تغيير زيت فيكترا سي

[moody_687]

انا تعبت من كتر الاسئلة قبل مااخد قراري بتغيير زيت موبيل 1 وربنا يستر من هذا القرار
انا عربيتي ماشية 170 الف ك
سمعت اقاويل انه لازم احط زيت معدني مش تخليقي
فقلت اجيب كاسترول ماجنتك 10w-40
ايه رأي مهندسين الاوبل فالمنتدى ف الزيت ده ؟؟؟
انا ممكن ارجعه تاني لو وحش ع الماتور واحط موبيل وان فالتوكيل وخلاص فأتمنى تقوليلي هل قراري سليم ولا لا ؟؟ وهل الماتور سوف يتأذى وصوته هيعلى ؟؟

[mhkorayem]

طالما الماتور حالته كويسه يبقى متحطش في العربيه غير الزيت التخليقي
حرام تحط زيت معدني في ماتور كويس
أنا عامل بالماتريكس ما يقرب من 215.000 كم وعمري ما حطيت فيها غير زيت تخليقي
أنا بحط شل الترا وبصراحه زي الفل

[moody_687]

انا مش عارف اعرف ازاي حالة الماتور كويسة ؟؟
انا اللي بشوفه وانا بشغله انه مش بيرعش جامد هو بيرعش ع خفيف

[Hesham.H]

انا مش عارف اعرف ازاي حالة الماتور كويسة ؟؟
انا اللي بشوفه وانا بشغله انه مش بيرعش جامد هو بيرعش ع خفيف

الموتور حالته كويسه يعنى مش بياكل زيت .. يعنى كميه الزيت اللى بتنزل منه نسبه الفاقد فيها قليل لان اى عربيه مهما كانت اكيد بتحرق زيت بس طبعا بنسبه قليله جدا
عاير الزيت اللى نازل من الموتور وانت بتغير بالاضافه لزيت الفلتر واعمل حسابك تضيف عليهم حوالى ٢٠٠ جرام بيكون داخل الكارتيره مش بينزل مع الغيار وشوف نسبه الفاقد عندك قد ايه
تحياتى

[moody_687]

انا لسه شايف المؤشر بتاع الزيت وكنت حاطت موبيل وان
لقيت المؤشر ناقص بتاع نص شرطة لشرطة يبقى كده ايه

[moody_687]

ايه ياجماعة فين عمالقة الاوبل

[TAMER_ELBADAWY]

كمية الزيت قد اية لو سمحت

كمية الزيت قد اية لو سمحت بالفلتر؟

[Abdo Taha]

4.5 لتر حسب ما مكتوب في الكتالوج

[Abdo Taha]

ايه ياجماعة فين عمالقة الاوبل

انا شايف تحط الماجنتك لأنه اولا مش معدني كامل ده نصف تخليقي و بيقعد 10000 كيلو و مجربه و كويس جدا

من وجهة نظري شايف ان اللي عدى ال 120 الف يحط نصف تخليقي بس " مش معدني كامل "

[هشام السيد]

بص ياباشا انا ها انقلك تجربتي انا معايا فيكترا بي وحاله موتوري الحمد لله تمام كنت بحط ماجنيتك عشان درجاته ريكومندد لاوبل فيكترا ١٠-٤٠ وكانت العربيه تمام والحراره تمام المهم جيت بعدها اتفزلكت وحطيت موبيل وان ٥-٥٠ والله من بعد ٥٠ كلم وحسيت ان عداد الحراره اعلي من معدلاته المهم كنت مخنوق من العربيه وحرارتها استحملت ٣٠٠٠ كلم بالعافيه ونزلته ورجعت لماجنيتيك والله رجعت لطبيعتها تاني مع العلم موبيل نازل لونه اصفر

[Abdo Taha]

