علاج مشكلة التزيق ؟؟؟

[hamdy916]

عندى العربية بتزيق من ورا فى صوت تزيق روحت للمكانيكى قالى روح اغسلها من تحت بزيت عملت كده خفت بس برده فى تزيق متهيالى الصوت جى من ورا تحت الكنبة كده بسمعه وانا فاتح الشباك او لو العربية واقفه ودوست عليها من ورا بيطلع وبيتسمع ده اول مشكله

المشكلة التانية الى مش فاهمها ان اول ما تكون العربية بارده ولسه ماشية الغيار التانى بيطلع عينى عشان اجيبه بجيبه بس جامد اوى بس اول ما العربيه تمشى مثلا 10 كيلو ولا حاجه يبقى زى الفل والكلام ده فى الغيار التانى بس

[tameem2010]

بخصوص الغيارات غير زيت الفتيس وحط زيت خفيف اللى هو درجة لزوجته 80w-90 بغض النظر عن النوع لان الاهم درجة اللزوجة وانصحك بموبيل انما لو مفيش موبيل مفيش مشكلة خالص مش هتفرق
لان واضح ان تقل الغيار سببه ان الفتيس فيه زيت ثقيل اللى هو 80w-140

[hamdy916]

بخصوص الغيارات غير زيت الفتيس وحط زيت خفيف اللى هو درجة لزوجته 80w-90 بغض النظر عن النوع لان الاهم درجة اللزوجة وانصحك بموبيل انما لو مفيش موبيل مفيش مشكلة خالص مش هتفرق
لان واضح ان تقل الغيار سببه ان الفتيس فيه زيت ثقيل اللى هو 80w-140

طيب هو لو الزيت فيه مشكلة مش المفروض يعمل كده معا كل الغيارات ؟؟؟؟

الغريب ان هو معا التانى بس وفى اول 3 كيلو بس

[sunsonson]

بالنسبه للتزيق كانت عندي بالظبط وغيرت جلب المقصات الخلفيه والصوت راح وجبت جلب تركي من شمبليون مش فاكر بكام الصراحه ... وطبعا رشتها wd40 وغسلتها بالجاز وعملت كل حاجه لحد ماروحت لعفشجي كويس قالي الجلب .... مش بتاخد وقت ولافلوس كتير في تغيرها .

[hamdy916]

بالنسبه للتزيق كانت عندي بالظبط وغيرت جلب المقصات الخلفيه والصوت راح وجبت جلب تركي من شمبليون مش فاكر بكام الصراحه ... وطبعا رشتها wd40 وغسلتها بالجاز وعملت كل حاجه لحد ماروحت لعفشجي كويس قالي الجلب .... مش بتاخد وقت ولافلوس كتير في تغيرها .

طيب انا هقول للعفشجى يغير الجلب طيب عندك فكرة عن موضوع الفتيس ولو محتاج فعلا زيت اغيره ولا ازوده ولو اغيره منين واجيب زيت نوعه ايه انا عربيتى اوبل فكترا بى 1 1998

[sunsonson]

طيب انا هقول للعفشجى يغير الجلب طيب عندك فكرة عن موضوع الفتيس ولو محتاج فعلا زيت اغيره ولا ازوده ولو اغيره منين واجيب زيت نوعه ايه انا عربيتى اوبل فكترا بى 1 1998

والله كان نفسي اساعدك واضح ان عربيتك مانيوال انا اتوماتك معرفش حاجه خالص عن ده ولا ده استني الاعضاء انشاء الله يحلوهالك ...... سامحني وكل سنه وانتي طيب لو فيه استفسار تاني كلنا تحت امرك

[Abo_Mazen]

طيب هو لو الزيت فيه مشكلة مش المفروض يعمل كده معا كل الغيارات ؟؟؟؟

الغريب ان هو معا التانى بس وفى اول 3 كيلو بس

لأ مش غريبه ولا حاجه ...تقل الفتيس ممكن ييجي معاك على أي غيار ..وممكن متحسش بيه أصلا ..عشان كده غير الزيت بزيت خفيف ..اللي بيسموه درجة لزوجه 90 ..وشوف وجرب ..

