إحساس فظيع بالندم علي الفيكترا مع اني مبعدتش كتير

[mohamed-adly]

سلامو عليكو

انا عايز بس اقولكم كلمتين من قلبي والله

انا من فترة صغيرة بعت الvectra b2 بتاعتي

ودلوقتي جبت كورسا 2003 عربية جميلة وخفيفة وسريعة جدا وفيها امكانيات جميلة

لكن بجد والله احساس فظيع كل مااشوف فيكترا في الشارع بقول ايه الي انا راكبها دي
:)

مش قادر أتأقلم معاهم اتعودت علي الباور التقيل واتعودت علي المرايات الي مبتتقفلش والشارع بتاعنا ديق واتعودت علي مشيها وركبوبتها وفخامتها حاجات كتير قوي قوي

دلوقتي انا بندم ومفيش حاجة بتدور في بالي غير اني ابيع الكورسا الي مكملتش اسبوعين معايا ومشفتش منها الا كل خير وعربية جميلة جدا لكن انا روحي متعلقة في الفيكترا وعشان كده بفكر جديا ابيع الكورسا وابدأ رحلة البحث عن فيكترا مرة اخري
واسف علي الإطالة

[mwetsh]

:))

[فادى محمد]

الفيكترا احساس مختلف عن اي عربيه فعلا حتي لو زيرو . ربنا يوفقك

[kar!m]

أنا دايما بقول اللي معاه عربية و عارف اللي فيها .. حتى لو محتاجة شوية مصاريف ضبطها و خليها معاك .. عشان كده كده لما هتجيب عربية جديدة هتصرف عليها.

[kar!m]

بس على فكرة انت شوية و هتحب الكورسا .. الكورسا تحسها أحدث شوية من الفيكترا .. كنت بحب أوي ضغطة دراع النور لقدام عشان تشغل العالي و ميعملش تكة .. تحس ان المفتاح ديجيتال حديث كده :-)

كنت بحب برضه مفتاح السنتر اللي في التابلوة و مفتاح فتح الشنطة .. برضه يدوك احساس ظريف :-)

الأربع وحدات رفع و الديد لوك و الايمبوليزر .. الحاجات دي لذيذة برضه.

من أكتر الحاجات اللي افتقدتها في الكورسا أيام ما جبت الفيكترا .. المساحه الفاضية اللي تحت الكاسيت اللي بتحط فيها الموبايل.

[J A G U A R]

الفيكترا عربيه اصيله وقويه

[sherif_m72]

وحده وحده وهتنسجم معاها
لو انت مش بتسافر يبقى هتتأقلم عليها بسرعه لانها city car من الدرجه الاولى
يارب منلاقيش بعد يومين انك بعت وبتدور على فيكترا

[haisam ali]

ماهيا دى اللعنة اللى قولنا عليها ... لعنه الفيكترا b وفعلا زى مالاستاذ فادى قالك صعب جدا انك تنبسط فى حاجه حتى لو زيرو بعد ماركبت الفيكترا وعلى فكره ده مش تحيز ... وبعدين مانا قولتلك كده يامحمد اول مابعت ... كان الله فى العون ياريس وبرضه زى مالاستاذ كرم والأستاذ شريف قالولك باذن الله مع الوقت هتتكيف عليها

[mohamed-adly]

الفيكترا احساس مختلف عن اي عربيه فعلا حتي لو زيرو . ربنا يوفقك

فعلا مختلف جداً

أنا دايما بقول اللي معاه عربية و عارف اللي فيها .. حتى لو محتاجة شوية مصاريف ضبطها و خليها معاك .. عشان كده كده لما هتجيب عربية جديدة هتصرف عليها.

انا والله ندمت اني بعتها في فرق كبير

بس على فكرة انت شوية و هتحب الكورسا .. الكورسا تحسها أحدث شوية من الفيكترا .. كنت بحب أوي ضغطة دراع النور لقدام عشان تشغل العالي و ميعملش تكة .. تحس ان المفتاح ديجيتال حديث كده :-)



كنت بحب برضه مفتاح السنتر اللي في التابلوة و مفتاح فتح الشنطة .. برضه يدوك احساس ظريف :-)

الأربع وحدات رفع و الديد لوك و الايمبوليزر .. الحاجات دي لذيذة برضه.

من أكتر الحاجات اللي افتقدتها في الكورسا أيام ما جبت الفيكترا .. المساحه الفاضية اللي تحت الكاسيت اللي بتحط فيها الموبايل.

