesham256]

طب و كانت الأوبل أيه اللي هي أحسن من البي أم.