هل للاوبل ريكورد وجود عندكو ؟

[محمد سمير_86]

السلام عليكم ورحمة الله ياشباب الاوبل

انا ملاحظ ان كل الي فى المنتدي من نص التسعينات وطالع .. مفيش حد هنا من هواة القديم ؟

انا معايا اوبل ريكورد 1978 وكنت عايز حد يشاركني خبرتو فيها ؟؟

هي مبدئيا عربيه لا تختلف عن المرسيدس 200 من ناحية الصاج وسعة الموتور والراحه ومساحة الصالون والثبات عالسرعات .. حتي قطع غيار المرسيدس بتركب فيها من غير تعديل

هل من ريكورداوي هنا ؟

[فادى محمد]

اهلا بيك يا باشا..
عربيه عريقه من الزمن الجميل
كان معانا زميل من 4 سنين كان معاه ريكورد مو 1980
كلمنا انت عنها واحنا هنشاركك
ويا سلام لو تعمل موضوع عن الريكورد بالصور . نعرف الناس بيها

[abdulkhaleq]

ياخبر !!
كانت معانا في الخليج
من الزيرو (تقريبا كانو 2 في البلد كللها)
موديل 1984

ربنا يهنيك بيها بس ما اظنش هتلاقيها كتير خلاص

[احمد فهمى]

العربيه دى كانت سابقه عصرها انا سافرت بيها كتير جدآ وفعلآ عفشتها هى المرسيدس وقطع كتير والعربيه دي لليوم مع عمي مش عايز يفرط فيها ويمكن دى تكون حاله نادره ﻷن فيها جميع القطع الاصليه

[محمد سمير_86]

اشكركم كلكم عالمرور الكريم :)

هي فعلا عربيه عظيمه وللاسف مش واخده حقها من قطع الغيار بس برغم كده بيركبلها من اخواتها الالماني كتير اهمهم المرسيدس والفولكس

العربيه الي معايا دي حاله نادره بردو لانها معانا وهي زيرو وحتي الان مفرطناش فيها . يمكن حاولنا نبيعها مره او مرتين من زهقنا من قطع الغيار المضروبه فى السوق زي الابلاتين والكوندنسر .. بس حتي الان الحمد لله معانا


وانا هوافيكو قريب اوي بتقرير مفصل عنها بالصور ان شاء الله .

[ahmed.zahra]

في انتظار تقريرك المفصل عنها لأني من عشاق هذه العربية و والدي الله يرحمه كان عنده واحدة موديل 1976 من الزيرو بيتهيألي ده الموديل اللي قبل عربيتك و كانت 1700 سي سي و سبور و فتحة سقف لونها أبيض و الصالون جلد أحمر بتاع الفابريقة بس باعها قبل مايتوفى بشهور في 2002 و كانت عربية تحفة فعلا في القوة و الثبات و وسع الصالون بس برضو كانت مشكلته في قطع الغيار و كان بيخليني اروح اجيبله قطع الغيار ليها من سرور في وسط البلد.