الكورسا جميلة والعربية الي معايا سليمة جدا جدا جدا مع ان الفيكترا كانت عندي عايزة طقم فرش ابواب وحاجات تانية لكن الكورسا معايا كأنها زيرو وفيها امكانيات جميلة لكن برضو فيكترا بتديني احساس ملوكي كده

الفيكترا عربيه اصيله وقويه

كلامك مظبوط طبعا

وحده وحده وهتنسجم معاها
لو انت مش بتسافر يبقى هتتأقلم عليها بسرعه لانها city car من الدرجه الاولى
يارب منلاقيش بعد يومين انك بعت وبتدور على فيكترا

انا مش بسافر كتير لكن لما بسافر بقطع مسافات طويلة زي سوهاج حوالي 650 كيلو فامعرفش ايه ظروفها في المسافات دي

ماهيا دى اللعنة اللى قولنا عليها ... لعنه الفيكترا b وفعلا زى مالاستاذ فادى قالك صعب جدا انك تنبسط فى حاجه حتى لو زيرو بعد ماركبت الفيكترا وعلى فكره ده مش تحيز ... وبعدين مانا قولتلك كده يامحمد اول مابعت ... كان الله فى العون ياريس وبرضه زى مالاستاذ كرم والأستاذ شريف قالولك باذن الله مع الوقت هتتكيف عليها

استاذي واخويا هيثم .. ايوة انا فاكر كلامك اكيد عارف في شعور كده عامل زي لما الواحد ييجي يتجوز وبيحب واحدة لكن مفيش نصيب واتجوز واحدة تانية مش وحشة لكن مفيش انسجام هههههههههه

[sunsonson]

كلام الاخوه الافاضل مظبوط الفكترا ركوبه والكورسا بردو كويسه بس فيه فرق ... فرق واضح .
زميل ليا ركب كتير نيسان وجولف وبتاع تظبيط وتغير والله كان بيزعقلي ويقولي العربيات ديه مش هيتعمل زيها تاني .
وكذا حد قالي شبه الكلام ده برغم قرفها وعيوبها بس عيوب مش ظاهره قصاد مميزاتها الي فعلا مغطيه عليها .
بالاضافه لسعر بيع زباله وكده كده هصرف في التغير يبقي هيا اولي .
ومتندمش ... انتا راكب كورسا بردو اوبل ومش زي الكوري خالص خالص اعده البيع كويسه جدا وزي الاخوه ماقالو انتا بردو عندك مميزات مش عندنا كل حاجه وليها تمن صديقي العزيز ربنا يديك خيرها ويبعد عنك شرها وعن الاخوه الكرام .

[mohamed-adly]

كلام الاخوه الافاضل مظبوط الفكترا ركوبه والكورسا بردو كويسه بس فيه فرق ... فرق واضح .
زميل ليا ركب كتير نيسان وجولف وبتاع تظبيط وتغير والله كان بيزعقلي ويقولي العربيات ديه مش هيتعمل زيها تاني .
وكذا حد قالي شبه الكلام ده برغم قرفها وعيوبها بس عيوب مش ظاهره قصاد مميزاتها الي فعلا مغطيه عليها .
بالاضافه لسعر بيع زباله وكده كده هصرف في التغير يبقي هيا اولي .
ومتندمش ... انتا راكب كورسا بردو اوبل ومش زي الكوري خالص خالص اعده البيع كويسه جدا وزي الاخوه ماقالو انتا بردو عندك مميزات مش عندنا كل حاجه وليها تمن صديقي العزيز ربنا يديك خيرها ويبعد عنك شرها وعن الاخوه الكرام .

اشكرك جدا علي كلامك

وان شاء الله احاول أتأقلم مع الكورسا

[ayman hamdy]

الفيكترا مش هتعرف تنساها ومش هتعرف تتأقلم مع الكورسا للأسف
ببساطة شديدة حضرتك ركبت اعلى فئة فمش هتقدر تتأقلم مع اقل فئة
متزعلش منى انا مستغرب ازاى حضرتك تبيع فيكترا بى ٢ وتركب كورسا !!!
ربنا يوفقك الى ما فيه الخير
تقبل خالص تحياتى

[mohamed-adly]

الفيكترا مش هتعرف تنساها ومش هتعرف تتأقلم مع الكورسا للأسف
ببساطة شديدة حضرتك ركبت اعلى فئة فمش هتقدر تتأقلم مع اقل فئة
متزعلش منى انا مستغرب ازاى حضرتك تبيع فيكترا بى ٢ وتركب كورسا !!!
ربنا يوفقك الى ما فيه الخير
تقبل خالص تحياتى

القصة كالآتي

ان العربية الفترة الجاية كانت عايز شوية مصاريف مابين 3لـ5 الاف
وبصراحة مكنتش ناقص مصاريف فاقولت ابيعها وخلاص وجبت الكورسا وجميلة جدا الكورسا لكن بفتقد حاجات كتير ليس لها عدد في الفيكترا لذلك قررت ابيع الكورسا واجيب فيكترا

[احمد فهمى]

الفيكترا بى انا بعتبرهاع بيه سبقت عصرها وبالفعل عربيه لها احساس مختلف فى السواقه لكن انت بعت خلاص وربنا يوفقك فى الكورسا الموديل ده ممتاز والفيكترا للآسف يكاد يكون مستحيل تلاقى حال سليمه

[kar!m]

الفيكترا بى انا بعتبرهاع بيه سبقت عصرها وبالفعل عربيه لها احساس مختلف فى السواقه لكن انت بعت خلاص وربنا يوفقك فى الكورسا الموديل ده ممتاز والفيكترا للآسف يكاد يكون مستحيل تلاقى حال سليمه

فعلا النضيف منها قليل جداا .. أنا عربيتي كانت سادس عربية أتفرج عليها وأنا بشتري.
العربية دي برضه ما شاء الله كانت عجباني .. ربنا يبارك لصاحبها

http://www.nilemotors.net/Nile/415249-96-1600-a.html