محتاج آرائكم وخبرتكم سريعا

[ameros]

صابر امبارح غيرلي قاعده يمين اللي تحت البطاريه وكانت بالفعل بايظه وبعد التغير الوضع اصبح اسواء بمعني ان العربيه بقا فيها رجه زياده وزن فالمشي والبدال والطاره رجعت عشان يظبطها حاول يرجلش ولاكن مفيش فايده وكان راي صابر انه يكشف علي كل القواعد لان القاعده اليايظه اكيد اثرت عالباقين طبعا انا كان ردي عليه صادم بالنسباله ومشيت بعد ما قمت بالواجب معاه والمفروض هروحله تاني اليوم عشان اركب القديمه ودمتم

يهمني اسمع رايكم
مع الشكر

[ayman hamdy]

كلام صابر صحيح
القواعد يا باشا يفضل انها تتغير كلها مع بعض علشان العربية تتظبط
تحياتى

[Abdo Taha]

لازم فعلا تتغير كلها لأن لازم تكون حالتهم واحدة

[ameros]

طيب كلام جميل بس للاسف الموجود تركي (دا عند صابر) بره التوكيل مش لاقي حاجه اصلي وفالتوكيل قالولي النهارده ابعد عن التركي وحش وكلمت ناس كتير منهم حسن عبد الطيف ومندور وطارق حموده وكلهم معرفه من سنين وحبايبو وكلهم قالولي التركي مش هيديك الاداء الصح
رايكم ايه

[ameros]

بالمناسبه صابر باعلي القاعدع دي اغلي مالسوق ب ١٠٠ جنيه طبعا انا هعمل الواجب معاه النهارده بس انا كده بفكر جديا اقف التعامل مع صابر لاني لو وصلت معاه لمرحلة معينه هبوظه بمعني الكلمه لانه ذودها قوي ولازم يتعلم ان السوق والشغل ادب وصنعه مش فهلوه. مشكلتي معاه اني بعزه لانه معرفه من سنين بس انه يتمادي فالاخطاء والسرقه يبقي ابو ام المعرفه

[Abdo Taha]

بالمناسبه صابر باعلي القاعدع دي اغلي مالسوق ب ١٠٠ جنيه طبعا انا هعمل الواجب معاه النهارده بس انا كده بفكر جديا اقف التعامل مع صابر لاني لو وصلت معاه لمرحلة معينه هبوظه بمعني الكلمه لانه ذودها قوي ولازم يتعلم ان السوق والشغل ادب وصنعه مش فهلوه. مشكلتي معاه اني بعزه لانه معرفه من سنين بس انه يتمادي فالاخطاء والسرقه يبقي ابو ام المعرفه

موجود النهاردة في الورشة على فكرة لو عايز تظبطه لأنه فعلا بدأ يجيب قطع غيار مش تمام انا شايف اللي يرحله يجيب قطع غياره معاه غير كده بلاها احسن ، بس لو هتغيره هتروح لمين غيره ؟

ممكن تروح لمحمد هاشم و هو محترم بس مشكلته الصنايعية اللي عنده

في مهندس اسمه اكرم اسمع انه كويس بس مجربتوش الصراحة ة ده مبيحبش العك

[ameros]

انا لسه ماشي من عنده حالا بعد ما روقته بيني وبينه اكتفيت باني أخد الفلوس كلها بدون مصراعيه امبارح النهارده الغريب ان العربيه ظبطت بالقاعدة القديمتين والاغرب ان الشيخ هيثم كلمني جايلي قوات لمفوردو هيه غاليه اه بس اصيله علي ضمانتواانا هشتريهم منه وهخلي صابريركبهم بدون اي مصناعيات ولوساق الهبل بجد المره دي هعمله الأدب مش هخليه يشتغل فقطع غيار نهائي دا غير كم المخالفات اللي عازفها عنه الناس دي بجد لازم تتربي

[Abdo Taha]

بص هو العيال اللي عنده جدعان الصراحة بس قطع الغيار فعلا قرف خصوصا لو حاجة كبيرة الافضل تتعمل فالتوكيل او على الاقل تاخد قطعة الغيار من التوكيل اصلي و تركبها عنده

يعني التيل اللي مركبهولي بصراحة مش قد كده بيصفر جامد انا مستني بس 5000 كيلو كمان و هعمل صيانة كاملة للعربية هغير فلاتر و بوجيهات و تيل و زيت و هخشن السن بتاع طبة الزيت عشان نعمت