مشاكل في فيكترا a

[eyadrashad]

السلام عليكم ورحمة الله وبركاته
اخواني الكرام جزاكم الله عنا خيرا في مساعدتكم وجعلكم الله دائما عونا للأخرين
بصراحة انا متابع المنتدى من فنرة ولسه مسجل فيه
عندي بعض المشاكل في معشوقتي فيكترا A 96 الشكل القديم 20i -AT
ملحوظة: للشباب هي مثبوته في الورق في المرور والافراج الجمركي بتاعها 96 (ليست انتاج محلي)
وانا ثاني مالك ليها وكانت عربية مدير ائتمان اوبل فيكترا وصيانتها في التوكيل وبقالها معايا 5 سنين

1- مشكلة الحرارة في الزحمة توصل الي 97 (بدون تكييف)
ركبت تيرموستات 86 اللي فوق الخلاصة بتاعة فيات
- طلمبة المياة جديدة GM
- طقم جوانات كامل جديد GM
- ريدياتير جديد GM
- لغيت شجرة السخن للماتور
- شايل ترموستات الكوع
- المراوح تعمل تقريبا بكفاءة سرعتين
- تغير دورة تبريد وغسيل
- غطاء القربة جديد GM
2- العربية ممكن ساعات يكون فيها ترتيله واحس انها متلته - وساعات احس انها عاليه ولما اجري شوية ألاقي العربية هديت القراءة الطبيعية لـ ار بي ام 0.5 وساعات لما بتحصل المشكلة بيكون قبل 1 مباشرة
3- دخنه سوداء عند التزويد
(مع الأخذ في الاعتبار ان السحب في الطلعة تمام وعلى الطريق كمان) بس ساعات بعد ال 140 بعد ظهور المشلكة دي احس انها مش قادرة تجيب اكتر من كده أحيانا وليس دائما

بالنسبة للبنزين : الصفيحة بتعمل معايا 170ك داخل وخارج القاهرة توضيح أكثر من اللمعادي والي العاشر من رمضان والعودة مع الزحمة والاشارات

4- خبطة غريبة في ناحية اليمين في الطريق الغير ممهد ( تحس ان حديد بيخبط في بعض) الصوت من عند التنابير

غير كده بصراحة أجمل عربية ركبتها مع العلم كنت راكب قبلها جولف 4

ودي صورة للعربية

[eyadrashad]

أسف للخطأ

[فادى محمد]

ميه القربه بتنقص معاك؟؟

[eyadrashad]

الطبيعي بتاعها بزودها ممكن كل اسبوع كوباية او نص

[eyadrashad]

في انتظار الردود