[فادى محمد]

تقل الفتيس . زيت زياده (في الكميه) او زيت لزوجته تقيله..
الزيت الريكومندد هو 80 -90 والفتيس ياخد 1,9 لتر باظبط
روح غير الزيت القديم وحط جديد افضل..موبل - شل -.. مش هيفرق كتير

[hamdy916]

تقل الفتيس . زيت زياده (في الكميه) او زيت لزوجته تقيله..
الزيت الريكومندد هو 80 -90 والفتيس ياخد 1,9 لتر باظبط
روح غير الزيت القديم وحط جديد افضل..موبل - شل -.. مش هيفرق كتير

طيب سؤال هو انا هروح اغيره فى بنزينه ولا فين وهو فى طبه عشان ينزل منها زيت الفتيس ولا لاء عشان انا عرفت ان المانيوال مالوش طبه ولو ملوش ايه الحل

[فادى محمد]

هتغيره عند ميكانيكي .بيفك كارتيره زيت الفتيس . 10 مسامير مقاس 10 مل .والزيت هينزل منها . بعد كده يغسلها كويس بالبنزين هي والجوان بتاعها ويركبها تاني بمساعده سليكون حراري ويربط...
يحط الزيت من مسمار طبه المليء فوق عقربه الفتيس .مسمار 17 مل .يحط 1.9 لتر فقط

[hamdy916]

هتغيره عند ميكانيكي .بيفك كارتيره زيت الفتيس . 10 مسامير مقاس 10 مل .والزيت هينزل منها . بعد كده يغسلها كويس بالبنزين هي والجوان بتاعها ويركبها تاني بمساعده سليكون حراري ويربط...
يحط الزيت من مسمار طبه المليء فوق عقربه الفتيس .مسمار 17 مل .يحط 1.9 لتر فقط

معلش عارف انى زهقتك

هو اجيب زيت ايه يعنى فى بنزينة موبيل حاجه اسمها زيت فتيس مانيوال ؟؟؟

وايه افضل نوع وياريت لو فى حدود كام

[فادى محمد]

مازهقتش ولا حاجه..
هات شل او موبيل ..
اسم المنتج . زيت تروس ( 80-90)

[hamdy916]

لسه جى من عند الميكانيكى عشان يقولى العربيه فيها ايه من صوت التزيق ومشكلة الفتيس وقالى

ان العربية محتاجه تغير الجلب الخلفيه كلها الى هما 8 قولتله بتوع ايه قالى مقصات وشداد قولتله ليه قالى الصوت مش باين بالضبط من انى جلبه وبا ان احنا فكينا يبقى نغير كله وخلاص (فكنت عايز اعرف الكلام ده صحيح ولا لاء وبعدين قالى ان العمليه ده محتاجه يوم كامل فكنت عايز اسال برده على المصنعيه كام؟)

ومشكلة الفتيس قالى فعلا هنغير زيت المهم قولتله ان العربية بتاخد 1.9 قالى لاء بتاخد 2 مش عارف الكلام ده صحيح ولا ايه

وياريت لو حد يقولى اجيب الجلب منين انا ساكن جنب الحرفين وايه افضل نوع


وفى حاجه تانيه كنت عايز اعرف الجلد الى الازاز الامامى بيطلع ما بينه بيتباع فين واستيراد ولا جديد عشان عندى مقطع من نحيه بره

[hamdy916]

دلوقتى روحت الحرفين سالت على الجلب لقيت الامانى 8 قطع ب 620 والتركى 6 قطع ب 390 مش عارف الفرق بصراحه روحت سالت ميليجى على الاستيراد قالى احسن ما تجيب جلب خد مقصين استيراد بالجلب بتاعتهم المقص ب 150 ب 3 جلب فكنت عايز اعرف رايكو ضرورى عشان محتار اوى

[hamdy916]

وقالى اقتراح تالت انى اخد المقصات بالدونجل ب 500 استيراد بس تمام ياريت حد يقولى اعمل ايه