مشكلة عندى فى الفكترا سي

[elmatador2800]

لو سمحتم يا جماعة انا لسة جايب فكترا سي جديد العربية كويسة بس عند النقلة خصوصا من الأول للتانى بحس برزعة او نتشة ورحت لواحد قالى كرسى فتيس وواحد تانى قالى الكرسى سليم دا دسك و اسطوانة و الصر احة انا محتار ممكن حد يفدنى دا من اية و كما امبارح لقيت عداد حرارة العربية بيرفع اول مدور العربية و بعدين يرجع تانى على النص لو سمحتم ممكن حد يفدنى لأن بتوع قطع الغيار و التوكيل بينصب نصب مش طبيعى فى العربية


محمود امين

[احمد فهمى]

روح لصابر او محمد هاشم اللى فى مدينة نصر وغالبآ مجموعة دبرياج او محتاجه ادابتينج وكله بسيط لا تقلق

[elmatador2800]

انا من المنصورة للاسف يا غالي وانا رحت التوكيل وعملت برمجة بس بردو مش مظبوط اوى ولسة بينتش ساعه ما اشيل رجلي من علي الفرامل في الزحمة والموضوع دا خنقني لدرجة اني بفكر اسقط المتور الاتوماتك بس مش عارف سعرة غالي ولا ايه

[عمارمطر]

الموضوع بسيط ان شاء الله بس انت محتاج ميكانيكى بيفهم يكشفلك على الدسك والاسطوانه ويظبطلك الدبرياج ومشكله الحراره دى عادى طالما بتنزل بسرعه اول ما تدور وطمنا عملت ايه

[elmatador2800]

موضوع الفتيس دا هشوفة بس شوية كدا لاني بفكر اسقط موتور اكبر ويكون اتوماتكةلان ايزي ترونك دا غبي جدا اما الحرارة فواحد كان عندة نفس مشكلتي وفي واحد رد علية وقاله دا الثرمثتور بتاع الحرارة فا انا هغيرة وهشوف ان شاء الله متشكر يا رجاله بجد علي الاهتمام بس لو حد يعرف الموتور التانس دا يعمل كام وفين عرفوني