بص ياباشا انا ها انقلك تجربتي انا معايا فيكترا بي وحاله موتوري الحمد لله تمام كنت بحط ماجنيتك عشان درجاته ريكومندد لاوبل فيكترا ١٠-٤٠ وكانت العربيه تمام والحراره تمام المهم جيت بعدها اتفزلكت وحطيت موبيل وان ٥-٥٠ والله من بعد ٥٠ كلم وحسيت ان عداد الحراره اعلي من معدلاته المهم كنت مخنوق من العربيه وحرارتها استحملت ٣٠٠٠ كلم بالعافيه ونزلته ورجعت لماجنيتيك والله رجعت لطبيعتها تاني مع العلم موبيل نازل لونه اصفر

حسيت بكده برضه و حسيت بالصهد اكثر مع الموبيل عن الكاسترول

[moody_687]

انا شايف تحط الماجنتك لأنه اولا مش معدني كامل ده نصف تخليقي و بيقعد 10000 كيلو و مجربه و كويس جدا

من وجهة نظري شايف ان اللي عدى ال 120 الف يحط نصف تخليقي بس " مش معدني كامل "

معلش ياباشا عايز استفسر من حضرتك استفسار ليه بتستخدم الزيت المعدنى او نص معدني بعد 100 الف ك ؟
انا اللي خلى حيرتي تزداد ان المهندس الميكانيكا ف مركز كار فيكس بتاع اسكودا وفولكس واللي اشتريت من عندهم زيت كاسترول نصحني بزيت كاسترول ايدج !!! وقالي مفيش مشكلة لو عربيتك عدت 100الف ك
انا مبقتش فاهم اي حاجة ف اى حاجة
انا تعبت والله وافرضوا حطيت الماجنتك اللي اشتريته هل هيبوظ الماتور ؟؟

[moody_687]

حسيت بكده برضه و حسيت بالصهد اكثر مع الموبيل عن الكاسترول

يعني ايه حسيت بالصهد ؟؟ حضرتك تقصد الصهد لما تفتح كبوت العربية ؟؟ ولا حضرتك تقصد الصهد اللي بيكون ف جناب العربية من قدام ؟؟

[Abdo Taha]

يعني ايه حسيت بالصهد ؟؟ حضرتك تقصد الصهد لما تفتح كبوت العربية ؟؟ ولا حضرتك تقصد الصهد اللي بيكون ف جناب العربية من قدام ؟؟

لا اللي في جانب العربية بيبقى رخم اوي لو في الزحمة او واقف على جنب و حسيته قل شوية ده غير ان على ال test mode الحرارة بتاعته اقل من حرارة الموبيل

[Abdo Taha]

معلش ياباشا عايز استفسر من حضرتك استفسار ليه بتستخدم الزيت المعدنى او نص معدني بعد 100 الف ك ؟
انا اللي خلى حيرتي تزداد ان المهندس الميكانيكا ف مركز كار فيكس بتاع اسكودا وفولكس واللي اشتريت من عندهم زيت كاسترول نصحني بزيت كاسترول ايدج !!! وقالي مفيش مشكلة لو عربيتك عدت 100الف ك
انا مبقتش فاهم اي حاجة ف اى حاجة
انا تعبت والله وافرضوا حطيت الماجنتك اللي اشتريته هل هيبوظ الماتور ؟؟

هو مفيش مشاكل هيشتغل عادي بس اللي عرفته انه مع الوقت و التأكل الموتور بيحتاج زيت اثقل فمسافة مثلا زي 150 الف مش قليلة

الموضوع كله في ان تحط زيت يكون بيستحمل يعني انصحك تحط الشل الالترا 5w40 تخليقي بالكامل مش عارف الكاسترول ايدج اخباره ايه بس الشل معدل تبخيره اقل من موبيل اللي لزوجته بتخف بسرعة عنه و عن تجربة لثلاث انواع زيوت الشل افضلهم بس معرفش الكاسترول ايدج ايه اخباره

عموما انا شايف تسألهم على صفحتهم برضه

بس اللي خلاني افضل الماجنتك زي ما قلتلك انه اثقل عشان نصف تخليقي و مناسب للحرق فهيدي حماية اكثر للموتور الاقدم اللي اكيد فيه نسبة تآكل اكثر من المواتير الاجدد