عايز اهد الفيكترا. اروح لمين

[amr abuelmgd]

مساء الفل لكل الاوبلاويه
بعد معاناه طويلة مع عربيتي فيكترا 98 من الاعطال و الزيت اللي بينقط من العربيه من كل حته فتيس و موتور و باور والذي منه ومشاكل في البوابة و الفرامل مازالت قيد البحث و التجربه من صنايعيه كتير و كلهم اوبل و مصاريف كتيره على الفاضي. قررت افك الحوض كله و اراجع عليها من الالف للياء.
محتاج صنايعي او مهندس ميكانيكا او اي حد يكون فاهم فيها كويس اوي و يدلني على الصح في قطع الغيار و الي محتاج يتغير ايه و يعمل صيانة كاملة و استلم منه على الزيرو.
بالمناسبه انا ساكن في الهرم و شغلي في المهندسين فياريت يكون قريب مني مش في اخر الدنيا.
يا ريت الناس تقول رايها في الكلام و تساعدوني

[Amr.Fathy]

طيب ما تفكر تجيب موتور بكل حاجة من نص يتفك ادامك احسن

[Hesham.H]

حضرتك كل المطلوب منك تجيب طقم جوانات واويل سيلات كامل للموتور والفتيس وتروح لميكانيكى اوبل كويس يعملك الشغل ده على الرايق ويا سلام لو غيرت طقم الشنبر معاهم وتبقى ظبطت العربيه ظبطه محترمه

[amr abuelmgd]

كلام جميل جدا وهو ئه اللي انا ناوي عليه مع شويه حاجات تانيه بس مش عارف مين يكون شاطر و امين ويعملي الحكايه دي